ថ្មីៗនេះ ក្រុមហ៊ុន Samsung បានប្រកាសជាផ្លូវការនូវម៉ូនីទ័រជាច្រើនដែលមានកម្រិតភាពច្បាស់ខ្ពស់ដែលមានគោលដៅសម្រាប់អាជីវកម្ម និងអ្នកប្រើប្រាស់ជាច្រើន។ សម្រាប់ម៉ូនីទ័រថ្មីនេះគឺមានចំនួន 12 ម៉ូឌែលផ្សេងគ្នា ហើយនៅក្នុងពេលនេះ ក្រុមហ៊ុន Samsung ក៏បានដាក់អោយមានការទ្រទ្រង់ទៅលើមុខងារ HDR សម្រាប់គ្រប់ម៉ូឌែលទាំងអស់ថែមទៀតផង។
សម្រាប់ម៉ូឌែល Samsung S8 Flagship ដែលមានទំហំ 27 អ៊ីង ចំនួន 2 ដែលមានលេខម៉ូឌែល S80A និង S80UA។ ក្នុងនោះក៏មានម៉ូឌែលទំហំ 32 អ៊ីង ដែលមានលេខម៉ូឌែល S80A ផងដែរ។ អេក្រង់នេះ ក៏មានការទ្រទ្រង់នូវកម្រិតពណ៌ 1 ពាន់លានពណ៌ (10-bit) IPS panels និងកម្រិតភាពច្បាស់ 4K Ultra HD 3840x2160 pixels។
ក្រុមហ៊ុន Samsung បានអះអាងថា អេក្រង់នេះ គឺមានការទ្រទ្រង់ទៅលើ HDR10 ថែមទៀតផង។ អេក្រង់នេះ គឺមានកម្រិតពន្លឺដល់ទៅ 300 nits នៅក្នុងវិញ្ញាបនបត្រ VESA។ បន្ថែមពីនេះទៀតនោះ ម៉ូនីទ័រ Samsung S8 នេះ គឺមានការទ្រទ្រង់ទៅលើគែម Bezels ស្តើងនិងការទ្រទ្រង់នូវ 10Gbps តាមរយៈ USB-C ជាមួយនឹង USB Hub។ សម្រាប់ម៉ូឌែល 27 អ៊ីង S80UA នេះ មានការទ្រទ្រង់នូវ 90W charging ផងដែរ។ បន្ថែមពីនេះ ម៉ូនីទ័រ S8 គឺមានការទ្រទ្រង់ទៅលើ HDMI 2.0, DisplayPort 1.2 input និងមានកម្រិត response time ដល់ទៅ 5 មីលីវិនាទី។
ខុសប្លែកពីម៉ូនីទ័រ S8 នេះ ម៉ូនីទ័រ S7 series នេះគឺមាន 2 ម៉ូឌែលនោះគឺ 27 អ៊ីង S70A និង 34 អ៊ីង S70A។ ម៉ូឌែលទាំង 2 នេះគឺមានអេក្រង់កម្រិត 4K ហើយវាមានការទ្រទ្រង់ទៅលើ HDR10 និងកម្រិតពណ៌ 1.07 ពាន់លានពណ៌។ អេក្រង់នេះមានគែម Bezels ស្តើងមែនទែន។ កុំព្យូទ័រ S6 គឺមាន 6 ម៉ូឌែលដែលមានទំហំចាប់ពី 24 អ៊ីង ទៅ 34 អ៊ីង។ អេក្រង់របស់ម៉ូនីទ័រចំនួន 5 គឺមានកម្រិតភាពច្បាស់ QHD 2560x1440 pixels។ សម្រាប់ម៉ូឌែល S65UA គឺមានទំហំអេក្រង់កោង 34-inch ដែលមានកម្រិតភាពច្បាស់ UWQHD 3440x1440 pixels។ សម្រាប់ម៉ូឌែល S6 គឺមានការទ្រទ្រង់នូវ HDR10 ជាមួយនឹងកម្រិតពណ៌ 1.07 ពាន់លានពណ៌ថែមទៀត៕