MSI ដែលជាក្រុមហ៊ុនបច្ចេកវិទ្យាយក្សនាំមុខគេទៅលើការឌីស្សាញ និងបច្ចេកវិទ្យានៃ Hardware ហ្គេមនោះបានបញ្ចេញនូវកុំព្យូទ័រលេងហ្គេមស៊េរីថ្មីម៉ូដែល Bravo 15 ជំនាន់ថ្មីរបស់ខ្លួនថ្មីមួយទៀតដែលបំពាក់នូវបន្ទះឈីប AMD។ កុំព្យូទ័រស៊េរីថ្មីនេះបំពាក់នូវបន្ទះឈីប AMD Ryzen™ 5000 H-Series Mobile Processor ចុងក្រោយបំផុត និងក្រាហ្វិកកាត Radeon™ RX 5500M Graphics ផងដែរ។
ក្រុមហ៊ុន MSI នឹងបន្តក្នុងការពង្រឹងទៅលើទីផ្សារកុំព្យូទ័រយួរដៃដែលប្រើប្រាស់នូវបន្ទះឈីប AMD ដើម្បីបំពេញបំណង និងអ្វីដែលជាការចង់បានរបស់អ្នកលេងហ្គេមជាច្រើននៅជុំវិញពិភពលោក។
បន្ទះឈីបចុងក្រោយបំផុត AMD Ryzen™ 5000 H-Series Mobile Processorsដ៏ខ្លាំងក្លា
សម្រាប់កុំព្យូទ័រ Bravo 15 នេះ គឺត្រូវបានក្រុមហ៊ុននេះ ប្រើប្រាស់នូវបច្ចេកវិទ្យា cutting-edge កម្រិត 7nm នៅលើបន្ទះឈីប AMD Ryzen™ 5000 H-Series Processors ដែលមានការពង្រឹងសមត្ថភាពល្អជាងមុនដល់ទៅ 15% ។ នៅក្នុងការពង្រឹងទៅលើកម្លាំងម៉ាស៊ីនដ៏ខ្លាំងក្លានេះ កុំព្យូទ័រ Bravo 15 នេះបានក្លាយជាជម្រើសដ៏ល្អបំផុតសម្រាប់អ្នកលេងហ្គេមគ្រប់រូប។
បទពិសោធន៍នៃការលេងហ្គេមដ៏ល្អឥតខ្ចោះជាមួយនឹងការឌីស្សាញរូបរាងប្រកបដោយភាពច្នៃប្រឌិតខ្ពស់
កុំព្យូទ័រលេងហ្គេម Bravo 15 មានការឌីស្សាញផ្តាច់មុខជាមួយនឹងបច្ចេកវិទ្យា Cooler Boost 5 thermal technology ដែលនាំយកនូវដំណោះស្រាយនៃប្រព័ន្ធត្រជាក់ប្រកបដោយភាពច្នៃប្រឌិតខ្ពស់ជាមួយនឹងកង្ហារចំនួន 2 និងបំពង់បំភាយកំដៅចំនួន 6 ។ ការឌីស្សាញឡើងវិញទៅលើបំពង់បំភាយកំដៅនេះអាចអោយខ្យល់ដំណើរការចេញចូលបានយ៉ាងល្អដើម្បីធានាថាអ្នកលេងហ្គេមនឹងទទួលបាននូវបទពិសោធន៍នៃការលេងហ្គេមដ៏អស្ចារ្យបំផុត។ កុំព្យូទ័រនេះ មានគែម Bezel ត្រឹមតែ 5mm នឹងបំពាក់នូវ Hotkey ដែលអាចបំពេញនូវតម្រូវការរបស់អ្នកលេងហ្គេមបាន។
កុំព្យូទ័រលេងហ្គេម Bravo 15 នេះបំពាក់នូវ MSI Center ដែលអនុញ្ញាតអោយអ្នកប្រើប្រាស់ទាំងអស់អាចរៀបចំនូវបញ្ជីនៃកម្មវិធីរបស់ពួកគេបានដើម្បីជៀសវៀងការប្រើប្រាស់នូវកម្មវិធីមិនចាំបាច់ និងកុំអោយប្រព័ន្ធ system ប្រឹងខ្លាំងក្នុងការដំណើរការ។ បន្ថែមពីនេះទៀតនោះ Bravo 15 នេះគឺមានកម្មវិធី MSI App player ដែលផ្តល់នូវបទពិសោធន៍នៃការលេងហ្គេមដ៏អស្ចារ្យរវាងការប្រើប្រាស់នៅលើស្មាតហ្វូន និងកុំព្យូទ័រ។
ដើម្បីជួយអោយអ្នកប្រើប្រាស់ជាច្រើនអាចលេងហ្គេមបានលឿនជាងមុននោះ កុំព្យូទ័រ Bravo 15 នេះគឺជាកុំព្យូទ័រលេងហ្គេមដំបូងបំផុតដែលមានការទ្រទ្រង់ជាមួយនឹងមុខងារ modern standby ដែលធានាថាអ្នកប្រើប្រាស់អាចធ្វើការ Login បានលឿនជាងមុនក្នុងការប្រើប្រាស់។
ជាមួយនឹងតម្រូវការយ៉ាងសម្បូរបែបនៅក្នុងទីផ្សារលេងហ្គេមនោះ ក្រុមហ៊ុនMSI បានផ្តល់នូវដំណោះស្រាយជាច្រើននផ្សេងៗគ្នាសម្រាប់អ្នកលេងហ្គេមជាច្រើនជាមួយនឹងកុំព្យូទ័រដែលមានសមត្ថភាពខ្លាំងក្លានិងការឌីស្សាញយ៉ាងល្អឥតខ្ចោះ។ កុំព្យូទ័រ Bravo 15 ស៊េរីថ្មីនេះ គឺជាកុំព្យូទ័រលេងហ្គេមដ៏ល្អបំផុតទាំងកម្លាំងម៉ាស៊ីន និងសមត្ថភាពសម្រាប់អ្នកលេងហ្គេមទាំងអស់។
