នៅថ្ងៃនេះ ក្រុមហ៊ុន ASUS បានបង្ហាញវត្តមានរបស់កុំព្យូទ័រស៊េរីថ្មី ZenBook 14 (UX435EA/EG) ដែលជាប្រភេទកុំព្យូទ័រដែលមានរូបរាងតូចងាយស្រួលក្នុងការចល័ត ហើយវាក៏មានសមត្ថភាពខ្លាំងក្លាក្នុងការប្រើប្រាស់ និងស្រស់ស្អាតទាក់ទាញថែមទៀត។
ZenBook 14 (UX435EA/EG ត្រូវបានក្រុមហ៊ុនច្នៃប្រឌិតជាមួយនឹងទម្ងន់ត្រឹមតែ 1.19 kg ប៉ុណ្ណោះ។ សម្រាប់កុំព្យូទ័រ ZenBook 14 (UX435EA/EG) នេះ ក៏មានការបដិវត្តន៍ជាមួយនឹងអេក្រង់ ASUS ScreenPad ដែលងាយស្រួលក្នុងការបង្កើនទៅលើប្រសិទ្ធិភាពក្នុងការប្រើប្រាស់ និងមានភ្ជាប់ជាមួយនឹងបន្ទះឈីប Intel® Core™ i7 processor ជំនាន់ទី 11 ជាមួយនឹងក្រាហ្វិកកាត Intel® Iris® Xe integrated graphics (UX435EA) ឬក្រាហ្វិកកាត NVIDIA® GeForce® MX450 discrete GPU (UX435EG) ថែមទៀតផង។
សម្រាប់កុំព្យូទ័រ ZenBook Classic Series នេះ ក៏មានភ្ជាប់ជាមួយនឹងរន្ធផត I/O ports, គែមស្តើងនៅជ្រុងទាំង 4 របស់វាជាមួយនឹងអេក្រង់ប្រភេទ NanoEdge ដែលមានកម្រិតអេក្រង់ទំហំ 92% screen-to-body ratio ជាពិសេសវាមាន 2 ពណ៌យ៉ាងស្រស់ស្អាតនោះគឺ Pine Grey និង Lilac Mist។
អេក្រង់ Touchpad ដ៏ឆ្លាតវៃងាយស្រួលក្នុងការប្រើប្រាស់
សម្រាប់កុំព្យូទ័រ ZenBook 14 (UX435EA/EG) នេះ មានភ្ជាប់ជាមួយនឹង ScreenPad ថ្មីដ៏ស្រស់ស្អាតដែលជាអេក្រង់ទី ២ ប្រភេទ 5.65 inch color touchscreen ដែលមានការពង្រឹងទៅលើប្រសិទ្ធិភាពប្រើប្រាស់កាន់តែមានប្រសិទ្ធិភាពក្នុងការពង្រឹងទៅលើភាពច្នៃប្រឌិតខ្ពស់ និងអស្ចារ្យបំផុតក្នុងការប្រើប្រាស់។ វាក៏មានការពង្រឹងទៅលើ ScreenXpert 2.0 interface ដែលងាយស្រួលក្នុងការប្រើប្រាស់ថែមទៀត។ សម្រាប់ ScreenXpert 2.0 នេះ ក៏មានការទ្រទ្រង់នូវកម្មវិធី ASUS utility apps ដែលផ្តល់នូវភាពងាយស្រួលក្នុងការគ្រប់គ្រងទៅលើការងារជាច្រើនកាន់តែងាយស្រួល និងសម្បូរបែបបំផុតក្នុងការប្រើប្រាស់នៅលើអេក្រង់នេះ។ សម្រាប់ ScreenPad នេះមានភាពឆ្លាតវៃ ហើយវាអាចប្រើប្រាស់បានជាមួយនឹងកម្មវិធី Apps ជាច្រើននៅក្នុង Touchscreen ថែមទៀតផង។ វាក៏មានមុខងារ Link to MyASUS នេះ នភ្ជាប់ជាមួយនឹង ScreenXpert 2.0 ដែលអនុញ្ញាតអោយអ្នកអាចធ្វើការខលបានតាមរយៈ ScreenPad នេះបានទៀតផង។ កុំព្យូទ័រនេះ ក៏មានការទ្រទ្រង់នូវការប្រើប្រាស់ម្រាមដៃ 4 ផងដែរ។
