ម៉ាស៊ីនថតរូបស៊េរីថ្មី Fujifilm GFX50S II ត្រូវបានប្រកាសចេញផ្លូវការណ៍ហើយជាមួយតម្លៃខ្ទង់ $3,999

ក្រុមហ៊ុនផលិតម៉ាស៊ីនថតរូបរបស់ជប៉ុន Fujifilm បានប្រកាសចេញម៉ាស៊ីនថតរូបស៊េរីថ្មីម៉ូដែល GFX50S II ដែលជាជំនាន់បន្ទាប់ពី GFX50S ដែលបានប្រកាសចេញកាលឆ្នាំ 2016។ ម៉ាស៊ីនថតជំនាន់ថ្មីនេះគឺមានតម្លៃធូរថ្លៃច្រើនបើធៀបនឹងកាមេរ៉ាស៊េរីថ្មីៗដទៃទៀត ក៏ដូចជាជំនាន់មុនរបស់វា។ 

 

no-alternative title

Fujifilm GFX50S II បំពាក់មកជាមួយសែនស័រផលិតរូបភាព និងវីដេអូទំហំ 51.4MP ខ្នាត 55mm ដែលជាសែនស័រមានទំហំធំ 1.7 ដង បើធៀបនឹងសែនស័រ 35mm full-frame ដែលមានវត្តមានប្រើនៅលើកាមេរ៉ាដែលមានកម្រិតតម្លៃប្រហាក់ប្រហែលគ្នាដូចជា  Sony A7R IV, Canon EOS R5, និងPanasonic S1R ជាដើម។ GFX50S II មានភ្ជាប់មកជាមួយមុខងារទប់លំនឹងកម្រិត  five-axis IBIS (in-body image stabilization) ដែលមានលទ្ធភាពទប់លំនឹងសែនស័រកាមេរ៉ាបានខ្ពស់ក្នុងកម្រិត 6.5 Stops។

បន្ថែមពីនេះ GFX50S II នៅមានមុខងារ Pixel Shift Multi-Shot ដែលអាចបង្កើនផលិតភាពក្នុងការផលិតរូបភាពបានក្នុងកម្រិតគុណភាពខ្ពស់បំផុតដល់ទំហំ 200MP ថែមទៀតផង។  GFX50S II ភ្ជាបមកជាមួយមុខងារ Eyes Detection Autofocus ប៉ុន្តែ មិនមានមុខងារ AF និង Phase Detection នោះទេ។ ម៉ាស៊ីនថត Fujifilm ជំនាន់ថ្មីនេះអាចផលិតសាច់វីដេអូបានក្នុងកម្រិត 1080px។

Fujifilm GFX50S II មានតួរខ្លួនផលិតឡើងពីសារធាតុអាលុយមីញ៉ូមអាល់ឡយ និងរំលេចជាមួយស្បែកត្រង់ផ្នែកខាងក្រោម កន្លែងកាន់ខាងស្តាំ និងផ្នែកខាងឆ្វេង។ នៅផ្នែកខាងលើមានអេក្រង់ LCD តូចមួយទំហំ 1.8 អ៊ីញ និងខាងក្រោយមានអេក្រង់ LCD ទំហំ 3.2 អ៊ីញដែលអាចបត់ឡើងបាន។ ម៉ាស៊ីនកាមេរ៉ាថតរូបស៊េរីថ្មីនេះមានតម្លៃខ្ទង់ $3,999 និងតម្លៃខ្ទង់ $4,499 បូកបន្ថែមជាមួយលែនតស៊េរី GF 35-70mm F4.5-5.6 WR lens។ ក្នុងពេលជាមួយគ្នានេះដែរ Fujifilm ក៏បានប្រកាសចេញម៉ាស៊ីនថតម៉ូដែលថ្មីមួយទៀតមានឈ្មោះថា Fujifilm X-T30 II ដែលជាម៉ូដែលកំនែប្រែថ្មីចេញពីជំនាន់ X-T30។ 

ចំនុចពិសេសរបស់ម៉ូដែលមួយនេះ គឺមានអេក្រង់ LCD  កម្រិត 1.63 ពាន់លានពណ៌នៅផ្នែកខាងក្រោយ បង្កើនផលិតភាពលើមុខងារ autofocus លឿនជាងមុននៅពេលថតនៅទីតាំងខ្សោយពន្លឺ មុខងារ  Subject tracking, Two new film simulation modes, Classic Neg និង ETERNA Bleach Bypass ជាដើម។ Fujifilm X-T30 II ត្រូវបានក្រុមហ៊ុនប្រកាសចេញលក់ក្នុងតម្លៃខ្ទង់ $899 សម្រាប់តួរម៉ាស៊ីន និងតម្លៃ $999 ជាមួយការបន្ថែមនូវលែនតស៊េរី XC 15-45mm F3.5-5.6 power zoom lens ហើយនិង $1,299 ជាមួយការបន្ថែមលែនតស៊េរី 18-55mm F2.8-4 lens។ 

