រំលឹករឿងចាស់បន្តិច នៅកំឡុងក្រុមហ៊ុន Samsung បង្ហាញស្មាតហ្វូន Galaxy Note 8 ក្រុមហ៊ុនមួយនេះ គឺបានខិតខំប្រឹងប្រែងបញ្ចេញនូវភស្តុតាងជាច្រើន ដែលបង្ហាញថា ស្មាតហ្វូននេះ មិនមានបញ្ហាដូចទៅនឹងស្មាតហ្វូន Galaxy Note 7 នោះទេ។ នៅក្នុងបទសម្ភាសន៍មួយជាំនឹងលោក BJ Kang និង Cue Kim កាន់នៅផ្នែក Global Product Planning Group របស់ក្រុមហ៊ុន Samsung បានអោយបញ្ជាក់ថា ខ្លួនបានចែករំលែកនូវព័ត៌មានមួយចំនួន ដែលជាគម្រោងរបស់ស្មាតហ្វូន Galaxy Note 8។
តាមការបញ្ជាក់របស់លោក Kang បានឱ្យដឹងថា ដំណើរការរៀបចំនៃគម្រោងផលិតផលរបស់ស្មាតហ្វូន Galaxy Note 8 គឺមានតម្លៃខ្លាំងណាស់ជាងពេលមុនៗ ដោយសារតែក្រុមហ៊ុន ផ្តល់អាទិភាពដល់អ្នកគាំទ្ររបស់ខ្លួនជាមួយនឹងគំនិតច្នៃប្រឌិតថ្មីបំផុតសម្រាប់ Note ។ ជាដំបូង ក្រុមហ៊ុន បានចាប់ផ្តើមពន្យារពេលទៅលើរយៈពេលនៃការវាយតម្លៃទៅលើសុវត្ថិភាព ហើយក្រុមហ៊ុនក៏អភិវឌ្ឍនូវការត្រួតពិនិត្យសុវត្ថិភាពថាមពលថ្មចំនួន 8 ចំណុចផងដែរ។
ចំណែកឯលោក Kim ក៏បានពន្យល់ថា សម្រាប់ស្មាតហ្វូន Galaxy Note 8 ក្រុមហ៊ុនធ្វើការផ្លាស់ប្តូរតាមរយៈគោលការណ៍ “រូបភាពធំ” ដែលនេះ គឺជាគោលការណ៍យកចិត្តទុកដាក់មួយទៀត។ តាមរយៈវិធីសាស្រ្តស្រាវជ្រាវទៅលើបរិមាណ និងគុណភាព ក្រុមហ៊ុនអាចដឹងកាន់តែប្រសើរ និងកំណត់ទៅលើអ្វីដែលអ្នកប្រើប្រាស់ស្មាតហ្វូនត្រកូល Note ចង់បាន។ គោលការណ៍នេះនាំឱ្យក្រុមហ៊ុនអាចពង្រឹងទៅលើប្រព័ន្ធកាមេរ៉ា ប៊ិក S-Pen និងអេក្រង់របស់វា។
តាមរយៈការបញ្ជាក់របស់លោក Kim នៅក្នុងខណៈពេលដែលក្រុមហ៊ុន ចាប់ផ្តើមអភិវឌ្ឍន៍ទៅលើស្មាតហ្វូន Galaxy Note ជាមួយនឹងអ្នកជំនាញនោះ គោលដៅនៃការផលិតស្មាតហ្វូន Galaxy Note 8 គឺដើម្បីតម្រូវការរបស់អ្នកប្រើប្រាស់ដូចជា ផលិតភាពការងារ ការកម្សាន្ត និងលក្ខណៈច្នៃប្រឌិតជាច្រើនទៀត។ អ្វីដែលកាន់តែពិសេសនោះ ស្មាតហ្វូន Galaxy Note 8 ផ្តល់នូវ Tools សម្រាប់ទំនាក់ទំនងកាន់តែអស្ចារ្យ និងប្រព័ន្ធកាមេរ៉ា កម្រិតខ្ពស់ថែមទៀតផង។ គួរបញ្ជាក់ថា ឥឡូវនេះ ស្មាតហ្វូន Galaxy Note 8 មានវត្តមាននៅលើទីផ្សារហើយ ក្រុមវិស្វករអ្នកជំនាញ ក៏កំពុងតែធ្វើការងារថ្មីសម្រាប់ស្មាតហ្វូនជំនាន់បន្ទាប់គឺ Galaxy Note 9 ផងដែរ៕