បន្ទាប់ពីមានព័តមានស្តីពីការវាយប្រហា និងលើកតម្កើនពីលក្ខណៈពិសេសរបស់ទូរស័ព្ទ iPhone X និង iPhone 8 Plus កាលពីពេលថ្មីកន្លងទៅនេះ នៅលើទីផ្សាស្មាតហ្វូនជុំវិញពិភពលោក ហាក់ដូចជាមានតម្រូវការកាន់តែច្រើនឡើងៗ សំរាប ទូរស័ព្ទ iPhone X និង iPhone 8 Plus និយាយទៅ គឺប្រហែលកាក់កបខ្លាំង ហើយពិតជាខ្លាំងក្លាជាងការរំពឹងទុកទៅទៀត។ យោងតាមរបាយការណ៍ពីខ្សែសង្វាក់ផលិតកម្ម បានបញ្ជាក់ថា សម្រាប់ត្រីមាសទីដែលនឹងបញ្ចប់នៅឆ្នាំ 2017 នេះ ក្រុមហ៊ុន Apple នឹងនាំចេញទូរស័ព្ទ iPhone X បានចំនួន 26 លានគ្រឿងជាក់ជាមិនខាន។
អ្នកវិភាគដ៏ល្បីឈ្មោះលោក Ming-Chi Kuo របស់ក្រុមហ៊ុន KGI Securities បាននិយាយថា ក្រុមហ៊ុន Apple មានគម្រោងក្នុងការបង្កើនទៅលើការផលិតនូវទូរស័ព្ទ iPhone X ចំនួន 35% ទៅ 45% ទៀតនៅក្នុងត្រីមាសនេះបន្ទាប់ពីការដាក់លក់រយៈពេល 3 ខែ។ លោក Kuo បានផ្តល់នូវហេតុផលសំខាន់ជាច្រើនស្តីពីហេតុអ្វីបានជាក្រុមហ៊ុន Apple មានគម្រោងក្នុងការបង្កើនទៅលើការផលិតទូរស័ព្ទ iPhone X នៅក្នុងត្រីមាសនេះនោះ។ លោកបាននិយាយថា អ្នកប្រើប្រាស់ជាច្រើនហាក់ដូចជារារែកចំពោះតម្លៃនៃស្មាតហ្វូនថ្នាក់ខ្ពស់ដែលមានតម្លៃថ្លៃ ហើយលោកលើកឡើងថាវាមានតម្រូវការសម្រាប់ថ្ងៃឈប់សម្រាកនៅថ្ងៃចូលឆ្នាំចិនផងដែរ។
តាមរបាយការណ៍ដែលបានចេញផ្សាយកន្លងមក បានអោយដឹងថា អតិថិជនជាច្រើនត្រូវការទិញទូរស័ព្ទ iPhone 8 Plus ច្រើនជាង iPhone 8 ស្របពេលដែលការផលិតនាពេលថ្មីៗនេះ ត្រូវបានគេរំពឹងថា នឹងមានកើនឡើង ប៉ុន្តែនឹងកាត់បន្ថយនូវចំនួននៃការផលិតទូរស័ព្ទ iPhone 8 ចាប់ពីខែតុលា ដល់ខែធ្នូចាប់ពី 50% ទៅ 60%។ ដើម្បីជួយឱ្យមានតុល្យភាពទៅលើតម្រូវការរបស់អ្នកផ្គត់ផ្គង់ អ្នកវិភាគរបស់ក្រុមហ៊ុន KGI បាននិយាយថា ការផលិតទៅលើ iPhone 8 នឹងត្រូវផ្លាស់ប្តូរទៅជាការផលិតទៅលើ iPhone X វិញ។ ដូចអ្វីដែលយើងលើកឡើងនៅក្នុងពេលនេះអញ្ចឹង គឺកាលពីត្រីមាសមុននេះ ក្រុមហ៊ុន Apple បាននាំចេញនូវទូរស័ព្ទ iPhone 8 និង iPhone 8 Plus បានចំនួនដល់ទៅ 11.8 លានគ្រឿង។ ទូរស័ព្ទ iPhone 8 Plus ត្រូវគេនាំចេញបានចំនួន 6.3 លានគ្រឿង ខណៈពេលដែលទូរស័ព្ទ iPhone 8 មានការនាំចេញបានចំនួន 5.5 លានគ្រឿង នៅក្នុងរយៈពេល 3 ខែដូចគ្នា៕
