ថ្មីៗនេះ មានព័ត៌មានថ្មីៗជាច្រើនបានបង្ហាញថា នៅក្នុងខែសីហាខាងមុខនេះ ក្រុមហ៊ុន Meizu បានត្រៀមបង្ហាញស្មាតហ្វូនស៊េរីថ្មី Meizu 16 និង Meizu 16 Plus មុនពេលដែលស្មាតហ្វូននេះ ហើយព័ត៌មានលម្អិតរបស់ស្មាតហ្វូននេះ ក៏បានបែកធ្លាយនៅលើអនឡាញផងដែរ ដែលបង្ហាញថា ស្មាតហ្វូននេះ មានភ្ជាប់ជាមួយនឹងប្រព័ន្ធកាមេរ៉ាខាងក្រោយភ្លោះ ដែលមាន ទំហំ 12MP ដែលភ្ជាប់ជាមួយនឹងកម្រិត Apreture f/1.8 ថែមទៀតផង។ បន្ថែមពីនេះទៀតនោះ ក៏មានការបញ្ជាក់ថា ប៊ូតុង mBack នឹងមានការរចនាកំណែថ្មីយ៉ាងស្រស់ស្អាតផងដែរ។
ថ្មីៗនេះ លោក Jack Wong ដែលជានាយកប្រតិបត្តិរបស់ក្រុមហ៊ុន Meizu បានចែករំលែកនូវរូបភាពគំរូនៃកាមេរ៉ាជាច្រើនរបស់ស្មាតហ្វូន Meizu 16។ សម្រាប់រូបភាពរបស់ស្មាតហ្វូននេះ គឺពិតជាទាក់ទាញមែនទែន ហើយវាមានពណ៌ស្រស់ស្អាត និងធម្មជាតិបំផុត។ ជាមួយគ្នានេះ ក្រុមហ៊ុនបច្ចេកវិទ្យានេះ ទំនងប្រហែលជានឹងបង្ហាញនូវមុខងារថ្មីយ៉ាងស្រស់ស្អាតថែមទៀតផង។
ក្រុមហ៊ុន Meizu ត្រូវបានគេរំពឹងថា នឹងប្រកាសចេញនូវស្មាតហ្វូនចំនួន 2 ម៉ូដែលត្រកូល Meizu 16 series ដែលរួមានMeizu 16 និង Meizu 16 Plus ហើយស្មាតហ្វូនទាំងពីរម៉ូដែលនេះ គឺមានគែមស្តើងបំផុតសម្រាប់ប្រើប្រាស់ ហើយស្មាតហ្វូននេះមិនមានភ្ជាប់ជាមួយនឹង Notch Display នោះទេ។ ស្មាតហ្វូននេះ ប្រើប្រាស់នូវបន្ទះឈីប Qualcomm‘s Snapdragon 845 octa-core processor ដែលមានល្បឿន 2.8GHz ។ នេះគឺជាបន្ទះឈីបដែលប្រើប្រាស់នៅលើស្មាតហ្វូនប្រណិតៗជាច្រើនដែលបង្ហាញខ្លួននៅឆ្នាំនេះ។
លោកនាយកប្រតិបត្តិរូបនេះ បានទម្លាយថា នៅលើស្មាតហ្វូន Meizu 16 នឹងមានរ៉េមទំហំ 8GB+128GB។ ស្មាតហ្វូននេះនឹងប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ under-display fingerprint sensor រួមជាមួយនិងបច្ចេកវិទ្យា wireless charging ផងដែរ។ ស្មាតហ្វូនម៉ូដែលថ្មីមួយទៀតឈ្មោះថា Meizu X8 ដែលជាស្មាតហ្វូនថ្នាក់កណ្តាលដែលប្រើប្រាស់នូវបន្ទះឈីប Snapdragon 710 processor ប៉ុន្តែវាមិនប្រើប្រាស់នូវបច្ចេកវិទ្យាស្កេនក្រយ៉ៅដៃក្រោមអេក្រង់នោះទេ in-display fingerprint sensor។
ថ្មីៗនេះ លោក Jack Wong នាយកប្រតិបត្តិរបស់ក្រុមហ៊ុន Meizu បានបញ្ជាក់ថា ស្មាតហ្វូន Meizu 16 ស៊េរីថ្មីនេះ មានតម្លៃមិនមានថ្លៃជាង 4000 Yuan ប្រហែលជា $514 នោះទេ ស្របពេលដែលស្មាតហ្វូន Meizu X8 ត្រូវគេដឹងថា នឹងមានតម្លៃចន្លោះពី 1,500-2,000 Yuan ($226-300)។ លោក Jack Wong បានទម្លាយថា ស្មាតហ្វូន Meizu 16 នឹងប្រកាសបង្ហាញខ្លួននៅថ្ងៃទី 26 ខែសីហានេះ ប៉ុន្តែក្រុមហ៊ុននៅមិនទាន់ទម្លាយអំពីថ្ងៃប្រកាសបង្ហាញខ្លួនជាផ្លូវការនោះទេ៕