no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Mi 5X ស្មាតហ្វូនស៊េរីថ្មីពណ៌ក្រហមរបស់ក្រុមហ៊ុន Xiaomi បានបង្ហាញខ្លួននៅលើរូបភាពផ្សព្វផ្សាយពាណិជ្ជកម្ម

កាលពី 2 សប្តាហ៍មុននេះ ក្រុមហ៊ុន Xiaomi បានបង្ហាញស្មាតហ្វូន Mi 5X ពណ៌ក្រហមថ្មី ដែលជាស្មាតហ្វូនដំបូងបំផុតរបស់ក្រុមហ៊ុនចិនមួយនេះ បានប្រើប្រាស់ពណ៌ក្រហមនោះ។ ដើម្បីអោយមានការចាប់អារម្មណ៍ និងបង្ហាញអំពីការដាក់លក់ជាផ្លូវការនោះ ក្រុមហ៊ុន Xiaomi បានបញ្ចេញនូវរូបភាពផ្សព្វផ្សាយពាណិជ្ជកម្មជាច្រើនសន្លឹកអំពីស្មាតហ្វូនស៊េរីថ្មីពណ៌ថ្មីនេះដែលពិតជាទាក់ទាញមែនទែន។ សម្រាប់ស្មាតហ្វូនពណ៌ក្រហមថ្មីនេះ គឺមានស៊ុមព័ទ្ធអេក្រង់ពណ៌ខ្មៅដូចគ្នាទៅនឹងប្រភេទពណ៌ខ្មៅដែរ ប៉ុន្តែវាខុសប្លែកពីស្មាតហ្វូន iPhone 7 និង iPhone 7 Plus ពណ៌ក្រហម ដែលមានស៊ុមព័ទ្ធអេក្រង់ពណ៌សនោះ។ កាមេរ៉ាខាងក្រោយរបស់ស្មាតហ្វូននេះនៅតែរក្សាទុកនូវពណ៌ខ្មៅ ហើយវាពិតជាមានរូបរាងស្រស់ស្អាតមែនទែនស៊ីជាមួយនឹងពណ៌ក្រហម។

ស្មាតហ្វូន Mi 5X ពណ៌ក្រហមថ្មីនេះ មានភាពខុសគ្នាតែពណ៌ប៉ុណ្ណោះ បើធៀបជាមួយនឹងម៉ូដែលផ្សេងនោះ។ ស្មាតហ្វូននេះមានអេក្រង់ទំហំ 5.5 អ៊ីងកម្រិតភាពច្បាស់ FHD រ៉េមទំហំ 4GB និងម៉េមូរីក្នុងម៉ាស៊ីនទំហំ 64GB។ ស្មាតហ្វូននេះដំណើរការបន្ទះឈីប Snapdragon 625 ប្រព័ន្ធកាមេរ៉ាភ្លោះ 12MP និងកាមេរ៉ា Selfies ទំហំ 5MP ។ ថាមពលថ្មរបស់ស្មាតហ្វូននេះគឺ 3080mAh និងប្រព័ន្ធប្រតិបត្តិការ Android Nougat ។ ស្មាតហ្វូននេះប្រហែលជាធ្វើការអាប់ឌែតទៅកាន់ Android Oreo នៅចុងឆ្នាំនេះ។

អ្នកវិភាគនិយាយថា វាពិតពិតជាគួរអោយចាប់អារម្មណ៍ណាស់ ប្រសិនបើក្រុមហ៊ុនបច្ចេកវិទ្យា Xiaomi បន្ថែមនូវពណ៌ជាច្រើនទៀត ទៅលើស្មាតហ្វូនស៊េរីថ្មីរបស់ខ្លួននៅឆ្នាំនេះ។ ថ្មីៗនេះ ក្រុមហ៊ុន Xiaomi ទើបតែបញ្ចេញនូវស្មាតហ្វូន Redmi Note 4X ពណ៌បៃតង និងស្មាតហ្វូន Mi 6 និង Mi Note 3 ពណ៌ខៀវផងដែរ។ គ្រប់គ្នា សង្ឃឹមថា ក្រុមហ៊ុននឹងបន្តនូវការបន្ថែមពណ៌ជាច្រើនទៀតនៅឆ្នាំក្រោយនេះ៕

no-alternative title
ព័ត៌មានពាណិជ្ជកម្ម