នេះគឺជាម៉ាស៊ីនព្រីនធ័រស៊េរីថ្មីរបស់ Canon ម៉ូដែល imageCLASS MF3010 ដែលជាម៉ាស៊ីនប្រភេទ Monochrome Laser Printer ដែលមានមុខងារប្រើប្រាស់បានបីគឺព្រីន ស្កែន និងថតចម្លងដែលជាដំណោះស្រាយដ៏ល្អប្រសើរបំផុតសម្រាប់ការិយាល័យធ្វើការរបស់លោកអ្នក។ ម៉ាស៊ីនព្រីនធ័រស៊េរីថ្មីនេះគឺវាផ្តល់នូវអត្ថប្រយោជន៍ក្នុងការប្រើប្រាស់ដ៏ល្អបំផុតជាមួយភាពសន្សំសំចៃខ្ពស់ក្នុងការប្រើប្រាស់ និងធ្វើអោយការងាររបស់លោកអ្នកប្រព្រឹត្តិទៅបានយ៉ាងរលូនរហ័សទាន់ចិត្ត។
ការរចនារូបរាងឡើងប្រកបដោយភាពងាយស្រស់ស្អាតសម្រាប់ការប្រើប្រាស់
Canon imageCLASS MF3010 មានទំងន់ 8.2 គីឡូក្រាមជាមួយទំហំវិមាត្ររួម 372 x 371 x 254mm តូចល្មមងាយស្រួលទុកដាក់ពិសេសបំផុតសម្រាប់ការិយាល័យធ្វើការរបស់លោកអ្នកដែលមានទំហំតូច។ តួរខ្លួនរបស់វាទាំងមូលត្រូវបានស្រោបដោយជ័រស្វិតហាប់រឹងមាំធន់ក្នុងការប្រើប្រាស់។ វាមានភ្ជាប់ដោយអេក្រង់តូចមួយដែលមានការរចនាឡើងយ៉ាងស្រស់ស្អាតជាប្រភេទអេក្រង់ LCD សម្រាប់អោយយើងមើលលើមុខងារប្រើប្រាស់ដូចជាកំនត់ចំនួនសន្លឹងសម្រាប់កូពី កម្រិតទឹកម្សៅថ្នាំ ការស្កែន ជាមួយនឹងប៊ូតុងសម្រាប់ធ្វើការកំនត់ផ្សេងៗដែលតំរៀបមួយជួរស្ថិតនៅខាងក្រោម។ វាមានរន្ធ USB2.0 ដែលជាប្រភេទ Hi-Speed សម្រាប់ដោតភ្ជាប់ជាមួយនឹង USB Flash Drive ក្នុងការព្រីន និងស្កែនឯកសារបានកាន់តែងាយស្រួលភ្លាមៗដោយមិនចាំបាច់ភ្ជាប់ជាមួយកុំព្យូទ័រឡើយ។
លទ្ធភាពក្នុងការប្រើប្រាស់កូពី ព្រីន ស្កែន
Monochrome Laser Printer ស៊េរីថ្មី Canon imageCLASS MF3010 នេះមានភ្ជាប់ជាមួយម៉េមូរីទំហំ64MB សម្រាប់ប្រតិបត្តិការលើកិច្ចការងារទូទៅ។ វាមានសមត្ថភាពអាចអោយយើងព្រីន ឬកូពីឯកសារជាមួយនឹងក្រដាស A4 បាន 18 សន្លឹក និង Letter បាន 19 សន្លឹកក្នុងមួយនាទីជាមួយទំហំរីសូលូស្ស៊ិន 600x600px។ បន្ថែមពីនេះវាក៏មានភ្ជាប់នូវមុខងារ 2-in-1 ID Card Copy សម្រាប់កូពីអត្តសញ្ញាណប័ណ្ឌផងដែរ។ ហើយសម្រាប់មុខងារស្កែនវិញអាចអោយយើងធ្វើការស្កែនឯកសារពណ៌បានជាមួយកម្រិតទឹកពណ៌ 24-bit ប្រើប្រាស់សែនស័រស្កែនប្រភេទ CIS (Color Contact Image Sensor) ជាមួយទឹកពណ៌ច្បាស់ដិតល្អ និងទ្រទ្រង់ការស្កែនទៅជាឯកសារប្រភេទ PDF, JPEG, TIFF និង BMP ជាមួយទំហំរីសូលូហ្ស៊ិនខ្ពស់បំផុតដល់ទៅ 9600x9600px។
