កាលពីជិតដំណាច់ខែសីហាកន្លងទៅនេះ ក្រុមហ៊ុន Samsung បានប្រកាសចេញនាឡិកាដៃវៃឆ្លាតស៊េរីថ្មីរបស់ខ្លួនស៊េរី Gear Sport ដែលដំណើរការដោយប្រត្តិបត្តិការ Tizen smartwatch OS។ ក្នុងខណៈពេលនោះ ក្រុមហ៊ុននូវមិនទាន់បានកំនត់ពេលជាក់លាក់ក្នុងការប្រលែងចេញនាឡិកាស៊េរីថ្មីនេះ ទៅកាន់ទីផ្សារពិភពលោកនៅឡើយទេ តែវានឹងចេញចរាចរណ៍លក់ក្នុងពេលឆាប់ៗនេះ ដោយសារតែពេលនេះ Samsung បានបង្ហាញចេញវីដេអូផ្លូវការណ៍របស់វាហើយ។
ដូចអ្វីដែលអ្នកបានឃើញនៅក្នុងខែ្សវីដេអូនេះស្រាប់ Gear Sport បង្កើតឡើងដោយផ្តោតសំខាន់ទៅលើការតាមដានសុខភាពរាងកាយរបស់យើងប្រចាំថ្ងៃ។ វាមានប្រព័ន្ធការពារទឹកដែលអាចទ្រទ្រង់បានក្នុងជម្រៅទឹកដល់ទៅ 50 ម៉ែត្រពិសេសសម្រាប់អ្នកចូលចិត្តហែលទឹក និងកីឡាហែលទឹក, មានមុខងារតាមដានទំងន់, ភ្ជាប់នូវប្រព័ន្ធ GPS សម្រាប់តាមដាននូវភាពត្រឹមត្រូវសម្រាប់ការរត់ និងការជិះកង់ និងអាចចាក់ចម្រៀងនៅលើវាផ្ទាល់តែម្តង។
Gear Sport មិនអាចប្រើប្រាស់ស៊ីមកាតបានទេ ដូចនេះ វាមិនអាចអោយយើងធ្វើការហៅទូរស័ព្ទបានឡើយ។ ទោះជាបែបនេះក្តីវាមានលទ្ធភាពអាចភ្ជាប់ទៅកាន់ឧបរកណ៍ Android និង iOS តាមរយះប្រព័ន្ធប្លូធូស ដើម្បីទទួលបង្ហាញ Notification, sync fitness app និងសារជាដើម។ ហើយជាពិសេសនាឡិកាដៃស៊េរីថ្មីនេះ ក៏អាចប្រើដើម្បីធ្វើការទូទាត់សាច់ប្រាក់បានតាមរយះ Samsung Pay ដោយប្រើមុខងារ NFC ផងដែរ។ សម្រាប់តម្លៃផ្លូវការណ៍នៃ Samsung Gear Sport គឺប្រហែល $350 ដែលលោកអ្នកគួរធ្វើការពិចារណាបានសម្រាប់នាឡិកាដៃឈ្លាតវៃមួយនេះ៕
