កន្លងមក មានរបាយការណ៍ជាច្រើន បានបញ្ជាក់ថា ប្រទេសឥណ្ឌា នឹងទទួលបានស្មាតហ្វូនស៊េរីថ្មីមួយទៀតរបស់ Xiaomi នៅក្នុងឆ្នាំនេះ ដោយជំនួសឱ្យស្មាតហ្វូន Mi 6 មិនបានចេញ។ Xiaomi Mi MIX 2 គឺជាស្មាតហ្វូន ជំនាន់បន្ទាប់ដែលទើបតែប្រកាសចេញនៅថ្ងៃនេះ នៅក្នុងទីក្រុង New Delhi ប្រទេសឥណ្ឌា។ គួរបញ្ជាក់ថាស Xiaomi បានបង្ហាញស្មាតហ្វូននះ នៅក្នុងប្រទេសចិនជាមួយនឹងវត្តមានរបស់ស្មាតហ្វូន Mi Note 3 ផងដែរកាលពីខែមុននេះ។ ស្មាតហ្វូន Xiaomi Mi MIX 2 គឺមានតួស្រោបដោយលោហៈធាតុដ៏រឹងមាំប្រភេទ 7000-series aluminum alloy frame និងជ្រុងទាំង 4 របស់វា គឺកោងស្រស់ស្អាត។ វាមានទំងន់ 185 ក្រាម និងមានវិមាត្រ 151.8 x 75.5 x 7.7mm។
ស្មាតហ្វូននេះមានអេក្រង់ 5.99 អ៊ីងក មានម្រិតភាពច្បាស់ IPS LCD ភ្ជាប់ជាមួយកម្រិត Aspect Ratio 18:9 អាចផ្តល់នូវកម្រិតភាពច្បាស់រហូតដល់ទៅ FHD+ resolution of 2060x1080 ភិចសែល និងទ្រទ្រង់កម្រិតពណ៌ DCI-P3 ផងដែរ។ នៅលើអេក្រង់នេះ បានបង្កប់នូវឧបាល័រ ហើយប្រព័ន្ធស្កេនក្រយ៉ៅដៃត្រូវផ្លាស់ប្តូរទៅដាក់នៅផ្នែកខាងក្រោយវិញ។ ស្មាតហ្វូន Mi MIX 2 បំពាក់នូវបន្ទះឈីប 2.45 GHz Snapdragon 835 chipset និងរ៉េមផ្ទុកទិន្នន័យបណ្តោះអាសន្នទំហំ 6GB ។ ស្មាតហ្វូននេះ ប្រើប្រាស់ម៉េមូរីក្នុងម៉ាស៊ីនទំហំ 128GB កាមេរ៉ាទំហំ 12MP ប្រភេទ Sony IMX38 ភ្ជាប់ជាមួយ 4-Axis OIS និងកាមេរ៉ាខាងមុខទំហំ 5MP ភ្ជាប់ជាមួយប្រព័ន្ធស្កេនមុខផងដែរ។
កាន់តែពិសេសជាងនេះទៀតនោះ ស្មាតហ្វូននេះភ្ជាប់ជាមួយនឹង MIUI 9 ប្រើប្រាស់ជាមួយនឹង Android 7.1 Nougat ។ វាអាចដំណើរការនូវការភ្ជាប់ទំនាក់ទំនងដូចជាការប្រើប្រាស់ស៊ីមពីរ 4G VoLTE, Wi-Fi 802.11ac, v5.0 Bluetooth និង USB-C ។ ស្មាតហ្វូននេះមានថាមពលថ្មប្រើប្រាស់ 3,400mAh ។ ស្មាតហ្វូន Xiaomi Mi MIX 2 នឹងដាក់លក់នៅក្នុងតម្លៃ Rs. 35,999 នៅក្នុងប្រទេសឥណ្ឌា។ ក្រុមហ៊ុនផលិតស្មាតហ្វូនរបស់ប្រទេសចិនមួយនេះនឹងដាក់លក់ស្មាតហ្វូននេះនៅថ្ងៃទី 17 ខែតុលាខាងមុខនេះតាមរយៈ Flipkart និង Mi.com ៕