បន្ថែមពីនេះ Fujifilm ក៏បានប្រកាសចេញម៉ាស៊ីនថតស៊េរីថ្មីមួយទទៀម៉ូដែល X-T3 WW ដែលមានតម្លៃធូរថ្លៃជាងជំនាន់ X-T3។ ម៉ាស៊ីនថតស៊េរីចុងក្រោយនេះមានជម្រើសពណ៌ខ្មៅមួយប៉ុណ្ណោះ ដោយក្រុមហ៊ុននឹងចេញលក់ជាមួយតម្លៃខ្ទង់ $1,099 និងដល់ $1,499 ជាមួយការបន្ថែមលែនតស៊េរី 18-55mm F2.8-4 lens។ ហើយម៉ាស៊ីនថតរូបស៊េរីថ្មីរបស់ Fujifilm ទាំង 3 ស៊េរីនេះនឹងមានចេញដាក់លក់ផ្លូវការណ៍ចាប់ពីខែតុលា ឆ្នាំ 2021 ទៅ៕

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Find X 3 Pro Limited Edition នឹងក្លាយជាស្មាតហ្វូនកំពូល OPPO ដំបូងដែលប្រើសែនស័រកាមេរ៉ាភ្លោះទំហំ 50MP ដែលផលិតដោយ Kodak

Find X 3 Pro Limited Edition នឹងក្លាយជាស្មាតហ្វូនកំពូល OPPO ដំបូងដែលប្រើសែនស័រកាមេរ៉ាភ្លោះទំហំ 50MP ដែលផលិតដោយ Kodak

ដោយ ប៉េងលីន
vivo X70 Pro+ នឹងចេញលក់នៅចិនខែក្រោយនេះ ដែលមានតម្លៃ $850 សម្រាប់រ៉េមទំហំ 8GB និង $1,038 សម្រាប់រ៉េមទំហំ 12GB

vivo X70 Pro+ នឹងចេញលក់នៅចិនខែក្រោយនេះ ដែលមានតម្លៃ $850 សម្រាប់រ៉េមទំហំ 8GB និង $1,038 សម្រាប់រ៉េមទំហំ 12GB

ដោយ ប៉េងលីន
ឈីប Snapdragon 898 រត់មិនរួចជាមួយឈីប Exynos 2200 និង Bionic A15 នោះទេ នេះបើយោងតាមការធ្វើតេស្តបន្ទះឈីបនេះនៅលើ GFXBench

ឈីប Snapdragon 898 រត់មិនរួចជាមួយឈីប Exynos 2200 និង Bionic A15 នោះទេ នេះបើយោងតាមការធ្វើតេស្តបន្ទះឈីបនេះនៅលើ GFXBench

ដោយ ប៉េងលីន
ចង់ដឹងថា សមិទ្ធិផលថ្មីៗរបស់ក្រុមហ៊ុន Apple មានរូបរាង និងបច្ចេកវិទ្យាថ្មីៗអ្វីខ្លះ តោះទស្សនាវីដេអូខាងក្រោម!

ចង់ដឹងថា សមិទ្ធិផលថ្មីៗរបស់ក្រុមហ៊ុន Apple មានរូបរាង និងបច្ចេកវិទ្យាថ្មីៗអ្វីខ្លះ តោះទស្សនាវីដេអូខាងក្រោម!

ដោយ ប៉េងលីន
iPhone 13 Pro និង Pro Max បង្ហាញខ្លួនជាមួយនឹងអេក្រង់ 120Hz និងមានការអាប់ហ្រ្កេតទៅលើកាមេរ៉ា ហើយនិងថាមពលថ្មកាន់តែខ្លាំង

iPhone 13 Pro និង Pro Max បង្ហាញខ្លួនជាមួយនឹងអេក្រង់ 120Hz និងមានការអាប់ហ្រ្កេតទៅលើកាមេរ៉ា ហើយនិងថាមពលថ្មកាន់តែខ្លាំង

ដោយ ប៉េងលីន
Xiaomi 11T និង11T Pro បំពាក់នូវសែនស័រកាមេរ៉ាទំហំ 108MP និងមានអេក្រង់ទំហំ 6.67 អ៊ីង AMOLED 120Hz Display បានមកដល់ជាផ្លូវការណ៍ហើយ

Xiaomi 11T និង11T Pro បំពាក់នូវសែនស័រកាមេរ៉ាទំហំ 108MP និងមានអេក្រង់ទំហំ 6.67 អ៊ីង AMOLED 120Hz Display បានមកដល់ជាផ្លូវការណ៍ហើយ

ដោយ ប៉េងលីន