នៅក្នុងវីដេអូផ្សព្វផ្សាយពាណិជ្ជកម្មរបស់ក្រុមហ៊ុន Apple សម្រាប់នាឡិកាស្មាតវ៉ច គឺមានរឿងរ៉ាវជាច្រើន ដែលជួយឱ្យអ្នកប្រើប្រាស់ទទួលបានជីវិតរស់នៅមួយកាន់តែប្រសើរឡើង។ លើសពីនេះ ទៅទៀត នាឡិកាឆ្លាតវៃនេះ ក៏ផ្តោតសំខាន់ទៅលើសកម្មភាពនៃការហាត់ប្រាណជារៀងរាល់ថ្ងៃ ប៉ុន្តែសម្រាប់រឿងនៅពេលនេះវិញ ពិតជាអស្ចារ្យរហូតទាល់តែនាយកប្រតិបត្តិរបស់ក្រុមហ៊ុន Apple លោក Tim Cook ចេញមកប្រតិកម្មផងដែរ។ ការលេងជិះក្តារស្គីនៅលើទឹកជាមួយនឹងនាឡិកាឆ្លាតវៃ Apple Watch 3 នៅលើកដៃរបស់គាត់ លោក John Zilles កំពុងតែជិះក្តានៅលើទឹករលកប្រហែលជាបានចំងាយមួយម៉ាយ៍ គាត់ក៏បានធ្លាក់ចូលទៅក្នុងទឹក។ បន្ទាប់មកគាត់មានរយៈពេលប្រហែលជា 2 ម៉ោង នៅក្នុងការហែកទឹកយឺតៗរួមជាមួយនឹងសម្លៀកបំពាក់ជិះក្តារស្គីលើទឹករលកមុនពេល ដែលគាត់ទៅដល់មាត់ច្រាំង។ គាត់និយាយថា នៅក្នុងដែនទឹកនៃតំបន់ Ventura នៃរដ្ឋកាលីហ្វញ៉ែរគាត់បានឃើញត្រីឆ្លាម។
គាត់បាននិយាយថា នៅពេលដែលគាត់បានក្រឡេកមើលទៅម៉ោងនៅលើនាឡិកាឆ្លាតវៃ Apple Watch របស់គាត់ ហើយរំពេចនោះ គាត់នៅចងចាំថាកាត់អាចប្រើប្រាស់ Voice Calls បាននៅលើនាឡិកាឆ្លាតវៃនេះ ដូច្នេះគាត់ ក៏ខលទៅកាន់គ្រួសាររបស់គាត់ ដើម្បីឱ្យពួកគេដឹងថា គាត់នឹងមកយឺត។ មិនបាច់និយាយទៀតនោះទេ គំនិតនៃការគិតថា ត្រីឆ្លាមហែលទឹកនៅជុំវិញតំបន់នោះកើតឡើង ហើយលោកដឹងថា លោកនៅសល់ពេលតែមួយម៉ោងទៀតប៉ុណ្ណោះ ដូចនេះ គាត់ក៏ខលទៅកាន់កូនប្រុសរបស់គាត់ឱ្យផ្តល់លេខឆ្មាំយាមសមុទ្រមកអោយគាត់។
លោកនិយាយថា “ខ្ញុំធ្លាប់ឃើញមនុស្សជាច្រើនទុកទូរស័ព្ទនៅក្នុងស្រោមការពារការជ្រាបទឹក ដើម្បីកុំឱ្យមានគ្រោះថ្នាក់ដល់ស្មាតហ្វូនរបស់ពួកគេ ដូចនេះនៅពេលដែលខ្ញុំពាក់នាឡិកា Apple Watch 3 នេះ ខ្ញុំគិតថានេះ ពិតជាអស្ចារ្យណាស់។ ប្រពន្ធរបស់ខ្ញុំផ្តល់ឱ្យខ្ញុំនូវផលិតផលបច្ចេកវិទ្យាជាច្រើនសម្រាប់ខ្ញុំ ប៉ុន្តែខ្ញុំបែរជាទុក ទូរស័ព្ទរបស់ខ្ញុំនៅផ្ទះវិញ។” នាឡិកាឆ្លាតវៃ Apple Watch 3 របស់គាត់ បានផ្តល់នូវមុខងារជាច្រើនសម្រាប់រូបគាត់ឱ្យផុតអំពីគ្រោះថ្នាក់នេះ ហើយ John Zilles ក៏ផ្ញើរបានអ៊ីម៉ែលទៅកាន់ក្រុមហ៊ុន Apple ដើម្បីបង្ហាញអំពីអារម្មណ៍នៃការស្រឡាញ់ និងកោតសរសើរចំពោះផលិតផលនេះ ហើយនាយកប្រតិបត្តិរបស់ក្រុមហ៊ុន Apple លោក Tim Cook និយាយថា “ពិតជាអស្ចារ្យណាស់! ពិតជាសប្បាយចិត្តមែនទែននៅពេលដែលអ្នកមានសុវត្ថិភាព៕”