ក្រុមហ៊ុន ASUS Republic of Gamers ឬហៅកាត់ថា ROG បានប្រកាសចាប់ដៃគូសហការជាមួយ MedaiTek ដែលជាក្រុមហ៊ុនផលិតបន្ទះឈីប (Chip Solution) ឈានមុខគេនៅលើពិភពលោក ដើម្បីនាំយកបច្ចេកវិទ្យាតភ្ជាប់បណ្តាញដោយឥតប្រើខែ្សជំនាន់ថ្មីគឺ Wi-Fi 6 Connectivity ដែលមានល្បឿនលឿនបំផុត និងមានស្ថេរភាពល្អបំផុតជូនដល់ Gamers នៅទូទាំងសកលលោក។
ក្នុងមួយឆ្នាំៗបច្ចេកវិទ្យា Wi-Fi Solution របស់ MediaTek បានប្រើនៅលើឧបករណ៍ជិតពីរពាន់លានគ្រឿង។ ហើយសម្រាប់កិច្ចសហប្រតិបត្តិការរបស់ MediaTek ជាមួយនឹង ROG ក្នុងពេលនេះគឺការចែករំលែកនូវសកម្មភាពនៃបទពិសោធន៍ថ្មីដ៏អស្ចារ្យបំផុតរបស់ Gamers ក្នុងការប្រើប្រាស់បច្ចេកវិទ្យាដែលមានកម្រិតល្បឿនប្រតិបត្តិការលឿនបំផុត និងមានប្រសិទ្ធភាពខ្ពស់បំផុតមិនធ្លាប់មានទៅកាន់ពិភពលោក។ ជាមួយបច្ចេកវិទ្យា MediaTek Wi-Fi 6 Solution ដែលបំពាក់នៅលើម៉ាស៊ីនកុំព្យូទ័រយួរដៃហ្គេមីង ROG Series នឹងផ្តល់នូវប្រសិទ្ធិភាពល្បឿនដំណើរការណ៍លើប្រព័ន្ធបណ្តាញកាន់តែមានស្ថេរភាពលឿនរហ័ស និងមានទំនុកចិត្តខ្ពស់បំផុត ដែលធានាបានថា រាល់សកម្មភាពរបស់ Gamers នៅលើប្រព័ន្ធបណ្តាញគឺប្រព្រឹត្តិទៅបានរលូនពុំមានភាពរអាក់រអ៊ួលនោះឡើយ។
លោក Rangoon Chang ដែលជាអ្នកចាក់ការទូទៅលើផ្នែកអាជីវកម្ម ASUS Gaming Business Unite បានមានប្រសាសន៍លើកឡើងថា “យើងពិតជាមានក្តីសោមនរីករាយមែនទែនដែលមានចាប់ដៃគូសហការណ៍ជាមួយ MediaTek ក្នុងការប្រើប្រាស់នូវបច្ចេកវិទ្យា Wi-Fi ជំនាន់ចុងក្រោយនៅលើម៉ាស៊ីនកុំព្យូទ័រយួរដៃ ROG ស៊េរីថ្មីៗរបស់យើង”។ លោកបន្ថែមទៀតថា MediaTek គឺជាក្រុមហ៊ុនឈានមុខគេក្នុងវិស័យមួយនេះ ហើយការដែលបានចាប់ដៃសហការគ្នានេះ ពួកយើងនឹងផ្តល់ជូនដល់ Gamers និង Creator នូវលក្ខណៈពិសេសដ៏អស្ចារ្យបំផុតដែលពូកគេត្រូវការដើម្បីបង្កើនប្រសិទ្ធិភាពការងាររបស់ពូកគេកាន់តែមានប្រសិទ្ធិភាពខ្ពស់បំផុត។ ផលិតផលរបស់ MediaTek នៅលើម៉ាស៊ីនកុំព្យូទ័រយួរដៃហ្គេមីង ROG ស៊េរីថ្មីៗនឹងផ្តល់នូវបទពិសោធន៍ប្រើប្រាស់ដ៏អស្ចារ្យសម្រាប់អ្នកទាំងអស់គ្នា។
ចំនែក Alan Hsu ដែលជាអ្នកចាត់ការទូទៅលើផ្នែកអាជីវកម្ម Intelligent Connectivity Business Unit របស់ MediaTek បានមានប្រសាសន៍ថា “Connectivity Solution គឺជាបច្ចេកវិទ្យាស្នូលរបស់ MediaTek ដែលត្រូវបានរចនាផលិតឡើងដើម្បីផ្តល់ជូននូវការតភ្ជាប់បណ្តាញអោយកាន់តែមានប្រសិទ្ធិភាពខ្ពស់បំផុត ហើយក៏ជួយបង្កើនការសន្សំសំចៃអាយុកាលថាមពលថ្មរបស់ឧបករណ៍ផងដែរ។ ការសហការរបស់យើងជាមួយដៃគូ ដូចជា ROG ជាដើម បានបង្ហាញច្បាស់ថា MediaTek បាននឹងកំពុងជំរុញយុគសម័យនៃការតភ្ជាប់ប្រព័ន្ធបណ្តាញថ្មីឆ្ពោះទៅមុខដោយផ្តល់នូវការភ្ជាប់ដែលមានប្រសិទ្ធិភាពល្បឿនលឿនរហ័សបំផុតជាមួយបច្ចេកវិទ្យា Wi-Fi 6 សម្រាប់ប្រើនៅក្នុងអាជីវិកម្មជាច្រើនរួមមាន Broadband, Retail Router, Consumer Electronics Devices និង Gamers Sectors ជាដើម។
Wi-Fi 6 គឺជាស្តង់ដារថ្មីនៃការតភ្ជាប់បណ្តាញអ៊ីនធ័រណិត ដែលមានប្រសិទ្ធិភាពល្បឿនលឿនរហ័សបំផុត និងការតភ្ជាប់គឺមានស្ថិរភាពល្អបំផុតជាងជំនាន់មុន។ ក្រុមហ៊ុន ROG និង MediaTek បាននឹងកំពុងសំឡឹងទៅមុខក្នុងការផ្តល់ជូននូវឧបករណ៍ ROG ដែលបំពាក់នូវ Wi-Fi6 Technology ដល់អ្នកប្រើប្រាស់នៅទូទាំងពិភពលោកដោយចាប់ផ្តើមពីឆ្នាំ 2021 នេះទៅ៕