ថ្មីៗនេះ ក្រុមហ៊ុន OnePlus បានបញ្ជាក់ថា ស្មាតហ្វូន OnePlus 5 ដែលដាក់លក់ជាផ្លូវការនៅថ្ងៃទី 5 ខែមិថុនា ឆ្នាំ 2017 កន្លងទៅនេះ នឹងផ្អាកការផលិតនៅក្នុងពេលដ៏ខ្លីខាងមុខនេះ។ ហេតុផលនៅពីក្រោយរឿងនេះ គឺដោយសារតែវត្តមានរបស់ស្មាតហ្វូនស៊េរីថ្មី OnePlus 5T បានមកដល់។ ក្រុមហ៊ុនបច្ចេកវិទ្យានេះ ទើបតែដាក់លក់ជាផ្លូវការនូវជំនាន់ ‘T’ របស់ស្មាតហ្វូនឆ្នាំមុននេះនៅក្នុងពេលថ្មីៗនេះផងដែរ។ ទាក់ទៅនឹងស៊េរី T ជំនាន់ថ្មី សហស្ថាបនិករបស់ក្រុមហ៊ុន OnePlus លោក Carl Pei បានទម្លាយថា គឺក្រុមហ៊ុននៅមិនទាន់មានគម្រោងក្នុងការប្រកាសបង្ហាញនូវស្មាតហ្វូន 6T នៅឡើយទេ។
លោក Pei បានបញ្ជាក់យ៉ាងដូច្នះថា ប្រសិនបើវាមានបច្ចេកវិទ្យាថ្មីគ្រប់គ្រាន់ នោះក្រុមហ៊ុន នឹងបញ្ចេញនូវស្មាតហ្វូនត្រកូល T ភ្លាម។ នេះមានន័យថា ការបញ្ចេញនូវស្មាតហ្វូនត្រកូល T នេះ មិនមែនជាយុទ្ធសាស្រ្តរយៈពេលយូររបស់ក្រុមហ៊ុននោះទេ ហើយក្រុមហ៊ុន ក៏មិនបង្ហាញវត្តមានរបស់ស្មាតហ្វូនត្រកូល T ជារៀងរាល់ឆ្នាំផងដែរ។ កាលពីឆ្នាំមុននេះ នៅក្នុងខែមិថុនា ក្រុមហ៊ុន OnePlus បានបង្ហាញវត្តមានរបស់ស្មាតហ្វូន OnePlus 3 ដំណើរការប្រព័ន្ធប្រតិបត្តិការ Snapdragon 820 chipset ។ ទោះជាយ៉ាងណាក៏ដោយ ក្រុមហ៊ុន Qualcomm ក៏ពង្រឹងនូវការប្រើប្រាស់បន្ទះឈីប Snapdragon 821 SoC នៅលើស្មាតហ្វូន OnePlus 3T ដែលបង្ហាញខ្លួននៅខែវិច្ឆិកា ឆ្នាំ 2016 ។
សូមជំរាបថា កន្លងមក បើទោះបីជាក្រុមហ៊ុនបច្ចេកវិទ្យា LG និង Samsung បានខិតខំបង្ហាញនូវវត្តមានរបស់ស្មាតហ្វូនជាច្រើន ដែលមានអេក្រង់ពេញលេញនៅក្នុងឆ្នាំនេះ ក៏ដោយ ក៏ស្មាតហ្វូន OnePlus 5 នៅតែមានការរចនារូបរាងដដែល។ រហូតមកដល់ពេលនេះ ដោយសារតម្រូវការអេក្រង់ពេញ បានក្រុមហ៊ុនបច្ចេកវិទ្យាជាច្រើន ចាប់ផ្តើមបញ្ចេញនូវស្មាតហ្វូន ដែលមានអេក្រង់ពេញលេញនៅក្នុងឆមាសទី 2 នៃឆ្នាំ 2017 នេះ។ ដូចនេះ ក្រុមហ៊ុន OnePlus ក៏បានសម្រេចបញ្ចញនូវស្មាតហ្វូន OnePlus 5 ដែលមានការរចនារូបរាងអេក្រង់ពេញលេញ ការពង្រឹងទៅលើប្រព័ន្ធកាមេរ៉ាភ្លោះ និងបច្ចេកវិទ្យា Face Unlock ផងដែរ។
និយាយដល់ស្មាតហ្វូន OnePlus 6T ក្រុមហ៊ុន OnePlus នៅមិនទាន់សម្រេចចិត្តនៅឡើយទេ។ ក្រុមហ៊ុន OnePlus ហាក់បីដូចជា នៅមិនទាន់មានអ្វីដែលថ្មីសម្រាប់ប្រើប្រាស់នៅលើស្មាតហ្វូន OnePlus 6 នៅឡើយទេ។ ស្មាតហ្វូន OnePlus 6 ប្រហែលជាធ្វើការអភិវឌ្ឍបន្តិចម្តងៗ នៅឆ្នាំក្រោយនេះ។ ស្មាតហ្វូននេះនេះ នឹងមានអេក្រង់ពេញលេញដូចគ្នាទៅនឹងស្មាតហ្វូន OnePlus 5T ដែរ គ្រាន់តែវានឹងប្រើប្រាស់បន្ទះឈីប Snapdragon 845 chipset និងការពង្រឹងទៅលើប្រព័ន្ធកាមេរ៉ាភ្លោះប៉ុណ្ណោះ៕