BlackBerry 10 គឺជាប្រព័ន្ធប្រតិបត្តិការ ដែលប្រើប្រាស់កាយវិការបង្កើតឡើងដោយ QNX ហើយស្មាតហ្វូនស៊េរីថ្មីៗ ជាច្រើនរបស់ក្រុមហ៊ុននេះ បានដំណើរការប្រព័ន្ធប្រតិបត្តិការនេះ ប៉ុន្តែការលក់របស់ក្រុមហ៊ុននេះ មានការធ្លាក់ចុះ។ ម្ចាស់ភាគហ៊ុនធំបំផុតរបស់ក្រុមហ៊ុន BlackBerry ក៏ដកខ្លួនចេញពីកិច្ចព្រមព្រៀង និងទិញភាគហ៊ុនតម្លៃ $9 ក្នុងមួយហ៊ុនថែមទៀត។ ប៉ុន្តែនៅ ពេលដែលលោក John Chen ជំនួសកន្លែងរបស់លោក Thorsten Heins ក្លាយជា CEO របស់ក្រុមហ៊ុននេះនៅក្នុងឆ្នាំ 2013 នោះ បានធ្វើអោយមានការផ្លាស់ប្តូរជាច្រើន ដោយបានផ្តោតទៅទៅលើការផលិត Software និង IoT វិញម្តង។
ជាមួយនឹងការគ្រប់គ្រងរបស់គាត់ លោក Chen បានសម្រេចចិត្ត គឺនៅតែទុកនូវកន្លែងមួយសម្រាប់ស្មាតហ្វូនម៉ាកថ្មីរបស់ក្រុមហ៊ុន BlackBerry។ ភាពផ្សេងគ្នានោះគឺថា អាជ្ញាប័ណ្ណរបស BlackBerry ទៅលើកម្មវិធី Software និងឈ្មោះរបស់ខ្លួន និងការអនុញ្ញាតឱ្យក្រុមហ៊ុនបច្ចេកវិទ្យាផ្សេងទៀតដូចជា TCL របស់ប្រទេសចិន គ្រប់គ្រងទៅលើការរចនា ការផលិត និងការផ្សព្វផ្សាយទៅលើស្មាតហ្វូនស៊េរីថ្មីនេះ។ សម្រាប់ត្រីមាសទី 2 នេះ ក្រុមហ៊ុន BlackBerry ចំណាយទឹកប្រាក់ 56 លានដុល្លារ ទៅលើអាជ្ញាប័ណ្ណថ្មីនេះ ដែលវាមានការកើនឡើងជិត 4 ដងខណៈពេលដែលក្រុមហ៊ុនចំណាយទឹកប្រាក់ 15 លានដុល្លារប៉ុណ្ណោះកាលពីឆ្នាំមុន។
BlackBerry នៅតែកំពុងតែប្រើប្រាស់នូវយុទ្ធសាស្រ្តដ៏រឹងមាំទៅលើការការពារសុវត្ថិភាពទៅលើ Software សម្រាប់ធនាគារ និងក្រុមហ៊ុនផ្សេងទៀតដែលត្រូវការការពារពី Cyber-Attacks ។ ក្រុមហ៊ុននេះក៏កំពុងផ្គត់ផ្គង់ទៅលើឧស្សាហកម្មរថយន្តជាមួយនឹងកម្មវិធី Software សម្រាប់រថយន្តបើកបរដោយខ្លួនឯងថែមទៀត។ កាន់តែពិសេសជាងនេះទៀត ក្រុមហ៊ុន BlackBerry ក៏ផ្តល់នូវកម្មវិធី Apps ជាច្រើនសម្រាប់ស្មាតហ្វូន Android នៅលើ Google Play Store ផងដែរ។
នៅពេលដែលលោក John Chen ទទួលដំណែងជានាយកប្រតិបត្តិថ្មីនៅក្រុមហ៊ុន BlackBerry កាលពីខែវិឆ្ឆិកាឆ្នាំ 2013 តម្លៃស្តុកមានការកើនឡើង 66% នៅឆ្នាំនេះ ហើយក្រុមហ៊ុន ពិតជាអាចរកប្រាក់ចំណូលបាន។ នៅថ្ងៃនេះ ក្រុមហ៊ុន BlackBerry មានការផ្លាស់ប្តូរភាគហ៊ុន របស់ខ្លួនចេញពី NASDAQ ទៅកាន់ New York Stock Exchange។ នាយកប្រតិបត្តិរូបនេះ ក៏បាននិយាយផងដែរថា ការផ្លាស់ប្តូររបសក្រុមហ៊ុន BlackBerry គឺបញ្ចប់ ហើយក្រុមហ៊ុនឥឡូវនេះ ក៏ផុតពីគ្រោះថ្នាក់ផងដែរ៕