no-alternative title
no-alternative title
no-alternative title
no-alternative title
no-alternative title
no-alternative title
no-alternative title

GFX Bench បានបង្ហាញរបាយការណ៍ថា OnePlus 5T (128GB) នឹងមានទំហំម៉េមូរីក្នុងម៉ាស៊ីន 111GB ប៉ុណ្ណោះ

ស្មាតហ្វូនស៊េរីថ្មី OnePlus 5T គឺជាស្មាតហ្វូនជំនាន់ថ្មីមួយ ដែលគេជឿជាក់ថា នឹងភ្ជាប់ជាមួយនឹងស៊ុមព័ទ្ធអេក្រង់ស្តើងជាមួយនឹងកម្រិត 18:9 Aspect Ratio ហើយស្មាតហ្វូននេះ នឹងមិនមានប៊ូតុង Home នោះទេ ហើយប្រព័ន្ធស្កេនក្រយ៉ៅដៃនឹងត្រូវផ្លាស់ទៅដាក់នៅផ្នែកខាងក្រោយរបស់ស្មាតហ្វូនផងដែរ។ ស្មាតហ្វូនស៊េរីថ្មី OnePlus 5T នឹងប្រកាសចេញជាផ្លូវការនៅថ្ងៃទី 16 ខែវិច្ឆិកាខាងមុខនេះហើយ។

នៅពេលនេះមានរបាយការណ៍មួយបានបញ្ជាក់ថា ស្មាតហ្វូនស៊េរីថ្មី OnePlus 5T នឹងបង្ហាញខ្លួនជាមួយនឹងប្រព័ន្ធប្រតិបត្តិការ Android 7.1 Nougat។ ហើយនៅថ្ងៃនេះដែរ GFX Bench ក៏បានចែករំលែកព័ត៌មានបន្ថែមទៀតផង ដែលកាន់តែមានភាពលម្អិតជាងប្រភពពី Geekbench ដោយបញ្ជាក់ថា ស្មាតហ្វូនស៊េរីថ្មិ OnePlus 5T នឹងបំពាក់នូវរ៉េមទំហំ 8GB និងម៉េមូរីក្នុងម៉ាស៊ីនទំហំ 128GB។ ជាមួយនឹងទំហំផ្ទុកដ៏ធំនេះ អ្នកប្រើប្រាស់គឺទទួលបានទិន្នន័យត្រឹមតែ 111GB ប៉ុណ្ណោះ។ 

មើលតាមទិន្នន័យនេះគឺបានបញ្ជាក់យ៉ាងច្បាស់ថា ស្មាតហ្វូន OnePlus 5T ដំណើរការប្រព័ន្ធប្រតិបត្តិការ Nougat មិនមែនប្រព័ន្ធប្រតិបត្តិការ Oreo នោះទេ។ ហើយសម្រាប់លក្ខណៈសម្បត្តិរផ្សេងទៀតបស់ស្មាតហ្វូន OnePlus 5T គឺនឹងមានអេក្រង់ទំហំ 6 អ៊ីង មានកម្រិតភាពច្បាស់ 2,160x1,080 ភិចសែល ព្រមទាំងដំណើរការជាមួយនឹងបន្ទះឈីប Snapdragon 835 chipset ផងដែរ។ សម្រាប់កាមេរ៉ាខាងក្រោយរបស់ស្មាតហ្វនស៊េរីថ្មី OnePlus 5T វិញ គឺមានទំហំ 16 មេហ្កាភិចសែល មានសមត្ថភាព អាចថតវីដេអូនៅក្នុងកម្រិត 4K ស្របពេលដែលកាមេរ៉ាខាងមុខរបស់ស្មាតហ្វូននេះមានទំហំ 16 មេហ្កាភិចសែលដូចគ្នា តែអាចថតវីដេអូកម្រិត 1080p ប៉ុណ្ណោះ។ ទាក់ទងនឹងរបាយការណ៍ខាងលើនេះ ក៏មានប្រភពមួយចំនួនបានបញ្ជាក់ផងដែរថា ប្រព័ន្ធកាមេរ៉ាភ្លោះ ដែលបំពាក់នៅស្មាតហ្វូននេះ អាចថតនៅកន្លែងងងឹតបានយ៉ាងច្បាស់ បើទោះបីជាមានពន្លឺទាបក៏ដោយ៕

no-alternative title
ព័ត៌មានពាណិជ្ជកម្ម