រៀងរាល់ប្រិយមិត្តដែលជាអ្នកគាំទ្រម៉ាក់ Huawei គឺអាចធ្វើការរកជាវកាស FreeLace Pro នៅក្នុងទីផ្សារស្រុកយើងបានហើយ ដោយវាកំពុងតែដាក់លក់ នៅក្នុងតម្លៃខ្ទង់ $89 ក្នុងពេលបច្ចុប្បន្ននេះ។
មុននឹងធ្វើការរកជាវ កាសឥតដោតខ្សែពាក់កមួយនេះ លោកអ្នកក៏អាចស្វែងយល់ពី លក្ខណៈសម្បត្តិរបស់វាដូចខាងក្រោម៖
កាសឥតខ្សែពាក់ក FreeLace Pro សុទ្ធតែមានបំពាក់នូវ មុខងារកំចាត់សំឡេងរំខាន លើមីក្រូហ្វូនចំនួន 2 គ្រាប់របស់វា (Dual-Mic Active Noise Cancellation) ក៏ដូចជាមានបំពាក់បច្ចេកវិទ្យា HUAWEI Pair ធ្វើឲ្យងាយស្រួលក្នុងការតភ្ជាប់ បានកាន់តែមានរយៈពេលលឿនគ្រាន់តែដោះឌុយ Type-C មកដោតជាមួយទូរស័ព្ទ ឬ ធេប្លេត វានិងធ្វើការភ្ជាប់ភ្លាមៗដោយមិនចំណាយពេលចូលទៅភ្ចាប់តាម Bluetooth នៅក្នុង Setting ជាពិសគឺសាកថ្មរហ័សតែម្តង។
ចំពោះការចាក់ស្ដាប់ចម្រៀង វាអាចកំដរយើងបានខ្ទង់ 24 ម៉ោងជាប់ ឬសាករយៈពេល 5 នាទី ទទួលបានថាមពលថ្ម 5 ម៉ោង ដោយមានជំនួយការលើ បច្ចេកវិទ្យាសាកថ្មលឿន ហាក់បីដូចជាទូរស័ព្ទឆ្លាតដែរ។
លើសពីនេះ Huawei បានសម្រេចចិត្តប្រើប្រាស់ Dynamic Driver ទំហំ 14mm លើកាសមួយនេះ ដើម្បីធ្វើឲ្យសំឡេងបញ្ចេញពីវា កាន់តែឮបានពិរោះ និងបន្ថែមបាសបានខ្លាំង។ សម្រាប់អ្នកដែលចង់ស្ដាប់កាសផង ហើយចង់ឮសំឡេងពីជុំវិញខ្លួនផង នោះវាក៏ផ្ដល់ជូននូវមុខងារ Awareness Mode ដែលអាចជួយស្រូបសំឡេងពីខាងក្រៅ ឲ្យកាន់តែឮបានច្បាស់ ទោះបីជាកំពុងពាក់កាសក៏ដោយ។
កាសឥតខ្សែ HUAWEI FreeLace Pro មាន 2 ពណ៌សម្រាប់ជម្រើសរើស គឺពណ៌ ខ្មៅ និងពណ៌ស បើសិនជាប្រិយមិត្តមានចំណាប់អារម្មណ៍លើកាស HUAWEI FreeLace Pro អាចរកជាវបានតាមបណ្តាហាងនានា ដែលជាតំណាងចែកចាយរបស់ Huawei នៅជិតលោកអ្នកបំផុត ដោយវាកំពុងដាក់លក់ក្នុងតម្លៃ $89 ។