ឥឡូវនេះ កាមេរ៉ាសេនស័រ ISOCELL របស់ក្រុមហ៊ុន Samsung ត្រូវបន្ថែមសមាជិកចំនួនពីរថ្មីទៀត មួយសម្រាប់ប្រភេទក្រុម Fast និងមួយទៀតសម្រាប់ប្រភេទក្រុម Slim។ សម្រាប់ក្រុមទីមួយគឺជាជំនាន់តូចនៃប្រព័ន្ធកាមេរ៉ាភ្លោះ 12MP Dual Pixel របស់ក្រុមហ៊ុន Samsung ដែលអាចជួយបញ្ឈប់ការប៉ះទង្គិចទៅលើប្រព័ន្ធកាមេរ៉ា ចំនែកក្រុមទីពីរគឺមានរូបរាងតូចដូចគ្នាដែរ ហើយប្រើប្រាស់ទំហំភិចសែលដើម្បីឱ្យភិចសែលនោះត្រូវជាមួយនឹងភិចសែលតូចរបស់ខ្លួន។
ISOCELL Fast 2L9 គឺប្រើប្រាស់ប្រព័ន្ធសេនស័រ 12MP ភ្ជាប់ជាមួយភិចសែលទំហំ 1.28µm(ទម្លាក់មកពី 1.4µm នៅលើកកាមេរ៉ារបស់ស្មាតហ្វូន S8) ។ វាប្រើប្រាស់ប្រព័ន្ធ Dual Pixels - រូបភាពពីរសន្លឹកនៅក្នុងភិចសែលនីមួយៗ - សម្រាប់ការចាប់រូបភាពលឿនលឿន និងការប្រើប្រាស់ Autofocus បានត្រឹមត្រូវ។ ក្រុមហ៊ុនបច្ចេកវិទ្យា Samsung និយាយថា ខ្លួនពិតជាសប្បាយចិត្តក្នុងការអនុញ្ញាតឱ្យប្រើប្រាស់មុខងារ Bokehs នៅលើកាមេរ៉ាមួយបាន។
ISOCELL Slim 2X7 គឺជាសេនស័រទំហំ 24MP ហើយវាគឺជាសេនស័រដំបូងបំផុតដែលប្រើប្រាស់ភិចសែលតូចជាង 1µm – 0.9µm គឺជាទំហំរបស់វា។ នៅក្នុងទីងងឹត វានឹងធ្វើការរួមបញ្ចូលគ្នានូវភិចសែលចំនួន 4 ដើម្បីបង្កើននូវកម្រិតប្រែប្រួលនៃពន្លៃ (ក្រុមហ៊ុន Samsung ហៅថា Tetracell) ។ Deep Trench Isolation of ISOCELL sensor សន្យាថានឹងបង្កើនថាមពលទៅលើ Dynamic Range និងការកាត់បន្ថយទៅលើ Color Crosstalk ។ សម្រាប់សេនស័រទាំងពីរនេះត្រូវរចនាឡើងសម្រាប់ប្រើប្រាស់នៅលើស្មាតហ្វូនដែលមានរូបរាងស្តើង។ ប្រព័ន្ធនេះនឹងប្រើប្រាស់នូវកាមេរ៉ាខាងក្រោយ និងកាមេរ៉ា Selfie ប៉ុន្តែវានៅមិនទាន់ច្បាស់នោះទេថាតើស្មាតហ្វូនមួយណាដំបូងគេបំផុតដែលប្រើប្រាស់សេនស័រនេះនោះ។ ក្រុមហ៊ុនបច្ចេកវិទ្យា Samsung ប្តេជ្ញាចិត្តដើម្បីអភិវឌ្ឍនូវសេនស័រដែលមានទំហំ 1µm ភិចសែល៕