បន្ទាប់ពីក្រុមហ៊ុន Samsung បានបញ្ចេញទូរស័ព្ទ Galaxy S9 របស់ខ្លួន នៅសហរដ្ឋអាមេរិក និងនៅជុំវិញពិភពលោក ត្រូវបានគេរកឃើញថា ស្មាតហ្វូនជំនាន់ថ្មីនេះ គឺមានអត្ថប្រយោជន៍មួយខ្លាំងជាង iPhone X នោះ គឺល្បឿនដោនឡូត ។ ឥឡូវនេះ Samsung បាននឹងកំពុងតែប្រើប្រាស់ចំណុចមួយនេះ អោយក្លាយទៅជាគំនិតសំខាន់មួយនៅក្នុងវីដេអូផ្សាយពាណិជ្ជកម្មចុងក្រោយបំផុតរបស់ខ្លួន។
នៅក្នុងវីដេអូថ្មីនេះ ក្រុមហ៊ុន Samsung បានព្យាយាមបង្កើតបទពិសោធន៏ ដែលបានរកឃើញនៅក្នុងហាង Apple Store ដែលមានអ្នកកំពុងបង្ហាញអតិថិជននូវសក្តានុពល ដែលគួរឲ្យចាប់អារម្មណ៍លើទូរស័ព្ទ iPhone X ហើយ នៅក្នុងវិដេអូ មានមនុស្សស្រីម្នាក់ ទំនងជាចង់ទិញ iPhone X ប៉ុន្តែនាងដឹងថា "ល្បឿននៃដោនឡូដរបស់ស្មាតហ្វូននេះ មិនលឿនជាង Galaxy S9 នោះទេ" ហើយនាង ក៏បានប្រាប់រឿងនេះ ទៅបុគ្គលិក Apple ដែលធ្វើឱ្យបុគ្គលិកមានការ ភ័ន្តច្រឡំបន្តិច ហើយបុគ្គលិករូបនោះ ហាក់ដូចជាមិនដឹងពីរបៀបឆ្លើយ។ ពេលោះ នាង បានស្នើនូវប្រភេទនៃ ចម្លើយ មួយចំនួនដោយប្រយោល។
ហើយចុងបញ្ចប់វីដេអូនេះ នាងក៏បានផ្តល់ដំបូន្មានដល់អ្នកប្រើទូរស័ព្ទ iPhone ដោយយើងមិនដឹងថា នឹងមានអ្វីដែល នឹងកើតឡើងទេ ប្រសិនបើស្ថានភាពស្រដៀងគ្នានេះ កើតឡើងនៅ Apple Store។ បើតាមដឹងភាគច្រើនប្រហែលជា មិនកើតឡើង។ ទោះយ៉ាងណាក៏ដោយ តាមទស្សនៈអ្នកប្រើប្រាស់ ដែលមិនមែនជាអ្នកគាំទ្រនៃយីហោពិសេសនេះ អាចនឹងគិតថា វីដេអូនេះ គឺគួរឱ្យអស់សំណើច។
គួរបញ្ជាក់ថា ការបញ្ចេញវីដេអូនេះ គឺមិនមែនជាលើកទីមួយទេ នៅពេលដែលក្រុមហ៊ុន Samsung ទទួលបានការចាប់ អារម្មណ៍យ៉ាងខ្លាំង ពីក្រុមហ៊ុន Apple នៅក្នុងការលក់ទូរស័ព្ទ Galaxy របស់ខ្លួន ហើយយើងប្រាកដណាស់ថា នេះមិន មែនជាពេលវេលាចុងក្រោយទេ។ យើងនឹងរង់ចាំមើលថាតើ ក្រុមហ៊ុន Samsung និង Apple នឹងបញ្ចេញវីដេអីឌឺដងគ្នាថ្មីទៀត ក្រោយវត្តមានទូរស័ព្ទដែលមានតម្លៃខ្ពស់បំផុតនៅឆ្នាំក្រោយនេះ គឺ Galaxy Note 9 និង iPhone 2018 ៕
