no-alternative title
no-alternative title
no-alternative title

Asus VivoWatch 6 អាចតាមទៅលើសកម្មភាពនៃប្រព័ន្ធប្រសាទ និងវាស់ទៅលើចង្វាក់បេះដូងបានទៀតផង

ក្រុមហ៊ុន Asus បានប្រកាសចេញនូវស្មាតវ៉ចជំនាន់ថ្មី VivoWatch 6 ដែលជាម៉ូដែល flagship មានការបំពាក់នូវមុខងារតាមដានទៅលើសុខភាពថែមទៀតផង។ ស្មាតវ៉ចថ្មីនេះ មានទម្ងន់ 60g និងមានអេក្រង់ទំហំ 1.39-អ៊ីង AMOLED touchscreen នឹងមានការការពារដោយកញ្ចក់ Gorilla Glass។ ជាមួយគ្នានេះនៅលើអេក្រង់នេះ មានកម្រិតពន្លឺដល់ទៅ 350nits។ ស្មាតវ៉ច Asus VivoWatch នេះ មានមុខងារក្នុងការវាស់ទៅលើសម្ពាធឈាម និងការទ្រទ្រង់ ECG និងបំពាក់នូវ  ASUS Blood Pressure និង ASUS ECG apps ជាដើម។ 

 

រូបភាពពាណិជ្ជកម្ម
no-alternative title

បន្ថែមពីលើមុខងារទាំងនេះ នៅលើនាឡិកានេះ ក៏នូវមានមុខងារក្នុងការវាស់ទៅលើសមាសភាគនៃរាងកាយ គុណភាពនៃការគេង រួមជាមួយនឹងសន្ទស្សន៍ Relaxation Index ថែមទៀតផង។ ក្រុមហ៊ុន ASUS បន្តថា ស្មាតវ៉ច នេះក៏មានសេនស័រ medical-grade ECG និង PPG sensors ផងដែរ។ នៅលើស្មាតវ៉ច VivoWatch 6 នេះ មានសិនស័រ bioelectrical impedance (BIA) sensor ដែលផ្តល់នូវភាពងាយស្រួលនៅក្នុងការប្រើប្រាស់តាមដានសុខភាពបានថែមទៀតផង។

នៅពេលដែលដាក់មេដៃ និងម្រាមដៃចង្អុលនៅលើសេនស័រមុខនាឡិកានោះ នាឡិកានេះ នឹងបង្ហាញចេញនូវកម្រិតភាពធាត់នៃតួរខ្លួន និងកម្រិតនៃសាច់ដុំ បរិមាណទឹក និងកម្រិតនៃមេតាប៉ូលីសថែមទៀតផង។ ស្មាតវ៉ចនេះ អាចតាមតាមទៅលើសកម្មភាពនៃប្រព័ន្ធប្រសាទ Autonomic nervous system និងការប្រើប្រាស់នុវមុខងារនៃការវាស់ទៅលើចង្វាក់បេះដូងបាននិងការគណនាទៅលើសន្ទស្សន៍ Relaxation Index ផងដែរ។ វាក៏មានមុខងារមួយទៀតដែលមានឈ្មោះហៅថា Body Harmony Analysis ផងដែរ។ ស្មាតវ៉ច VivoWatch 6 នេះ បំពាក់នូវ  dual-band GPSនិងអាចប្រើប្រាស់បានដល់ទៅ 14 ថ្ងៃ។

 

លោក Sharon Pan ដែលជាអគ្គនាយករបស់ផ្នែក  Smart Health Product Planning នៅក្នុងក្រុមហ៊ុន ASUS បានមានប្រសាសន៌ថា “នៅក្នុងការប្រើប្រាស់នូវភាពច្នៃប្រឌិតដ៏ទំនើប និងជំនាញវេជ្ជសាស្រ្តនោះ ស្មាតវ៉ច ASUS VivoWatch 6 នេះត្រូវបានឌីស្សាញឡើងដើម្បីជួយអ្នកប្រើប្រាស់អោយធ្វើការតាមដានទៅលើគោលដៅនៃសុខភាពរយៈពេលវែងបានយ៉ាងងាយស្រួល។” 

កម្មវិធី ASUS HealthConnect app ក៏នឹងផ្តល់អោយអ្នកប្រើប្រាស់អាចធ្វើការតាមដានទៅលើសុខភាពបានយ៉ាងល្អ។ កម្មវិធីនេះក៏មានបញ្ចូលនូវសេវាកម្ម  Care Track ដែលអនុញ្ញាតអោយសមាជិកនៅក្នុងគ្រួសារអាចមើលទៅលើទីតាំង និងស្ថានភាសុខភាពនៅក្នុងពេល real-time ។ ក្រុមហ៊ុន ASUS មិនទាន់បញ្ជាក់ពីការដាក់លក់ស្មាតវ៉ច VivoWatch 6 នេះនៅឡើយ ទេ។ ប៉ុន្តែក្រុមហ៊ុននេះ បានទម្លាយអំពីតម្លៃរបស់ស្មាតវ៉ចនេះថា មានតម្លៃ £110 / €130 / $140./ 1020 Yuan៕

 

ព័ត៌មានពាណិជ្ជកម្ម