និយាយដល់ទូរស័ព្ទស្មាតហ្វូ Huawei P8 Lite ប្រិយមិត្តខ្លះ ប្រាកដជានៅចាំបាន សម្រាប់ម៉ូដែលឆ្នាំ 2015 ហើយពេលនេះ ដើម្បីបន្ថែមឲ្យកាន់តែមានភាពទាន់សម័យ ក្រុមហ៊ុន Huawei ក៏បានផលិតចេញ Huawei P8 Lite (2017) ស៊េរីឆ្នាំ 2017 មួយម៉ូដែលទៀត។ Huawei P8 Lite (2017) ត្រូវបានរចនារូបរាងកាន់តែទាក់ទាញ និងបំពាក់បន្ថែមនូវមុខងារថ្មីៗសម្រាប់បំពេញតម្រូវការប្រើប្រាស់របស់អតិថិជនឲ្យកាន់តែពេញចិត្តផងដែរ។
1.ការរចនារូបរាង
.jpg)
និយាយពីរូបរាងរបស់វាហាក់ប្លែកច្រើនខុសពីម៉ូដែលមុន ជាមួយនឹងការរចនាម៉ូដកាន់តទាន់សម័យបំផុត មិនចាញបណ្ដាស្មាតហ្វូនម៉ូដែលផ្សេងៗទៀតឡើយ។ Huawei P8 Lite (2017) មានអេក្រង់រាងផុសចេញបន្តិច រំលេចនូវពន្លឺភ្លឺចែងចាំង មានរូបរាងបីពណ៌គឺពណ៌មាស ពណ៌ទឹកប្រាក់ និងពណ៌ខ្មៅ នៅផ្នែកខាងលើកញ្ចក់អេក្រង់មានកាមេរ៉ាមុខ ឧបាល័រស្តាប់ការសន្ទនា ស៊ិនស័របញ្ជាអេក្រង់ ខាងក្រោមមានប៊ូតុងថាចស៊ិនស៊ីធីវចំនួនបីជាប់នឹងកញ្ចក់តែម្តង ចុងក្រោមបំផុតមានអក្សរថា HUAWEI ផងដែរ។ មកមើលពីការរចនាហ្គេមជុំវិញរបស់វាកាន់តែទាក់ទាញបំផុត រាងមូលស្រោបដោយអាលុយមីញ៉ូមយ៉ាងរឹុងមាុំបំផុត នៅខាងស្តាំមានប៊ូតុងឡើងចុះសម្លេង និងប៊ូតុងចាក់សោរ-បិតបើកទូរស័ព្ទ ខាងលើមានរន្ធដោតកាស 3.5 មម ខាងឆ្វេងមានរន្ធសម្រាប់ស៊ីមកាតទាំងពីររួមទាំងមេម៉ូរីកាតផងដែរ ។ ចំណែកខាងក្រោមមានរន្ធ micro USB សម្រាប់សាកថ្ម និងចម្លងទិន្នន័យបានយ៉ាងរហ័ស អមដោយរន្ធតូចៗសងខាង ដែលជារន្ធឧបាល័របំពងសម្លេង។ ងាកមកមើលសំបកខាងក្រោយវិញម្តង កាន់តែពិសេសសម្រាប់សំបកខាងក្រោយរបស់វាត្រូវបានលាតសន្ធឹងដោយកញ្ចក់យ៉ាងស្រស់ស្អាត និងមានកាេមរ៉ាខាងក្រោយនៅចុងខាងលើអមដោយអំពូល LED ហ្លាស់មួយគ្រាប់ផងដែរ និងមានផតស្គែ៊នក្រយ៉ៅដៃរាងមូលនៅចំកណ្ដាល និងចុងខាងក្រោមមានលោគោ HUAWEI ផងដែរ។ អូ!! ភ្លេចសំបកខាងក្រោយរបស់ Huawei P8 Lite(2017) មិនអាចដោះចេញបានទេ។
2.អេក្រង់
អេក្រង់របស់ Huawei P8 Lite (2017) កាន់តែអស្ចារ្យ ជាមួយនឹងការរចនាបំផុតឡើងតាមបច្ចេកវិទ្យា 2.5D ស្រស់ស្អាត ទំហំ 5.2 អីុង ប្រភេទ IPS LCD ផ្តល់ជូននូវកម្រិតពន្លឺភ្លឺច្បាស់ត្រជាក់ភ្នែក ជាមួយនឹងដង់ស៊ីតេអេក្រង់កម្រិត 424 ppi ដែលមានសមត្ថភាពខ្ពស់ក្នុងការបង្ហាញចេញនូវក្រាហ្វិចលើអេក្រង់កម្រិត Full HD 1080 x 1920 ភិចសែល។
