Huawei MateBook D 14 គឺជាកុំព្យូទ័រយួរដៃស៊េរីថ្មី ដែលមានអនុសភាព និងភាពច្នៃប្រឌិតដ៏អស្ចារ្យគ្មានគូប្រៀប

ថ្មីៗនេះ ក្រុមហ៊ុន Huawei ទើបតែបានបង្ហាញនូវវត្តមានកុំព្យូទ័រស៊េរីថ្មីរបស់ខ្លួន ម៉ូដែល  Huawei MateBook D 14 ដែលមានអេក្រង់បង្ហាញនូវកម្រិតភាពច្បាស់ខ្ពស់បានដល់ទៅ 1920x1080 IPS និងមានគែម Bezels ស្តើងត្រឹមតែ  4.8mm ប៉ុណ្ណោះ ដែលបានធ្វើអោយអេក្រង់ទំហំ 14-inch FullView មើលទៅពិតជាស្រស់ស្អាត និងទាក់ទាញបំផុត។ អេក្រង់នេះគឺមានកម្រិតមុំដល់ទៅ 178° ដែលផ្តល់នូវបទពិសោធន៍នៃការទស្សនាដូចនៅក្នុងរោងកុន ហើយការទស្សនារបស់អ្នកពិតជាច្បាស់ និងអស្ចារ្យគ្មានគូប្រៀបនោះទេ។ ខាងក្រោមនេះ គឺជាលក្ខណសម្បត្តិទាំងស្រុងនៃម៉ូដែលថ្មីនេះ៖ 

 

-ទម្ងន់ស្រាល រូបរាងស្លីម និងស្ទាយ៍ដ៏ទាក់ទាញ

កុំព្យូទ័រស៊េរីថ្មីនេះ គឺមានទម្ងន់ស្រាលត្រឹមតែ 1.38kg និងមានកម្រ៉ាស់ត្រឹមតែ 15.9mm ហើយអ្វីដែលកាន់តែអស្ចារ្យជាងនេះទៀតនោះ អ្នកអាចបត់នូវត្រចៀករបស់វាបាននៅក្នុងកម្រិត 180° ថែមទៀតផង។ កុំព្យូទ័រ Huawei MateBook D 14 នេះគឺប្រើប្រាស់នូវបន្ទះឈីប AMD Ryzen 7 3700U Processor ដែលមានការពង្រឹងទៅលើល្បឿនដំណើរការរបស់វា កាន់តែខ្លាំងក្លា។ ជាមួយនឹងការបំពាក់នូវស្ថាបត្យកម្ម 16GB Dual-channel architecture DDR4 RAM នោះ ល្បឿននៃការ Read និង Write ពិតជាលឿនមែនទែន។ កាន់តែពិសេសជាងនេះទៀតនោះ នៅលើម៉ាស៊ីននេះ គឺមានភ្ជាប់ជាមួយនឹងក្រាហ្វិកកាត Radeon™ RX Vega 10 Graphics ថែមទៀតដែលផ្តល់អោយអ្នករីករាយបានពេញមួយថ្ងៃជាមួយនឹងកុំព្យូទ័រនេះ។

-ម៉ាស៊ីនកាន់តែត្រជាក់ និងស្ងាត់ក្នុងការប្រើប្រាស់

កុំព្យូទ័រយួរដៃ Huawei MateBook D 14 នេះ មានភ្ជាប់ជាមួយនឹងការឌីស្សាញកង្ហារ Shark Fin 2.0 ដែលអាចធ្វើការពង្រឹងទៅលើប្រព័ន្ធត្រជាក់បានយ៉ាងល្អបំផុត ហើយវាស្ងាត់ក្នុងការប្រើប្រាស់។ ជាមួយនឹងបច្ចេកវិទ្យានេះ គឺមិនថា លោកអ្នកធ្វើការគ្រប់គ្រងទៅលើការងារអ្វីក៏ដោយនោះទេ គឺម៉ាស៊ីននេះ មានសម្លេងស្ងាត់ និងមិនមានសំឡេងរំខាននោះទេ។ កុំព្យូទ័រ Huawei MateBook D 14 នេះ គឺមានថាមពលថ្មទំហំ 56Wh ដូចនេះអ្នកអាចបំពេញនូវការងារប្រជុំរបស់អ្នកបានពេញមួយថ្ងៃនៅក្នុងការបញ្ចូលថាមពលថ្មតែម្តងប៉ុណ្ណោះ។ សម្រាប់ការចាក់វីដេអូកម្រិត 1080P គឺប្រើប្រាស់បានរយៈពេល 9.5 ម៉ោងថែមទៀត។

