ថ្មីៗនេះ ក្រុមហ៊ុន Vivo បានបង្ហាញចេញនូវស្មាតហ្វូនស៊េរីថ្មី Vivo V7 នៅក្នុងប្រទេសចិន។ នេះគឺជាស្មាតហ្វូនស៊េរីថ្មីដែលដូចគ្នាទៅនឹង Vivo V7 Plus ដែលមានលក្ខណៈដូចគ្នាគ្រាន់តែស្មាតហ្វូនថ្មីនេះ មានតម្លៃថោកជាង។ សម្រាប់ស្មាតហ្វូន Vivo V7 មានអេក្រង់ទំហំ 5.7 អ៊ីង កម្រិតភាពច្បាស់ HD+ (1440x720 ភិចសែល) IPS LCD Display ជាមួយនឹងអេក្រង់កម្រិត18:9 Aspect Ratio ដែលមានទំហំស្មើនឹង 83.6% បើធៀបទៅនឹងតួខ្លួនរបស់វា។ ស្មាតហ្វូននេះ ដំណើរការបន្ទះឈីប 1.8 GHz Snapdragon 450 បច្ចេកវិទ្យា 14nm រ៉េមទំហំ 4GB និងម៉េមូរីក្នុងម៉ាស៊ីនទំហំ 32GB (វាអាចប្រើប្រាស់ជាមួយនឹង microSD) បានថែមទៀតផង។
នៅផ្នែកខាងក្រោយរបស់ស្មាតហ្វូនស៊េរីថ្មីនេះ គឺមានភ្ជាប់ជាមួយនឹងកាមេរ៉ាខាងក្រោយទំហំ 16MP f/2.0 Aperture និងភ្លើង LED Flash ស្របពេលដែលកាមេរ៉ាខាងមុខរបស់ស្មាតហ្វូននេះមានទំហំ 24MP ។ ស្មាតហ្វូនស៊េរីថ្មីនេះ គឺបំពាក់មកជាមួយនឹងបច្ចេកវិទ្យា VivoFace Access (លោកអ្នកក៏ធ្លាប់ឃើញនៅលើស្មាតហ្វូន V7 Plus) រួមជាមួយនឹងបច្ចេកវិទ្យា Smart Beauty 7.0 ផងដែរ នេះបើតាមការបញ្ជាក់ពីក្រុមហ៊ុន Vivo។
ស្មាតហ្វូន Vivo V7 បំពាក់នូវថាមពលថ្មទំហំ 3000mAh មានប្រព័ន្ធស្កេនក្រយ៉ៅដៃនៅខាងក្រោយ ហើយនិងដំណើការប្រព័ន្ធប្រតិបត្តិការ Android 7.1 Nougat អមមកជាមួយនឹង Vivo Funtouch 3.2 UI ផងដែរ។ គួររំលឹកថា កាលពីពីរខែមុននេះ ក្រុមហ៊ុន Vivo បានចេញលក់ស្មាតហ្វូន V7 Plus មានអេក្រង់ទំហំ 6 អ៊ីង ម៉េមូរីក្នុងម៉ាស៊ីនទំហំ 64GB និងថាមពលថ្ម 3225mAh នៅក្នុងតម្លៃ $350 ក៏ប៉ុន្តែការចេញស្មាតហ្វូន Vivo 7 នៅពេលនេះ គឺមានតម្លៃត្រឹមតែ $300 ប៉ុណ្ណោះ។ ស្មាតហ្វូននេះ នឹងចាប់ផ្តើអដាក់លក់នៅក្នុងប្រទេសឥណ្ឌូនេស៊ី នៅថ្ងៃនេះដែលមានពីរពណ៌សម្រាប់ជ្រើសរើសគឺពណ៌ខ្មៅ និងពណ៌មាស ហើយវានឹងដាក់លក់នៅលើទីផ្សារពិភពលោកនៅក្នុងពេលឆាប់ៗនេះ៕