យោងតាមព័តមានមួយដែលចេញផ្សាយដោយ Phonarena.com កាលពីម្សិលមិញ បានបញ្ជាក់ថា ក្រុមហ៊ុន Samsung អាចនឹងនាំយកនូវមុខងារថ្មី Portrait Mode យកមកប្រើប្រាស់នៅលើស្មាតហ្វូន Galaxy S8 និង Galaxy S8+ បាន តាមរយៈការធ្វើបច្ចុប្បន្នភាពទៅលើ Software ដែលនេះគឺ ពិតជាដំណឹងដ៏ល្អមួយដោយសារតែអតិថិជនដែលប្រើប្រាស់ស្មាតហ្វូនទាំងពីរម៉ូដែលនេះ ដោយសារពួកគាត់ នឹងអាចប្រើប្រាស់មុខងារ Portrait Mode នេះនៅលើប្រព័ន្ធកាមេរ៉ារបស់ខ្លួន។
បើទោះបីជាព័ត៌មាននេះ នៅមិនទាន់បានប្រកាសជាផ្លូវការពីក្រុមហ៊ុន Samsung ក៏ដោយ ក៏អ្នកដែលនិយមតាមដានរឿងនេះ មានសង្ឃឹមយ៉ាងមុតមាំថា មុខងារនេះ ពិតជានឹងដំណើរការនៅលើស្មាតហ្វូនត្រកូល Galaxy S8 នៅក្នុងពេលឆាប់ៗ ខាងមុខនេះហើយ។ ដូចអ្វីដែលលោកអ្នកធ្លាប់បានដឹងរួចមកហើយថា Portrait Mode គឺជាមុខងារដែលបង្ហាញវត្តមាននៅលើប្រព័ន្ធកាមេរ៉ាភ្លោះស្ថិតនៅលើកាមេរ៉ា Telephoto Lens ដែលអនុញ្ញាតឱ្យអ្នកប្រើប្រាស់ថតរូបបញ្ឈរដូចគ្នាទៅនឹងកាមេរ៉ា DSLR ដែលយើងអាចផ្តោតទៅលើអ្វីមួយនិងយកផ្ទាំងខាងក្រោយ Blur បាន។ ថ្មីៗនេះ ក្រុមហ៊ុនSamsung ក៏បានបង្ហាញនូវមុខងារ Portrait Mode របស់ខ្លួនរួចហើយដែរ ដែលមានឈ្មោះថា Live Focus ដោយបានបំពាក់នៅលើស្មាតហ្វូន Galaxy Note 8។ ជាមួយនឹងមុខងារ Live Focus លោកអ្នកអាចធ្វើការកែប្រែទៅលើកម្រិត Blur នៃផ្ទាំងខាងក្រោយបានបន្ទាប់ពីការថតរូបភាពរួចហើយក្តី។
ទាក់ទងជាមួយនឹងរឿងនេះ ក្រុមហ៊ុន Google ក៏បានចេញមកបញ្ជាក់ផងដែរថា លោកអ្នកមិនចាំបាច់មានកាមេរ៉ា Telephoto Lens នោះទេ ដើម្បីដំណើរការនូវ Effects របស់ Portrait Mode នោះ។ សម្រាប់ស្មាតហ្វូន Pixel 2 គឺមានភ្ជាប់ជាមួយនឹងកាមេរ៉ាតែមួយប៉ុណ្ណោះ ទាំងនៅផ្នែកខាងមុខ និងនៅខាងក្រោយ ប៉ុន្តែស្មាតហ្វូននេះ អាចបង្កើតនូវ Bokeh Effect តាមរយៈជំនួយពីបច្ចេកវិទ្យា Dual Pixel បាន។ ហេុតដូច្នេះហើយ តាមការសន្និដ្ឋានរបស់អ្នកជំនាញ បានបង្ហាញថា បន្ទាប់ពីការធ្វើបច្ចុប្បន្នភាពទៅលើ Software នោះ គិពិតជាអាចនាំយកនូវមុខងារ Dual Pixel Sensors នេះ ហើយសម្រាប់ស្មាតហ្វូន Galaxy S8 Series គឺអាចធ្វើបានដូចគ្នា៕
