នៅមួយសប្តាហ៍ទៀតទេគ្រួសារថ្មីនៃកំពូលស្មាតហ្វូនប្រភេទហ្វាប់ប្លែត Huawei Mate 10 នឹងបង្ហាញខ្លួនជាផ្លូវការណ៍តាមកាលបរិច្ឆេទគឺនៅថ្ងៃទី 16 ក្នុងខែតុលានេះ ហើយនៅពេលនេះយើងទទួលបានរូបភាព reader ថ្មីចុងក្រោយដែលបង្ហាញយ៉ាងច្បាស់ពីរចនាបថនៃស្មាតហ្វូនស៊េរីថ្មីមួយនេះ។ ប៉ុន្តែរូបភាព reader លេចចេញនៅពេលនេះគឺបានបង្ហាញចេញនូវសមាជិកមួយក្នុងចំនោមបងប្អូនអាចមានបី ឬបួនម៉ូដែលក្នុងគ្រួសារ Mate 10 នោះគឺ Mate 10 Pro។
ពីមុនយើងធ្លាប់បានឃើញរូបភាព reader របស់ Mate 10 Pro ម្តងរួចមកហើយដែលកាលនោះត្រូវបានបញ្ចេញដោយលោក Evan Blass ហើយឥលូវនេះយើងបានឃើញរូបភាពថ្មីចុងក្រោយពីរទៀតដែលបញ្ចេញដោយម្ចាស់គណនី Weibo របស់ចិនឈ្មោះថា “@ichangezone” វិញម្តង។ រូបភាព reader ថ្មីដែលបានបង្ហាញចេញលើកនេះគឺហាក់មិនសូវខុសពីរូបភាពមុនៗប៉ុន្មានឡើយដោយយើងបានឃើញយ៉ាងច្បាស់ថាកំពូលហ្វាប់ប្លែតស៊េរីថ្មីនេះមានផ្ទៃខាងមុខក្រាលដោយកញ្ចក់អេក្រង់កម្រិត aspect ratio 18:9, នៅខាងក្រោយមានអំពូលភ្លើង Flash ចំនួនពីរគ្រាប់ប្រភេទ dual tone LED flash, កាមេរ៉ាពីរគ្រាប់ (dual rear camera) ប្រើស្លាកសញ្ញាកាមេរ៉ា Leica និងរង្វង់ទ្រនាប់ស្កែនក្រយ៉ៅម្រាមដៃស្ថិតនៅពីក្រោម។
បើតាមព័ត៌មានចចាមអារ៉ាមបាននិយាយថា Huawei នឹងបង្ហាញចេញគ្រួសារ Mate 10 អាចបី ឬបួនស៊េរីដែលមានដូចជា Huawei Mate 10, Mate 10 Pro, Mate 10 Lite និង Mate 10 Porsche Design។ ចឹងចាំមើលតើនៅថ្ងៃទី 16 សប្តាហ៍ក្រោយនេះ Huawei នឹងប្រកាសចេញ Mate 10 ម៉ូដែលណាខ្លះដែលទៅ៕