ក្រុមហ៊ុន Samsung Electronics បានប្រកាសថា ខ្លួនកំពុងបោះទុន 18 ពាន់លានដុល្លារ សម្រាប់ធ្វើការវិនិយោគថ្មីនៅក្នុងការពង្រីកផលិតភាពគ្រឿងឧបករណ៍អេឡិចត្រូនិច នៅក្នុងប្រទេសកូរ៉េខាងត្បូង។ អ្នកប្រើប្រាស់ដែលធ្លាប់តែស្គាល់ម៉ាក Samsung ដ៏ល្បី តាមរយៈទូរស័ព្ទដៃ និងទូរទស្សន៍ តាមការពិត ក្រុមហ៊ុនាំ Samsung ក៏ជាក្រុមហ៊ុនធំបំផុតខាងផលិតបន្ទះឈីបអង្គចងចាំមួយដែរ។ តាមរយៈទិន្នន័យ ចងក្រងដោយ Bloomberg គ្រឿងបង្គុំឧបករណ៍អេឡិចត្រូនិច បង្កើនប្រាក់ចំណូលជាងពាក់កណ្តាលសម្រាប់ក្រុមហ៊ុននៅក្នុងឆ្នាំ 2016។ ដូច្នេះការវិនិយោគចុងក្រោយនេះ មានន័យថា ប្រាក់ចំណូលទាំងនោះ នឹងត្រូវបានពង្រីកបន្ថែមទៀត។
តាមរយៈការប្រកាសរបស់ក្រុមហ៊ុន ដែលធ្វើឡើងកាលពីថ្ងៃអង្គារ ក្រុមហ៊ុន Samsung បានប្រកាស ការវិនិយោគរោងចក្រ Pyeongtaek ថ្មីនៅត្រឹមឆ្នាំ 2021 ដែលប្រមាណជា 1.35 ពាន់លានដុល្លារ នៃការចំណាយហើយគ្រោងនឹងតម្លើងរហូតដល់ 26 ពាន់លានដុល្លារ។ ការប្រកាសវិនិយោគរបស់ក្រុមហ៊ុន Samsung ត្រូវបានធ្វើឡើងស្របពេលការចាប់ផ្តើមផលិតទ្រង់ទ្រាយធំនៃបន្ទះឈីប នៅក្នុងរោងចក្រ Pyeongtaek។ ការឈានមុខនៅក្នុងវិស័យរថយន្ត ជាមួយការបង្កើត គំនិតថ្មីៗ នៅក្នុងសម័យអ៊ីនធឺណែត ត្រូវបានរំពឹងទុកសម្រាប់តម្រូវការនៃគ្រឿងបង្គុំឧបករណ៍អេឡិចត្រូនិចនៅឆ្នាំខាងមុខ។
មិនតែប៉ុណ្ណោះ ក្រុមហ៊ុន Samsung ក៏មានគម្រោងក្នុងការបង្កើតរោងចក្រទីពីរ នៅក្នុងខេត្តស៊ីអាន ប្រទេសចិន ដែលទីតាំងនោះកំពុងត្រូវបានស្ថិតក្នុងការពិចារណានៅឡើយ។ រោងចក្រទីមួយរបស់ សាមសុង ក្នុងខេត្តស៊ីអានត្រូវបានសាសង់តាំងពីឆ្នាំ 2014មក ហើយបច្ចុប្បន្នកំពុងស្ថិតក្នុង ប្រតិបត្តិការការងារយ៉ាងពេញទំហឹង។ ជាមួយនឹងវិនិយោគថ្មីនេះ Samsung មានបំណងពង្រឹងបណ្តាញរោងចក្រសកលលោក ក៏ដូចជា អភិវឌ្ឍវិស័យបច្ចេកវិទ្យាព័ត៌មានទាំងមូលឲ្យបានឆាប់រហ័សបំផុត។
