ថ្មីៗនេះ ដើម្បីសុវត្ថិភាពអ្នកប្រើប្រាស់ Samsung នៅតែបន្តប្រើប្រាស់នូវបំពង់បំភាយកំដៅសម្រាប់ស្មាតហ្វូនជាច្រើននៅឆ្នាំ 2018 ទោះបីមានតម្លៃថ្លៃក៏ដោយ។ នៅក្នុងពេលដែលក្រុមហ៊ុនបច្ចេកវិទ្យាស្មាតហ្វូនជាច្រើន បន្តនូវការផលិតស្មាតហ្វូនស៊េរីថ្មីរបស់ខ្លួន ដែលភ្ជាប់ជាមួយនឹងសមាសភាគដ៏ខ្លាំងក្លានោះ បំពង់នេះ នឹងជួយកាត់បន្ថយកំដៅ ហើយនិងផ្តល់នូវប្រព័ន្ធត្រជាក់ (Cooling Solutions) ដើម្បីជួយទប់ស្មាតហ្វូនទាំងនេះ កុំអោយកើនឡើងកំដៅនោះ។ នៅក្នុងរយៈពេល 2 ឆ្នាំកន្លងទៅនេះ ក្រុមហ៊ុនបច្ចេកវិទ្យាជាច្រើន បានធ្វើការផ្លាស់ប្តូរទៅលើដំណោះស្រាយនៃប្រព័ន្ធត្រជាក់នេះ ប៉ុន្តែបំពង់បំភាយកំដៅនេះ ត្រូវបានគេប្រើប្រាស់សម្រាប់តែផលិតផលថ្នាក់ខ្ពស់ប៉ុណ្ណោះ ដោយសារតែតម្លៃរបស់ឧបករណ៍នេះថ្លៃពេក។
ម្យ៉ាងវិញទៀត សម្រាប់ស្មាតហ្វូនថ្នាក់កណ្តាល និងថ្នាក់ទាប មិនត្រូវការនូវប្រព័ន្ធត្រជាក់នោះទេ ដោយសារតែវាមិនងាយកើនឡើងកំដៅនោះទេ។ ក្រុមហ៊ុន Samsung គឺជាអ្នកផ្គត់ផ្គង់នូវប្រព័ន្ធត្រជាក់ដំបូងបំផុត ដែលផ្អែកទៅលើបំពង់បំភាយខ្យល់នេះ។ នេះគឺជាប្រព័ន្ធត្រជាក់បំផុតសម្រាប់ស្មាតហ្វូន ហើយពាក្យចចាមអារ៉ាមនៅលើទីផ្សារអះអាងថា ក្រុមហ៊ុន Samsung នឹងឈប់ប្រើប្រាស់បច្ចេកវិទ្យានេះនៅក្នុងឆ្នាំ 2018 ។ យ៉ាងណាមិញ ប្រភពអះអាងថា ក្រុមហ៊ុនបច្ចេកវិទ្យារបស់ប្រទេសកូរ៉េខាងត្បូងនេះនឹងបន្តប្រើប្រាស់នូវដំណោះស្រាយនេះសម្រាប់ស្មាតហ្វូនជំនាន់ថ្មីជាច្រើនរបស់ខ្លួនផងដែរ។
ក្រុមហ៊ុនជាច្រើននៅក្នុងឧស្សាហកម្មស្មាតហ្វូននេះ កំពុងតែព្យាយាមយ៉ាងខ្លាំងទៅលើការរចនាម៉ូដមួយទៀតដែលពាក់ព័ន្ធទៅនឹងប្រព័ន្ធបញ្ចេញចំហាយនេះ។ នៅក្នុងការបំលែងកំដៅនេះគឺពិតជាមានប្រសិទ្ធិភាពជាងការប្រើប្រាស់នូវដំណោះស្រាយត្រជាក់ ប៉ុន្តែតម្លៃរបស់វានឹងខ្បស់ជាងនេះប្រសិនបើវារួចរាល់សម្រាប់ការផលិតទ្រង់ទ្រាយធំនោះ។ នៅផ្នែកខាងលើ ទំហំនៃការបញ្ចេញខ្យល់ចំហាយនោះ គឺជាបញ្ហាមួយទៀតដែលថា ក្រុមហ៊ុនផលិតស្មាតហ្វូនជាច្រើនចាប់ផ្តើមធ្វើការកែប្រែទៅលើដំណោះស្រាយថ្មី ហើយនេះ គឺជាហេតុផលដែលក្រុមហ៊ុន ចែកចាយចាច្រើនព្យាយាមកាត់បន្ថយទៅលើកម្រាស់នៃផលិតផលទាំងនេះ។ ប្រភពជាច្រើនអះអាងថា កន្លែងបញ្ចេញចំហាយប្រហែលជាបញ្ចប់រួចរាល់ដើម្បីប្រើប្រាស់នៅលើស្មាតហ្វូនក្នុងឆ្នាំ 2019 ប៉ុន្តែវាក៏អាស្រ័យទៅលើតម្លៃរបស់ស្មាតហ្វូននេះផងដែរ៕