កាលពី 2 ខែមុននេះ ក្រុមហ៊ុនបច្ចេកវិទ្យា HMD Global ប្រកាសបង្ហាញនូវស្មាតហ្វូនស៊េរីថ្មី Nokia 7 ដែលជាស្មាតហ្វូនថ្នាក់កណ្តាលនៅចន្លោះស្មាតហ្វូន Nokia 6 និង Nokia 8 ។ ស្មាតហ្វូន ពណ៌ខ្មៅរបស់ Nokia 7 ចាប់ផ្តើមដាក់លក់ហើយកាលពីខែមុននេះ ហើយវាក៏អស់ពីស្តុកភ្លាមៗត្រឹមតែរយៈពេលប៉ុន្មាននាទីប៉ុណ្ណោះ។ ឥឡូវនេះ ក្រុមហ៊ុនបច្ចេកវិទ្យានេះ ចាប់ផ្តើមដាក់លក់ស្មាតហ្វូនពណ៌សរបស់ Nokia 7 ហើយ។ ស្មាតហ្វូននេះ បានចាប់ផ្តើមទទួលយកនូវការកម្មង់ទិញមុននៅលើក្រុមហ៊ុនលក់រាយ JD.com ហើយនឹងចាប់ផ្តើមដឹកជញ្ជូននៅថ្ងៃទី 12 ខែធ្នូខាងមុខនេះ។ ដើម្បីធ្វើការកម្មង់ទិញមុនស្មាតហ្វូនស៊េរីថ្មីនេះ លោកអ្នកត្រូវធ្វើការកក់ប្រាក់ចំនួន 99 យ័ន (ប្រហែលជា $15) ជាមុនសិន។
ស្មាតហ្វូន Nokia 7 ពណ៌សគឺមានតម្លៃ 1999 យ័ន (ប្រហែលជា $302) សម្រាប់រ៉េមផ្ទុកទិន្នន័យទំហំ 4GB និងម៉េមូរីក្នុងម៉ាស៊ីនទំហំ 64GB។ សម្រាប់ រ៉េមទំហំ 6GB នៅមិនទាន់មាននៅឡើយទេ។ អ្វីដែលគួរឱ្យចាប់អារម្មណ៍នោះ ស្មាតហ្វូន Nokia 7 ពណ៌ខ្មៅដែលដាក់លក់កាលពីខែមុននេះគឺមានតម្លៃចាប់ពី 2499 យ័ន។ ខណៈពេលដែលពណ៌ទាំងពីររបស់ស្មាតហ្វូននេះភ្ជាប់ជាមួយនឹងតួខ្លួនធ្វើពីកញ្ចក់ ក្រុមហ៊ុន HMD Global និយាយថា ស្មាតហ្វូននេះពិតជាធ្វើឱ្យអ្នកប្រើប្រាស់មានអារម្មណ៍ប្លែកតែម្តង។ យោងតាមការបញ្ជាក់របស់ក្រុមហ៊ុននេះ ផ្នែកខាងក្រោយរបស់ស្មាតហ្វូននេះគឺពិតជាស្រស់ស្អាត និងកក់ក្តៅមែនទែននៅពេលដែលកាន់ស្មាតហ្វូននេះនៅក្នុងដៃ។ ស្មាតហ្វូន Nokia 7 មានអេក្រង់ទំហំ 5.2 អ៊ីញអេក្រង់ IPS LCD Display ដែលទ្រទ្រង់នូវកម្រិត Full HD Screen 1,920x1,080 ភិចសែល។ អេក្រង់នេះត្រូវការពារដោយកញ្ចក់ Gorilla Glass 3 ខណៈពេលដែលផ្នែកខាងក្នុងរបស់ស្មាតហ្វូននេះប្រើប្រាស់នូវបន្ទះឈីប Qualcomm‘s Snapdragon 630 processor ដែលមានល្បឿន 1.8GHz និងរ៉េមទំហំ 4GB ។
ស្មាតហ្វូននេះ ប្រើប្រាស់ម៉េមូរីក្នុងម៉ាស៊ីនទំហំ 64GB និងរន្ធដោត microSD ទំហំ 128GB ។ ស្មាតហ្វូននេះប្រើប្រាស់កាមេរ៉ាទំហំ 16MP ដែលភ្ជាប់ជាមួយនឹង f/1.8 aperture និង ZEISS lens ។ ចំនែកកាមេរ៉ាខាងមុខនេះទំហំ 5MP ភ្ជាប់ជាមួយនឹង f/2.0 Aperture និងកម្រិតមើល 84 ដឺក្រេ។ស្មាតហ្វូននេះភ្ជាប់ជាមួយនឹង Dual-Sight mode ដែលអាចធ្វើការថតរូបបានដោយប្រើប្រាស់កាមេរ៉ាខាងមុខ និងខាងក្រោយបានក្នុងពេលជាមួយគ្នា។ សម្រាប់ផ្នែក Connectivity វិញ ស្មាមតហ្វូននេះមាន SB-C port, 3.5mm audio jack, Cat. 6 LTE modem, Wi-Fi 802.11ac, v5.0 Bluetooth, NFC និង GPS ។ ស្មាតហ្វូននេះដំណើរការប្រព័ន្ធប្រតិបត្តិការ Android 7.1.1 Nougat និងថាមពលថ្ម 3000mAh ៕