ការប្រើប្រាស់កាន់តែអស្ចារ្យយ៉ាងរលូន
ZenBook 14 (UX435EA / EG) នេះត្រូវបានឌីស្សាញឡើងយ៉ាងមានប្រសិទ្ធិភាពក្នុងការប្រើប្រាស់ជាមួយនឹងទម្ងន់ស្រាលក្នុងការប្រើប្រាស់ និងថាមពលថ្មប្រើប្រាស់បានយូរថែមទៀត។ អ្នកអាចធ្វើការងារជាច្រើនបានយ៉ាងងាយស្រួលបំផុត។ សម្រាប់ក្រុមការងាររបស់ក្រុមហ៊ុន ASUS បង្កើតនូវកុំព្យូទ័រនេះឡើងនៅក្នុងកម្រាស់ត្រឹមតែ 16.9 mm ប៉ុណ្ណោះ។ វាមានទម្ងន់ 1.19 kg ប៉ុណ្ណោះក្នុងការប្រើប្រាស់។
កម្លាំងម៉ាស៊ីនខ្លាំងក្លា និងរន្ធផតច្រើនក្នុងការប្រើប្រាស់
កុំព្យូទ័រ ZenBook 14 (UX435EA/EG) នេះ បានប្រើប្រាស់នូវបន្ទះឈីប Intel Core i7 Processor ជំនាន់ទី 11 ដែលធ្វើការពង្រឹងទៅលើសមត្ថភាពក្នុងការប្រើប្រាស់ទៅលើកម្មវិធីច្រើនក្នុងពេលតែមួយ ឬការកម្សាន្តថែមទៀតផង។ សម្រាប់កុំព្យូទ័រ ZenBook 14 (UX435EA) នេះ ក៏មានភ្ជាប់ជាមួយនឹងក្រាហ្វិកកាត Intel Iris Xe integrated-graphics និងប្រើប្រាស់ក្រាហ្វិកកាត NVIDIA GeForce MX450 discrete GPU ផងដែរ។ កុំព្យូទ័រថ្មីនះ មានភ្ជាប់ជាមួយនឹង Storage ដែលលឿនក្នុងការប្រើប្រាស់ទំហំដល់ទៅ 1 TB PCIe® 3.0 x4 SSD ឬ PCIe SSD ជាមួយនឹងម៉េមូរី 32 GB Intel Optane™ Memory H10 ថែមទៀត។ បើនិយាយអំពីការតភ្ជាប់ទំនាក់ទំនងនោះ ZenBook 14 (UX435EA/EG) នេះ មានភ្ជាប់ជាមួយនឹង gigabit-class WiFi 6 និងរន្ធ Thunderbolt™ 4 ជាមួយនឹង 2x SB-C® ports,1x USB 3.2 Gen 1 Type-A port, 1x HDMI 2.0 port,1x 3.5 mm audio jack និង 1x microSD card slot ផងដែរ។
ការឌីស្សាញជាមួយនឹងអេក្រង់កម្រិត NanoEdge 92% screen-to-body ratio
សម្រាប់កុំព្យូទ័រ ZenBook 14 (UX435EA/EG) មានភ្ជាប់ជាមួយនឹងអេក្រង់ NanoEdge wide-view សម្រាប់គែមជ្រុងទាំង 4 របស់វាដែលមើលទៅគែមពិតជាស្តើងមែនទែនជាមួយនឹងកម្រិតអេក្រង់ទំហំដល់ទៅ 92% screen-to-body ratio ដែលផ្តល់នូវបទពិសោធន៍នៃការទស្សនាដ៏អស្ចារ្យបំផុត។ កម្រិតពន្លឺ និងពណ៌របស់អេក្រង់នេះគឺមានកម្រិតដល់ទៅ 100% sRGB color gamut ផងដែរ។ កាន់តែពិសេសជាងនេះទៀតនោះ វាក៏មានភ្ជាប់ជាមួយនឹងត្រចៀកបត់បើក ErgoLift hinge ដែលពិតជាងាយស្រួលក្នុងការប្រើប្រាស់បំផុតផងដែរ។ ZenBook 14 (UX435EA/EG) មាន 2 ពណ៌សម្រាប់ធ្វើការជ្រើសរើសនោះគឺពណ៌ Pine Grey និង Lilac Mist ដែលពិតជាទាន់សម័យ និងឡូយឆាយបំផុតថែមទៀត៕