នៅក្នុងនិន្នាការថ្មីមួយនៃការរចនាម៉ូដស្មាតហ្វូនស៊េរីថ្មីដែលប្រើប្រាស់អេក្រង់ Full-Screen កំពុងតែមានការពេញនិយមខ្លាំងក្លានៅក្នុងទីផ្សារទាំងពេលបច្ចុប្បន្ន និងអនាគត បានធ្វើអោយមានការផ្លាស់ប្តូរទៅលើការប្រើប្រាស់កម្រិតអេក្រង់ 16:9 ទៅ 18:9 ស្ទើរតែគ្រប់ក្រុមហ៊ុនហើយ។ ចាប់តាំងពីក្រុមហ៊ុន LG បង្ហាញចេញស្មាតហ្វូនដែលមានអេក្រង់ 18:9 Full-Screen ម៉ូដែល LG G6 នៅក្នុងព្រឹត្តិការណ៍ MWC 2017 នៅក្នុងទីក្រុងបាសេឡូណា ហើយក្រុមហ៊ុន Samsung ក៏បានបង្ហាញវត្តមានរបស់ស្មាតហ្វូន Galaxy S8 ក្រុមហ៊ុនបច្ចេកវិទ្យាធំៗផ្សេងៗទៀតក៏ចាប់ផ្តើមប្រកួតប្រជែងគ្នានៅក្នុងសករាជនៃអេក្រង់ Full-Screen ដោយសង្ឃឹមថា ម៉ាកយីហោរបស់ពួកគេនឹងមានការកើនឡើងតាមរយៈការបញ្ចេញស្មាតហ្វូនអេក្រង់ Full-Screen នេះ។
រហូតមកដល់បេលនេះ មានក្រុមហ៊ុនបច្ចេកវិទ្យាជាច្រើន បានចាប់ផ្តើមប្រកួតប្រជែងទៅលើនិន្នាការថ្មីនៃបច្ចេកវិទ្យា Full-Screen នៅក្នុងនោះក៏មានឧបសគ្គពាក់ព័ន្ធជាមួយនឹងតម្លៃផងដែរ។ នៅលើទីផ្សារស្មាតហ្វូនបច្ចុប្បន្ននេះ មានម៉ាកយីហោស្មាតហ្វូនជាច្រើន ដែលមានអេក្រង់ពេញលេញ និងផលិតផល Full-HD ជាច្រើនទៀត។ ដូចនេះ តើស្មាតហ្វូនអេក្រង់ Full-Screen អាចប្រកួតប្រជែងបែបណានៅលើទីផ្សារនោះ? ចម្លើយនោះ គឺធ្វើឱ្យវាមានតែមួយ និងប្លែកពីគេ។
ក្រោយពីព្រឹត្តិការណ៍នៃការសម្ភោធន៍ស្មាតហ្វូនកាលពីថ្ងៃទី 28 ខែកញ្ញាកន្លងទៅ ស្មាតហ្វូន Leagoo S8 និង S8 Pro គឺទទួលបានការចាប់អារម្មណ៍ខ្លាំងដោយសារតែវាមានការរចនាប្លែក និងស្រស់ស្អាតបំផុត។ ផ្នែកខាងក្រោយរបស់ស្មាតហ្វូនទាំងពីរនេះ ភ្ជាប់ជាមួយនឹងបញ្ចក់រលោងកោង 3D ដែលមើលឃើញគួរឱ្យភ្ញាក់ផ្អើល និងចង់កាន់នៅក្នុងដៃបំផុត។ នៅថ្ងៃនេះ ក្រុមហ៊ុនបច្ចេកវិទ្យាមួយនេះ ក៏បានបញ្ចេញនូវរូបភាព ពិតប្រាកដរបស់ស្មាតហ្វូន S8 Pro ពណ៌ខៀវ Dazzle Blue ដែលពិតជាស្រស់ស្អាតបំផុត ធានាលោកអ្នកពិតជាពេញចិត្ត ទាំងរូបរាង បច្ចេកវិទ្យា និងតម្លៃ ៕
