កាលពីឆ្នាំមុននេះ ក្រុមហ៊ុន Samsung បានធ្វើការនៅលើស្មាតហ្វូនស៊េរីថ្មីថ្នាក់ខ្ពស់មួយសម្រាប់ប្រទេសចិននោះ គឺម៉ូដែល SM-W2017 ដែលបានបង្ហាញខ្លួនជាផ្លូវការនៅក្នុងខែវិច្ឆិកាឆ្នាំ ទៅ។ ហើយថ្មីៗនេះ គេបានឃើញរូបភាពជាច្រើនរបស់ជំនាន់បន្ទាប់នៃត្រកូល SM នេះ នៅលើអនឡាញហើយមានការបញ្ជាក់ថា ស្មាតហ្វូនដែលអាចបត់បាននេះ នឹងមានការផ្លាស់ប្តូរទ្រុង់ទ្រាយមួយចំនួនផងដែរ។ នៅក្នុងរូបភាពបែកធ្លាយជាច្រើនរបស់ស្មាតហ្វូនស៊េរីថ្មី SM-W2018 ដែលយើងបានឃើញរូបរាងនៅពេលនេះ បានបង្ហាញអំពីការរចនារូបរាងយ៉ាងស្រស់ស្អាតអស្ចារ្យបំផុត។ ស្មាតហ្វូនជំនាន់ថ្មីនេះ មានការរចនារូបរាងជ្រុងកោងដែលធ្វើឱ្យស្មាតហ្វូននេះ មានរូបរាងកាន់តែស្រស់ស្អាត និងងាយស្រួលកាន់។
ស្មាតហ្វូននេះ ត្រូវបានប្រើប្រាស់នូវលោហធាតុភ្លឺរលោង និងផ្នែកខាងក្រោយធ្វើពីកញ្ចក់ ដែលពិតជាទាក់ទាញជាងស្មាតហ្វូនជំនាន់មុនៗ។ ការផលិតចេញស្មាតហ្វូននេះ ត្រូវបាន ក្រុមហ៊ុន Samsung សម្រេចបញ្ចេញនូវពណ៌ខ្មៅ និងពណ៌មាសដ៏ស្រស់ស្អាតបំផុត។ ហើើយនៅផ្នែកខាងក្រោយរបស់ស្មាតហ្វូនស៊េរីថ្មីនេះ គឺមានប្រើប្រាស់ប្រព័ន្ធស្កេនក្រយ៉ៅដៃ (Fingerprint Sensor) នៅជាប់ទន្ទឹមជាមួយនឹងប្រព័ន្ធកាមេរ៉ា ដែលមើលទៅ គឺមានលក្ខណៈដូចគ្នាទៅនឹងស្មាតហ្វូន Galaxy S8 និង Galaxy Note 8 អញ្ចឹងដែរ។ ស្មាតហ្វូននេះ ទទួលបានការចាប់អារម្មណ៍យ៉ាងល្អនៅក្នុងពេលនេះផងដែរ។
មើលតាមរូបភាពនេះ ស្មាតហ្វូន SM-W2018 ត្រូវបានគេរំពឹងថា នឹងមានអេក្រង់ពីរទំហំ 4.2 អ៊ីង Full HD Displays ហើយបន្ថែមពីនេះទៀត ស្មាតហ្វូននេះ ប្រើប្រាស់បន្ទះឈីប Snapdragon 835 processor រួមជាមួយនឹងរ៉េមទំហំ 6GB និងម៉េមូរីក្នុងម៉ាស៊ីនទំហំ 64GB ហើយនឹងមានកាមេរ៉ាខាងក្រោយទំហំ 12MP កាមេរ៉ាខាងមុខទំហំ 5MP ព្រមទាំងមានថាមពលថ្មទំហំតូចល្មមគឺ 2300mAh ។ ដោយសារតែស្មាតហ្វូនបត់បាន ជំនាន់មុននេះ បានបង្ហាញខ្លួននៅក្នុងខែវិច្ឆិកាឆ្នាំ ក្រុមហ៊ុន Samsung ប្រហែលជានឹងអាចប្រកាសបង្ហាញខ្លួននូវស្មាតហ្វូន SM-W2018 នៅក្នុងពេលឆាប់ៗនេះដូចគ្នា។ ស្មាតហ្វូននេះ នឹងមានតម្លៃប្រហែលជា $2000 នៅក្នុងប្រទេសចិន៕