ការប្រើប្រាស់ប្រកបដោយភាពសន្សំសំចៃខ្ពស់
ការជ្រើសរើសប្រើជាមួយនឹងម៉ាស៊ីនព្រីនធ័រ Canon ស៊េរីថ្មីមួយនេះវាមិនត្រឹមតែធ្វើអោយការងាររបស់យើងដំណើរការទៅបានលឿនរហ័សប៉ុណ្ណោះទេ ប៉ុន្តែវាក៏ផ្តល់នូវអត្ថប្រយោជន៍ដល់ការសន្សំសំចៃខ្ពស់ក្នុងការប្រើប្រាស់ថែមទៀតផង។ ក្នុងនោះវាជាម៉ាស៊ីនព្រីនធ័រប្រភេទ Monochrome LaserPrinter ដែលប្រើប្រាស់កំប៉ុងម្ស៉ៅទឹកថ្នាំប្រភេទ Toner Cartridge 325/125 ដែលមួយកំប៉ុងអាចអោយយើងព្រីន ឬកូពីឯកសារបានរហូតដល់ 1,600 សន្លឹក ព្រមទាំងមានមុខងារ Tone Saver Mode សម្រាប់ជួយសន្សំសំចៃការប្រើប្រាស់ម៉្សៅទឹកថ្នាំផងដែរ។ ម៉ាស៊ីនព្រីនធ័រ Canon មួយនេះទ្រទ្រង់កំលាំងភ្លើង 960W ប៉ុន្តែនៅពេលប្រតិបត្តិការវាប្រើភ្លើងតែ 450W ហើយនៅពេល Stand-by វាប្រើភ្លើងតែ 2.5W និងនៅពេលវាបិទដំណើរការ(sleep mode) វាប្រើភ្លើងតែ 1.4W ប៉ុណ្ណោះ ដូចនេះវាពិតជាជួយសន្សំសំចៃយើងបានច្រើនមែនទែនតែម្តង។
ការតភ្ជាប់មានភាពងាយស្រួល
ជាមួយ Canon imageCLASS MF3010 ស៊េរីថ្មីនេះវាអាចអោយយើងតភ្ជាប់បានជាមួយនឹងម៉ាស៊ីនកុំព្យូទ័រដែលប្រតិបត្តិការជាមួយនឹង Windows 2000 រហូតដល់ Windows 10 (32bit/64bit) ឬ Linux OS និង Mac OS X ចាប់ពីជំនាន់ 10.4 ឡើងទៅដោយប្រើខ្សែ USB2.0 Hi-Speed ជាមួយនឹង Driver ស៊េរី UFRII LT V4 Printer Driver V7.1.2 ប៉ុន្តែវាមិនអាចអោយយើងភ្ជាប់តាមរយះ Wi-Fi និង Local LAN បាននោះទេ។ សរុបមក… ប្រសិនបើលោកអ្នកចង់បានម៉ាស៊ីនព្រីនធ័រដែលមានទំហំតូចល្មម តែមានសមត្ថភាពប្រើការរហ័សទាន់ចិត្ត និងផ្តល់ជូននូវការសន្សំសំចៃកម្រិតខ្ពស់ Canon imageCLASS MF3010 ពិតជាស័ក្តិសមបំផុតសម្រាប់ការប្រើប្រាស់នៅក្នុងការិយាល័យរបស់លោកអ្នក និងមិនធ្វើអោយចង្អៀតកន្លែងធ្វើការរបស់លោកនោះទេ៕
