នាពេលបច្ចុប្បន្នមានកាសស្តាប់ដែលប្រើបច្ចេកវិទ្យាប្លូធូសជាច្រើនស៊េរីកំពុងមានវត្តមានដាក់លក់លើទីផ្សារដែលផ្តល់នូវជម្រើសផ្សេងគ្នាៗទៅតាមគុណភាព និងគុណតម្លៃតម្រូវតាមការចង់បានរបស់អ្នកប្រើប្រាស់។ ASPOR A613 Magnet Bluetooth Earphone គឺជាកាសប្លូធូសស៊េរីថ្មីស្ថិតក្នុងស្រឡាយនៃកាសដែលមានខ្សែងពាក់លើ-ក។ កាសស៊េរីថ្មីម៉ាកថ្មីមួយនេះត្រូវបានរចនាឡើងជាមួយនឹងគ្រាប់កាសដែលមានទំហំធំល្មមសមស្របទៅនឹងរន្ធត្រចៀករបស់យើងព្រមទាំងស្រោបដោយជ័រទន់ៗដូចទៅនឹងសារធាតុស៊ីលីកូនដែលមិនធ្វើអោយឈឺត្រចៀកនោះទេ បើទោះបីជាពាក់យូរយ៉ាងណាក៏ដោយ។
បន្ថែមពីនេះវាក៏មានទំពក់ថ្ពក់ជាប់នឹងត្រចៀករបស់យើង ដូចនេះវាមិនធ្វើអោយយើងមានការព្រួយបារម្មណ៍ពីការរបូតជ្រុះចេញពីត្រចៀកយើងឡើយទៅបីជាយើងរត់ ហក់ លោតយ៉ាងណាក៏ដោយ។ ហើយនៅលើខ្សែពាក់ករបស់វាមានភ្ជាប់នូវប៊ូតុងសម្រាប់គ្រប់គ្រងលើមុខងារមួយចំនួនដូចជាគ្រប់គ្រងទៅលើការសន្ទនាទូរស័ព្ទ ឡើងចុះសំឡេងតន្រ្តី ផ្អាកការចាក់តន្រ្តី និងផ្លាស់ប្តូរបទចម្រៀងជាដើម។ កាសស៊េរីថ្មីនេះមានពីរពណ៌គឺពណ៌ខ្មៅសុទ្ធ និងខ្សែពណ៌ខ្មៅជាមួយគ្រាប់កាសពណ៌ទឹកប្រាក់។
ASPOR A613 Magnet មានថ្មសាកពេញម្តងអាចកាន់ប្រើក្នុងការសន្ទនា ឬស្តាប់តន្ត្រីបានពី 6 ទៅ 7 ម៉ោង ហើយការសាកថ្មពេញម្តងៗប្រើពេលប្រហែល 1 ម៉ោង 50 នាទី។ សម្រាប់ការតភ្ជាប់វិញកាសស៊េរីថ្មីនេះអាចប្រើបានជាមួយនឹងស្មាតហ្វូន Android និង iOS ជាមួយកម្រិតហ្រេហ្គង់តភ្ជាប់បានចំងាយដល់ 10 ម៉ែត្រដោយប្រើបច្ចេកវិទ្យា Bluetooth v4.1៕