នៅសល់រយៈពេលមួយសប្តាហ៍ទៀត រហូតដល់ថ្ងៃបង្ហាញវត្តមានរបស់ស្មាតហ្វូន Oppo F5 ប៉ុន្តែយើង បានដឹងរួចមកហើយអំពីលក្ខណៈសម្បត្តិមួយចំនួនរបស់វា និងកំណែបន្ទាប់នៃអ្នកជំនាញថតរូប “Selfie Expert”។ យោងតាមរូបភាពមួយសន្លឹកចេញពីប្រទេសថៃ ស្មាតហ្វូននេះ នឹងមានចែកចេញជាបីប្រភេទ Oppo F5 (ស្តង់ដារ) និងមួយទៀត Oppo F5 មាន RAM ទំហំ 6 GB (ល្បឿនខ្លាំង) ហើយនិង Oppo F5 Youth (តម្លៃសមរម្យ)។ ស្មាតហ្វូន Oppo F5 នឹងបំពាក់រ៉េមទំហំ 4GB កាមេរ៉ា Selfie ប្រភេទ “AI Beauty” ដែលត្រូវបានគេរំពឹងថា នឹងមានទំហំរហូតទៅដល់ 20 មេហ្កាភិចសែល និងប្រព័ន្ធប្រតិបត្តិការ Android Marshmallow 6.0 ។ ចំនែកអេក្រង់របស់ស្មាតហ្វូននេះជាប្រភេទ 18:9 FullView Display ភ្ជាប់ជាមួយកម្រិតភាពច្បាស់រហូតដល់ទៅ 2160x1080 ភិចសែល ។
សម្រាប់ស្មាតហ្វូន Oppo F5 មួយទៀតជំរើសទៀត នឹងបំពាក់នូវរ៉េមទំហំ 6GB ហើយលក្ខណៈផ្សេងទៀត គឺរក្សាដដែលដូចគ្នា។ ចំនែកស្មាតហ្វូន Oppo F5 Youth វិញ គឺភ្ជាប់ជាមួយនឹងកាមេរ៉ា Selfie ទំហំត្រឹមតែ 16មេហ្កាភិចសែលតែប៉ុណ្ណោះ ហើយវាបន្ថែមនូវមុខងារដូចជា Facial Unlock និង Beauty Filters ជាច្រើនបន្ថែមទៀត។ ស្មាតហ្វូនទាំង 3 ជម្រើសនេះ ចាប់ផ្តើមទទួលការបញ្ជាទិញមុន (Pre-Order) ជាមួយនឹងការបន្ថែមជូននូវកាដូជាច្រើនដូចជា VIP Card, កាបូប Oppo និងប្រអប់កាដូពិសេសពី Oppo ៕
