ថ្មីៗនេះ ក្រុមហ៊ុន i-Qlick Marketing និង E-GETS ក្រុមហ៊ុនដឹកជញ្ចូនតាមបែបបច្ចេកវិទ្យាឈានមុខ ដែលហៅកាត់ថា Cambodia Super App បានប្រកាសចាប់ដៃគ្នា តាមរយៈចុះហត្ថលេខា លើអនុស្សរណ: យោគយល់គ្នាដើម្បីដាក់លក់ផលិតផលរបស់ខ្លួនជាច្រើន ដូចជា Canon, Sennheiser និង SoundStream នៅលើ E-GetS APP។
ពិធីចុះហត្ថលេខានេះ ត្រូវបានធ្វើឡើងនៅការិល័យរបស់ក្រុមហ៊ុន E-GetS ដែលមានការអញ្ជើញចូលរួមពីសំណាក់ថ្នាក់ដឹកនាំាជាន់ខ្ពស់របស់ក្រុមហ៊ុនទាំងពីររួជាមួយនឹងបុគ្គលិករបស់ខ្លួនជាច្រើនរូបផងដែរ។
ក្រុមហ៊ុនធំៗទាំងពីរបានរួមគ្នាប្រកាសថា ចាប់ពីថ្ងៃនេះតទៅ អតិថិជនទាំងអស់ ពិតជាមានភាពងាយស្រួលកាន់តែខ្លាំងជាងមុននៅក្នុងការទិញផលិតផលរបស់ ក្រុមហ៊ុន i-Qlick Marketing ពីព្រោះថា ផលិតផលថ្មីៗជាច្រើន នឹងមានដាក់លក់នៅលើ E-GetS APP ហើយ។ អតិថិជន នឹងទទួលបាននូវសេវាកម្ម ដឹកជញ្ជូនដល់គេហេដ្ឋាន ឬការិយាល័យ បានដោយមិនចាំបាច់ធ្វើដំណើរមកដូចមុនៗនោះទេ។