ថ្មីៗនេះ ក្រុមហ៊ុន MediaTek ទើបតែប្រកាសចេញនូវបន្ទះឈីបថ្មី Helio A SoC សម្រាប់ប្រើប្រាស់នៅលើស្មាតហ្វូនថ្នាក់ទាប និងថ្នាក់កណ្តាលជាច្រើនស៊េរី ហើយសម្រាប់ផលិតផលដំបូងបំផុត ដែលប្រើប្រាស់នូវបន្ទះឈីបថ្មីនេះគឺនៅលើស្មាតហ្វូនរបស់ក្រុមហ៊ុន Xiaomi។ ក្រុមហ៊ុន MediaTek បានបញ្ជាក់ថា ការបង្កើតនូវបន្ទះឈីបជំនាន់ថ្មីរបស់ត្រកូល Helio P series SoCs នេះ ក្រុមហ៊ុន ក៏បានសម្រេចនូវបន្ទះឈីប Helio A series ថ្មីបំផុត ដែលនឹងនាំយកនូវមុខងារកាន់តែអស្ចារ្យសម្រាប់អ្នកប្រើប្រាស់ក្នុងការចូលទៅដំណើរការស្មាតហ្វូននេះជាមួយនឹងល្បឿនកាន់តែលឿន ហើយតម្លៃគឺកាន់តែពិសេសតែម្តង។
បន្ទះឈីប Helio A22 នឹងមានភ្ជាប់ជាមួយនឹងអង្គគណនា ARM Cortex-A53 ចំនួន 4 គ្រាប់ដែលមានល្បឿន 2.0GHz ជាមួយនឹងក្រាហ្វិកកាត IMG PowerVR GE-class GPU និងម៉េមូរី LPDDR4x memory ល្បឿនលឿន ឬ LPDDR3។ ជាមួយនឹងការភ្ជាប់ជាមួយនឹងមុខងារកាមេរ៉ាកម្រិតខ្ពស់ និងបច្ចេកវិទ្យា AI ដែលមានការប្រើប្រាស់ថាមពលកាន់តែតិចជាងមុននោះ បន្ទះឈីបថ្មី Helio A series នេះ គឺផ្តល់នូវល្បឿនលឿនក្នុងការដំណើរការយ៉ាងអស្ចារ្យ ហើយវាក៏មានមុខងារជាច្រើនទៀតថ្មីៗផងដែរ នេះបើតាមការបញ្ជាក់របស់ក្រុមហ៊ុន MediaTek នោះ។
បន្ទះឈីបថ្មី Helio A22 ត្រូវបង្កើតឡើងដោយប្រើប្រាស់នូវបច្ចេកវិទ្យា 12nm FinFET fabrication technology ។ បច្ចេកវិទ្យា MediaTek CorePilot technology គឺជាស្នូលដ៏សំខាន់សម្រាប់បន្ទះឈីប SoC នេះក្នុងការពង្រឹងទៅលើការគ្រប់គ្រងកំដៅ និងការគ្រប់គ្រងទៅលើ UX ដើម្បីដំណើរការទៅលើអង្គគណនា CPU cores នៅក្នុងកម្រិតហ្វ្រេកង់ និងវ៉ុលជាក់លាក់ត្រឹមត្រូវនោះ។ បន្ទះឈីប Helio A22ភ្ជាប់ជាមួយនឹងមុខងារ AI ដែលអាចប្រើប្រាស់នៅក្នុងកម្មវិធី MediaTek NeuroPilot software development kit (SDK) extensions និងកម្មវិធី third-party AI applications ជាច្រើនថែមទៀត។
បន្ថែមពីនេះទៀតនោះ បន្ទះឈីបថ្មី Helio A22 របស់ក្រុមហ៊ុន MediaTek ក៏ទ្រទ្រង់នូវកាមេរ៉ាភ្លោះទំហំ 13+8 MP ជាមួយនឹងកម្រិត 30 frames per second (FPS) និងកាមេរ៉ាមួយគ្រាប់ដែលមានទំហំដល់ទៅ 21MP ថែមទៀត។ ក្រុមហ៊ុនផលិតឧបករណ៍ប្រើប្រាស់អាចបង្កើតនូវឧបករណ៍ថ្មី ដែលមានការទ្រទ្រង់អេក្រង់ទំហំ 20:9 HD+ display ជាមួយនឹងបន្ទះឈីប Helio A22 នេះបានផងដែរ។ បន្ទះឈីបថ្មីនេះ ក៏ទ្រទ្រង់នូវ AI frameworks ដែលរួមមាននូវ Google Android Neural Networks API (Android NNAPI) ដូចនេះអ្នកអភិវឌ្ឍកម្មវិធីអាចធ្វើការបង្កើតនូវកម្មវិធី AI applications សម្រាប់ដំណើរការជាមួយនឹងឧបករណ៍ដែលប្រើប្រាស់នូវបន្ទះឈីប Helio A22 នេះផងដែរ។ បន្ទះឈីប Helio A series ពេលនេះ ក៏ត្រូវប្រើប្រាស់នៅលើស្មាតហ្វូនមួយចំនួនផងដែរ។ បន្ទះឈីប Helio A22 ប្រើប្រាស់នៅលើស្មាតហ្វូន Xiaomi Redmi 6A នៅក្នុងប្រទេសចិន នេះបើតាមការបញ្ជាក់របស់ក្រុមហ៊ុន MediaTek៕