3.កាមេរ៉ា
កាមេរ៉ាខាងក្រោយរបស់ Huawei P8 Lite (2017) មានទំហំ 12 មេហ្គាភិចសែល អមដោយអំពូលហ្លាស់ LED មួយគ្រាប់ភ្ជាប់មុខងារAuto-Focus ចាប់យករូបភាពបានរហ័សទាន់ចិត្ត និងច្បាស់ត្រជាក់ភ្នែកតែម្តង។ ចំណែកខាងមុខវិញមានទំហំ 8 មេហ្គាភិចសែល មានសមត្ថភាពក្នុងការចាប់យករូបភាពបានច្បាស់ដូចគ្នា ពិសេសជាមួយនឹងមុខងារ Selfie តែម្តង ។ មួយវិញទៀតគឺការថតវិដេអូ កាមេរ៉ារបស់ P8 Lite (2017) អាចថតវិដេអូបានកម្រិត Full HD 1080p ច្បាស់ត្រជាក់ភ្នែកតែម្តង មិនទាន់អស់វាក៏មានភ្ជាប់មកជាមួយមុងារថតរូបមួយចំនួនដូចជា Geo-tagging, touch focus, face/smile detection, panorama, HDR ជាដើម។
4.កំលាំងម៉ាស៊ីន
និយាយពីផ្នែករឹងដែលជាកំលាំងមា៉ស៊ីនដ៏សំខាន់ សម្រាប់ជួយឲ្យ Huawei P8 Lite (2017) ដំណើរការទៅបានកាន់តែស្រួលនោះមានដូចជា បន្ទះឈីបប្រភេទ HiSilicon Kirin 655 ដែលមានភ្ជាប់មកជាមួយអង្គគណនាប្រាំបីគ្រាប់ Octa-core (4x2.1 GHz Cortex-A53 & 4x1.7 GHz Cortex-A53) រួមជាមួយអង្គក្រាហ្វិចប្រភេទ Mali-T830MP2 ដែលផ្តល់ជូនលោកអ្នកនៅការដំណើរការបានគ្រប់កាលះទេសះទាំងអស់។ កាន់តែពិសេស វាក៏មានអង្គចងចាំ RAM ទំហំ 3GB និងមានទំហំផ្ទុកក្នុងមា៉ស៊ីនស្រាប់ទំហំ 16GB ថែមទាំងអាចដាក់បន្ថែមនូវមេម៉ូរីកាតបានរហូតដល់ 256GB ប្រភេទ microSD ផងដែរ។ ចំណែកថ្មរបស់វាវិញក៏មិនអន់ដែរ ដោយក្រុមហ៊ុនបានបំពាក់មកជាមួយថាមពលថ្មប្រភេទ Li-Ion 3000 mAh ដែលផ្តល់ជូននូវការប្រើប្រាស់បានកាន់តែយូរជាងមុនទ្វេដង។
5.ប្រព័ន្ធប្រតិបត្តិការ
Huawei P8 Lite (2017) ត្រូវបានបំពាក់ឲ្យដំណើរការជាមួយប្រព័ន្ធប្រតិបត្តិការជំនាន់ចុងក្រោយបង្អស់ប្រភេទ Android OS 7.0 Nougat ជាមួយនឹងការភ្ជាប់មកជាមួយអិុនធើហ្វេសផ្ទាល់ខ្លួនជំនាន់ Emotion 5.0 UI ដែលបន្ថែមភាពទាក់ទាញបំផុតសម្រាប់កម្មវិធីប្រើប្រាស់នៅលើអេក្រង់ផ្ទាល់។ មិនតែប៉ុណ្ណោះ វាក៏នៅមានភ្ជាប់មកជាមួយមុខងារថ្មីៗសម្រាប់ប្រើប្រាស់ និងមានមុខងារស្គ៊ែនក្រយ៉ៅដៃ FingerPrint Scanner ដែលផ្តល់ជូននូវមុខងារសុវត្ថិភាពនិងការកំណត់មុខងារបានកាន់តែងាយស្រួលផងដែរ។
