ការបែកធ្លាយនៅក្នុងពេលថ្មីៗនេះៗ បានទម្លាយថា ស្មាតហ្វូនស៊េរីថ្មី Samsung Galaxy A5 (2018) និង Galaxy A7 (2018) មានលេខកូដម៉ូដែល SM-A530F និង SM-A730F ។ ស្មាតហ្វូនទាំងពីនេះ ប្រហែលជាបង្ហាញវត្តមានលឿនជាងសព្វដងដោយសារតែវវាបានទទួលវិញ្ញាបនបត្រពី Wi-Fi Alliance ហើយ។ វិញ្ញាបនបត្រ Wi-Fi សម្រាប់ស្មាតហ្វូនម៉ូដែល SM-A530F និង SM-A730F បានទមា្លយថា ស្មាតហ្វូនទាំងពីរម៉ូដែលនេះ នឹងប្រើប្រាស់នូវប្រព័ន្ធ Wi-Fi 802.11 a/b/g/ac ហើយវានឹងដំណើរការប្រព័ន្ធប្រតិបត្តិការ Android 7.1.1 Nougat ។ កាន់តែពិសេសជាងនេះទៀតនេះ ក្រុមហ៊ុន Samsung ក៏នឹងផ្តល់នូវមុខងារពិសេសៗជាច្រើនពីស្មាតហ្វូន Galaxy S ទៅលើស្មាតហ្វូន Galaxy A Series ។
ស្មាតហ្វូន Galaxy A (2017) ដូចជា Galaxy A3, Galaxy A5 និង Galaxy A7 ដែលបានបង្ហាញខ្លួនកាលពីខែមករាក្នលងទៅឆ្នាំនេះ បានដំណើរការប្រព័ន្ធប្រតិបត្តិការ Android Marshmallow ។ ក្រោយមកទៀតស្មាតហ្វូនទាំងនេះ បានធ្វើការអាប់ឌែតទៅកាន់ប្រព័ន្ធប្រតិបត្តិការ Android Nougat។ ក្រុមហ៊ុន Samsung ត្រូវបានគេរំពឹងថា នឹងប្រើប្រាស់យុទ្ធសាស្រ្តដូចគ្នាសម្រាប់ស្មាតហ្វូន Galaxy A5 (2018) និង Galaxy A7 (2018) ។ ស្មាតហ្វូនទាំងនេះ នឹងដំណើរការប្រព័ន្ធប្រតិបត្តិការ Android Nougat OS ហើយវាប្រហែលជាធ្វើការអាប់ឌែតទៅកាន់ Android Oreo នៅពាក់កណ្តាលឆ្នាំក្រោយនេះ។
ពេលេនះ ពាក្យចចាមអារ៉ាមជាច្រើនទម្លាយថា ស្មាតហ្វូន Galaxy A5 (2018) និង Galaxy A7 (2018) នឹងភ្ជាប់ជាមួយអេក្រង់ប្រភេទ Infinity Display ដូចគ្នាទៅនឹងស្មាតហ្វូន Galaxy S8 និង Galaxy Note 8 ផងដែរ។ ស្មាតហ្វូននេះ នឹងភ្ជាប់ជាមួយនឹងប្រព័ន្ធកាមេរ៉ាភ្លោះនៅផ្នែកខាងមុខ ហើយវានឹងមានប៊ូតុង Bixby ផងដែរ។ របាយការណ៍កាលពីមុននេះ បានទម្លាយថា ស្មាតហ្វូនទាំងពីរនេះ នឹងដំណើរការបន្ទះឈីប Exynos 7885 chipset ។ សម្រាប់ឆ្នាំ 2018 នេះ ស្មាតហ្វូន Galaxy A5 និង Galaxy A7 ទទួលបាននូវវិញ្ញាបនបត្រ FCC រួចមកហើយ។ ស្មាតហ្វូននេះ ក៏ទទួលវិញ្ញាបនបត្រ Bluetooth SIG ផងដែរ។ ស្មាតហ្វូន Galaxy A5 និង A7 ឆ្នាំ 2018 ប្រហែលជាប្រកាសបង្ហាញខ្លួននៅខែក្រោយនេះ ឬនៅដើមខែមករាឆ្នាំ 2018 ៕