កាលពីពេលបើកសម្ពោធនាពេលថ្មីៗនេះ លោកអ្នកពិតជាដឹងរួចមកហើយថា ទូរស័ព្ទ iPhone X នឹងមានតម្លៃចាប់ផ្តើមខ្ទង់ $1000 ឡើងទៅហើយតម្លៃនេះ គឺជាតម្លៃទូរស័ព្ទដែលថ្លៃបំផុត ដែលក្រុមហ៊ុន Apple ធ្លាប់បានផលិតនិងចេញលក់នាពេលកន្លងមក។ យោងតាមការបកស្រាយរបស់អ្នកវិភាគមួយ ដែលបានបង្ហាញនៅក្នុងគេហទំព័រ Phonearena បានអោយដឹយថា ប្រសិនបើលោកអ្នកប្រើប្រាស់ទូរស័ព្ទ iPhone X រយៈពេលមួយឆ្នាំនោះ ឬរយៈពេល 365 ថ្ងៃ លោកអ្នកត្រូវចំណាយទឹកប្រាក់ $3.14 ក្នុងមួយថ្ងៃ ឬតម្លៃ 4 សេនគ្រប់ពេល ដែលអ្នកបើកប្រើប្រាស់ទូរស័ព្ទនេះម្តង ឬនិយាយម្យ៉ាងទៀត គឺមួយភាគដប់នៃមួយសេន គ្រប់ពេលដែលអ្នកប៉ះនៅលើអេក្រង់ទូរស័ព្ទនេះ។
លោកបានបន្តថា អ្នកប្រើប្រាស់ទូរស័ព្ទ មិនថា iPhone ឬក៏ម៉ូដែលផ្សេងៗនោះទេ យ៉ាងហោចណាស់ ការប្រើប្រាស់ ក៏មានរយៈពេល 2 ឆ្នាំដែរ ដូចនេះ តម្លៃនៃការប្រើប្រាស់នេះ គឺត្រូវកាត់បន្ថយពាក់កណ្តាល មានន័យថា វាមិនថ្លៃនោះទេត្រឹមតម្លៃប៉ុណ្ណឹង។ ហើយប្រសិនបើលោកអ្នកចង់ដឹងច្បាស់អំពីតម្លៃនៃការប្រើប្រាស់ប្រចាំថ្ងៃ ទៅលើទូរស័ព្ទរបស់លោកអ្នកនោះ លោកអ្នកត្រូវយកតម្លៃទូរស័ព្ទរបស់អ្នកចែកជាមួយនឹង 365 ថ្ងៃជាការស្រេច។ នៅពេលដែលបានដឹងថា តម្លៃនៃការប្រើប្រាស់ជាប្រចាំថ្ងៃរបស់លោកអ្នកហើយ តើលោកអ្នកនៅតែចង់ទិញទូរស័ព្ទ iPhone X ទៀតដែរឬទេ? ទូរស័ព្ទថ្មីនេះ នឹងដាក់លក់នៅថ្ងៃទី 3 ខែវិច្ឆិកាខាងមុខនៅក្នុងតម្លៃ $1000 សម្រាប់ទំហំ 64GB និង $1150 សម្រាប់ទំហំ 256GB ៕