no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Galaxy X ស្មាតហ្វូនជំនាន់ថ្មីរបស់ Samsung ដែលមានកាមេរ៉ា និងឧបាល័រជាប្រភេទថ្មី ដែលបង្ហាញអំពីគំនិតច្នៃប្រឌិត និងការរចនាប្លែកបំផុត

Samsung Galaxy X ទើបតែបានបង្ហាញខ្លួននៅលើអនឡាញ ដែលត្រូវបានគេទម្លាយ ដោយអ្នកបង្កើតថ្មី ឈ្មោះថា Concept Creator នៅលើបណ្តាញសង្គម YouTube ដែលបង្ហាញពីគំនិតនៃការរចនាកាន់ប្លែក។ នៅក្នុងចំណងជើងនៃវីដេអូនេះគឺដាក់ថា ‘Samsung Galaxy X គឺជាស្មាតហ្វូនដែលមានអេក្រង់ពេញលេញ?’ អ្វីដែលគួរឱ្យភ្ញាក់ផ្អើលនោះ គឺថាស្មាតហ្វូននេះ គឺជាប្រភេទស្មាតដែលអាចរុញ (Slide) បាន ដែល អនុញ្ញាតឱ្យលោកអ្នកធ្វើការលាក់ទៅលើឧបាល័រ និងកាមេរ៉ាខាងមុខរបស់វាបានថែមទៀត។

ការរចនាទៅលើស្មាតហ្វូន Samsung Galaxy X ត្រូវបានភ្ជាប់ជាមួយនឹងប្រព័ន្ធកាមេរ៉ាភ្លោះនៅផ្នែកខាងក្រោយហើយវា ក៏មានភ្លើង LED Flash ភ្លោះនៅចំហៀងផងដែរ។ ស៊ុមព័ទ្ធអេក្រង់មិនមាននៅចំហៀងរបស់វានោះទេ ប៉ុន្តែវាមាននៅផ្នែករុញខាងលើ និងខាងក្រោមរបស់ស្មាតហ្វូននេះ ដែលមានទំហំក្រាស់ជាងស្មាតហ្វូន Galaxy S8 និង Galaxy S8 Plus។ អេក្រង់របស់ស្មាតហ្វូននេះ មានជ្រុងកោង ហើយវាមានប្រព័ន្ធស្កេនក្រយ៉ៅដៃ Fingerprint Scanner នៅក្រោមអេក្រង់ផ្នែកខាងមុខតែម្តង។ បច្ចេកវិទ្យាសម្រាប់ស្មាតហ្វូននេះប្រហែលជាបង្ហាញខ្លួននៅក្នុងឆមាសទី 2 នៅឆ្នាំក្រោយនេះ។ 

ស្មាតហ្វូននេះ មានការរចនារូបរាងយ៉ាងស្រស់ស្អាតទាក់ទាញខ្លាំងណាស់ ប៉ុន្តែក្រុមហ៊ុន Samsung ប្រហែលជាមិនផលិតស្មាតហ្វូនរុញបែបនេះ នៅក្នុងពេលអនាគតនោះទេ ក៏ប៉ុន្តែបើយើងគំនិតនៃការរចនានេះ គឺពិតជាអស្ចារ្យ ហើយវាប្រហែលជាអាចត្រូវក្រុមហ៊ុនផលិតទូរស័ព្ទផ្សេងធ្វើការពិចារណាក៏ថាបានដែរ។ នៅក្នុងប្រភពនេះមិនបានទម្លាយអំពីលក្ខណៈសម្បត្តិរបស់ស្មាតហ្វូនស៊េរីថ្មីនេះនោះទេ ដោយសារតែនេះគ្រាន់តែជាគំនិតនៃការរចនាតែប៉ុណ្ណោះ៕

 

 

no-alternative title
ព័ត៌មានពាណិជ្ជកម្ម