-កាន់តែងាយស្រួលជាមួយនឹងបច្ចេកវិទ្យា Huawei Share

ជាមួយនឹងការចុច Tap យ៉ាងងាយស្រួល ស្មាតហ្វូនរបស់អ្នក និងកុំព្យូទ័រ Huawei MateBook នេះ នឹងអាចធ្វើការប្រែក្លាយទៅជាឧបករណ៍តែមួយ ដោយមិនចាំបាច់ប្រើប្រាស់នូវអ៊ីនធឺរណិតនោះទេ។ អេក្រង់របស់ស្មាតហ្វូនរបស់អ្នកអាចបង្ហាញនៅលើកុំព្យូទ័រនេះដែលអនុញ្ញាតអោយអ្នកអាចធ្វើការទាញ និងទម្លាក់នូវ files បានយ៉ាងងាយស្រួល ហើយអ្នកអាចធ្វើការកែប្រែទៅលើ Files នៅលើកុំព្យូទ័ររបស់អ្នកនៅក្នុងពេលផ្ញើសារជាមួយនឹងមិត្តរួមការងារបស់អ្នកថែមទៀតជាមួយនឹងការប្រើប្រាស់នូវ Keyboard និង Mouse បានយ៉ាងងាយស្រួល។ វានឹងធ្វើអោយជីវិតរបស់អ្នកកាន់តែងាយស្រួលជាងមុនមួយកម្រិត។

-ថាមពលដ៏ខ្លាំងក្លានៅក្នុងហោប៉ាវរបស់អ្នក 

កុំព្យូទ័រ Huawei MateBook D 14 នេះ ភ្ជាប់ជាមួយនឹងឆ្នាំងសាក 65W USB-C charger ដែលតូចងាយស្រួលដាក់តាមខ្លួន ដូចនេះអ្នកអាចធ្វើការបញ្ចូលថាមពលថ្មបានយ៉ាងងាយស្រួល។ នៅក្នុងការបញ្ចូលថាមពលថ្មរយៈពេល 30 នាទីគឺបានដល់ទៅ 46%។ វាក៏មានបច្ចេកវិទ្យា fast charging និងការបញ្ចូនទិន្នន័យនៅលើស្មាតហ្វូនរបស់អ្នកបានយ៉ាងទំនើបទាន់សម័យបំផុត។

-ការកាត់បន្ថយពន្លឺពណ៌ខៀវបណ្តាលអោយប៉ះពាល់ភ្នែក និងកាមេរ៉ានៅលើ Keyboard

កុំព្យូទ័រ Huawei MateBook D 14 នេះគឺមានការទទួលបាននូវវិញ្ញាបនបត្រ TÜV Rheinland ដែលកាត់បន្ថយទៅលើពន្លឺពណ៌ខៀវដែលជះឥទ្ធិពលដល់ភ្នែក ហើយវាធ្វើការធានាថាភ្នែករបស់អ្នករីករាយក្នុងការទស្សនា និងអាចមើលបានយូរថែមទៀត។ កាន់តែពិសេសជាងនេះទៀតនោះ នៅលើប៊ូតុង Power នេះ កុំព្យូទ័រ Huawei MateBook D 14 នេះគឺមានភ្ជាប់ជាមួយនឹងប្រព័ន្ធស្កេនក្រយ៉ៅដៃដែលអ្នកអាចធ្វើការបើកកុំព្យូទ័រ និង Login ចូលទៅក្នុងកុំព្យូទ័រនេះបានយ៉ាងងាយស្រួលបំផុត។ លក្ខណៈពិសេសមួយទៀតនោះ កុំព្យូទ័រនេះមានភ្ជាប់ជាមួយនឹងកាមេរ៉ានៅលើ Keyboard ។ នៅពេលដែលអ្នកចុចនៅលើ Keyboard នេះ វានឹងមានការបង្ហាញនូវកាមេរ៉ាតាមដែលអ្នកចង់បាន៕