HMD Global គឺជាក្រុមហ៊ុន ដែលផលិតស្មាតហ្វូនត្រកូល Nokia បានប្រកាសស្មាតហ្វូនស៊េរីថ្មី Nokia 8 របស់ខ្លួនរួចមកហើយកាលពីពេលថ្មីៗនេះ។ ស្មាតហ្វូនស៊េរីថ្មីនេះ មានអេក្រង់ទំហំ 5.3 អ៊ីង កម្រិតភាពច្បាស់ QHD IPS Display អេក្រង់ប្រភេទ 2.5D Gorilla Glass 5 បន្ទះឈីបប្រភេទ Qualcomm Snapdragon 835 chipset រ៉េមផ្ទុកទិន្នន័យបណ្តោះអាសន្នទំហំ 4GB និង ម៉េមូរីក្នុងម៉ាស៊ីនទំហំ 64GB/128GB និងប្រព័ន្ធប្រតិបត្តិការ Android ថែមទៀត។
ក្រុមហ៊ុន HMD បាននិយាយថា ប្រព័ន្ធកាមេរ៉ាភ្លោះខាងក្រោយរបស់ស្មាតហ្វូនស៊េរីថ្មីនេះ ត្រូវបានអភិវឌ្ឍដោយស្ថិតនៅក្រោមការសហការជាមួយនឹងក្រុមហ៊ុន Zeiss ប៉ុន្តែក្រុមហ៊ុននៅមិនទាន់បង្ហាញអំពីព័ត៌មានលម្អិតនៅឡើយទេ។ ស្មាតហ្វូននេះភ្ជាប់ជាមួយនឹងកាមេរ៉ាទំហំ 13MP RGB sensor ជាមួយនឹង 1.12µm មុខងារ F2.0 aperture និងមុខងារស្ថេរភាពលំនឹងរូបភាព (optical image stabilization) ខណៈពេលដែលកាមេរ៉ាទំហំ 13MP មួយទៀត គឺសម្រាប់ប្រភេទ monochrome sensor។ ជាធម្មតាជាមួយនឹងប្រព័ន្ធកាមេរ៉ាភ្លោះ រូបភាពដែលថតតាមរយៈស្មាតហ្វូនស៊េរីថ្មីនេះមានភាពលម្អិតស្រស់ស្អាត ម៉ត់ច្បាស់បំផុត។ ទោះជាយ៉ាងណាក៏ដោយ វានៅមិនទាន់មានព័ត៌មានអ្វីទៅលើការថតរូប Background-Blur Portrait Mode ដែលលោកអ្នកធ្លាប់ឃើញរួចមកហើយនៅលើស្មាតហ្វូនផ្សេងដែលប្រើប្រាស់ប្រព័ន្ធកាមេរ៉ាភ្លោះនោះ។ ស្មាតហ្វូននេះប្រើប្រាស់នូវភ្លើង LED Flash ចំនួន 2 គ្រាប់ ការទ្រទ្រង់ 4K Video Mode និងប្រព័ន្ធកាមេរ៉ាខាងមុខទំហំ 13MP Sensor ភ្ជាប់ជាមួយមុខងារ f/2.0 Aperture ។
អ្វីដែលគួរអោយចាប់អារម្មណ៍ទៀតនោះ មុខងារកាមេរ៉ារបស់ស្មាតហ្វូនស៊េរីថ្មី Nokia 8 នេះ មានឈ្មោះហៅថា Bothie Mode ដែលអនុញ្ញាតអោយលោកអ្នកថតរូបភាព ឬការថតវីដេអូជា មួយនឹងប្រព័ន្ធកាមេរ៉ាមុខ និងកាមេរ៉ាខាងក្រោយក្នុងពេលតែមួយបានថែមទៀតផង។ យើងធ្លាប់បានឃើញមុខងារនេះពីមុនមកផងដែរនៅលើស្មាតហ្វូនរបស់ក្រុមហ៊ុនបច្ចេកវិទ្យា LG និងក្រុមហ៊ុន Samsung ប៉ុន្តែក្រុមហ៊ុន Nokia បានបន្ថែមសមត្ថភាពក្នុងការ Live-stream ទៅលើកម្មវិធីបណ្តាញសង្គម Facebook ឬ YouTube តាមរយៈការប្រើប្រាស់ Mode នេះផងដែរ។ ស្មាតហ្វូនស៊េរីថ្មី Nokia 8 ភ្ជាប់ជាមួយនឹងវិញ្ញាប័ណ្ណបត្រ IP54 រួមជាមួយនឹងការស្រោបនូវសម្បកអាលុយមីញ៉ូមហើយវាមាន 4 ពណ៌សម្រាប់ជ្រើសរើសគឺ Gloss Blue, Tempered Blue, Steel និង Polished Copper ។ នៅក្នុងទ្វីបអ៊ឺរ៉ុប ស្មាតហ្វូនស៊េរីថ្មី Nokia 8 គឺមានតម្លៃប្រហែលជា $700 ។ វាមិនទាន់មានព័ត៌មានណាមួយអំពីការដាក់លក់ស្មាតហ្វូននេះនៅក្នុងសហរដ្ឋអាមេរិចនៅឡើយទេ។
លក្ខណៈសម្បត្តិរបស់ស្មាតហ្វូន Nokia 8
- ប្រព័ន្ធកាមេរ៉ាភ្លោះ 13MP RGB/Mono sensors ទំហំ 1.12 um pixel
- ប្រព័ន្ធមុខងារ OIS ប្រើប្រាស់ទ្រទ្រង់នៅក្នុង main module
- F2.0 aperture
- PDAF + laser AF
- កាមេរ៉ាមុខទំហំ 13MP / F2.0 ភ្ជាប់ជាមួយមុខងារ display-flash function
- ភ្លើង Dual-tone flash
- អេក្រង់ទំហំ 5.3” IPS LCD QHD 2,560 x 1,440 display, Corning Gorilla Glass 5
- បន្ទះឈីប Qualcomm Snapdragon 835
- រ៉េមទំហំ 4GB RAM, 64/128GB storage
- ម៉េមូរីប្រភេទ microSD ទ្រទ្រង់ទំហំដល់ទៅ 256GB
- ប្រព័ន្ធប្រតិបត្តិការ Android Nougat 7.1.1
- ថាមពលថ្ម 3090 mAh ភ្ជាប់ជាមួយមុខងារ Qualcomm quick charge
- Splashproof ភ្ជាប់ជាមួយនឹងមុខងារ IP54 rating
