Gear Sport គឺជានាឡិកាឆ្លាតវៃស៊េរីថ្មីរបស់ក្រុមហ៊ុន Samsung ដែលបង្ហាញខ្លួនកាលពីខែសីហាឆ្នាំនេះ នឹងបានចាប់ផ្តើមទទួលការកម្មង់ទិញមុន (Pre-order) ហើយនាពេលថ្មីៗនេះ។ នាឡិកាឆ្លាតវៃនេះ គឺដំណើរការប្រព័ន្ធប្រតិបត្តិការ Tizen 3.0។ នៅលើនាឡិកាឆ្លាតវៃនេះ គឺមានបពាក់នូវមុខងារមួយដែលអាចគ្រប់គ្រងទៅលើឧបករណ៍ឆ្លាតវៃជាច្រើនដោយធ្វើការបង្វិលទៅលើស៊ុមព័ទ្ធអេក្រង់ (Bezel) របស់នាឡិកាឆ្លាតវៃនេះ។ មុខងារនេះដែលបំពាក់នៅលើនាឡិកាឆ្លាតវៃ Gear Sport នេះ គឺស្រដៀងគ្នាជាមួយនឹងកម្មវិធី Samsung Connect ដែលអាចធ្វើការបញ្ជាគ្រប់គ្រងដោយស្វ័យប្រវត្តិទៅលើឧបករណ៍ជាច្រើន និងសម្ភារៈប្រើប្រាស់ក្នុងផ្ទះដូចជា អំពូលភ្លើង ការចាក់គន្លឹះទ្វារ និងទូរទស្សន៍។
គួរបញ្ជាក់ថា ក្រៅពី Gear Sport ថ្មីនេះ! ក្រុមហ៊ុន Samsung ក៏មាននាឡិកាឆ្លាតវៃ Gear S3 ផងដែរ ហើយម៉ូដែលនេះ ត្រូវបានគេរំពឹងថា នឹងទទួលការអាប់ឌែតទៅកាន់ប្រព័ន្ធប្រតិបត្តិការ Tizen 3.0 ដែលនឹងនាំយកនូវមុខងារ ‘ការគ្រប់គ្រងតាមរយៈ Bezel’ នេះផងដែរ។ យ៉ាងណាមិញ វានៅមិនទាន់មានព័ត៌មានជាក់លាក់នៅពេលណាដែលការអាប់ឌែតនេះ នឹងចាប់ផ្តើមពេលណានោះទេ។ សម្រាប់នាឡិកាឆ្លាតវៃ Gear Sport នឹងដាក់លក់នៅថ្ងៃទី 27 ខែតុលាខាងមុខនេះ៕
