ចាប់តាំងពីលោក Jay Lee អនុប្រធានអគ្គនាយករបស់ក្រុមហ៊ុន Samsung ត្រូវដោះលែងចេញពីពន្ធធនាគារបន្ទាប់ពីការរួចបណ្តឹងដោយជោគជ័យ ពេលនេះ លោកត្រូវបានគេរាយការណ៍ថា កំពុងតែផ្តោតទៅលើវិស័យស្មាតហ្វូនរបស់ក្រុមហ៊ុនពេញលេញរួមមានការបញ្ចូលគ្នានៃស្មាតហ្វូនត្រកូល Galaxy Note និង Galaxy S Series ដើម្បីបង្កើតអាវុធថ្មី កាន់តែខ្លាំងថែមទៀត។ ការគ្រប់គ្រងក្រុមហ៊ុន Samsung នៅក្នុងទីផ្សាររបស់ស្មាតហ្វូនរបស់លោកនោពេលនេះ គឺស្ថិតនៅក្រោមការគំរាមកំហែងដោយសារតែការកើនឡើងរបស់ក្រុមហ៊ុនបច្ចេកវិទ្យារបស់ចិនជាច្រើន។
ផ្នែកមួយនៃយុទ្ធសាស្រ្តរបស់ក្រុមហ៊ុន បានធ្វើការប្រជុំជាច្រើនជាមួយនឹងដៃគូសហការទាក់ទងជាមួយនឹងការរួមបញ្ចូលគ្នារវាងស្មាតហ្វូនទាំងពីរស៊េរីគឺ Galaxy S និង Galaxy Note អោយទៅជាផ្នែកតែមួយនោះ។ នេះគឺដោយសារតែវាមានការត្រួតស៊ីគ្នារវាងស្មាតហ្វូនទាំងពីរស៊េរីនោះ។ ជាក់ស្តែង ក្រុមហ៊ុនបច្ចេកវិទ្យានេះ ក៏ពិចារណាក្នុងការបោះបង់ចោលនូវស្មាតហ្វូនត្រកូល Galaxy Note-series និងសម្រេចចិត្តយកស្មាតហ្វូន Galaxy S-series គឺជាប្រភេទម៉ូដែលកម្រិតខ្ពស់ប្រណិតរបស់ខ្លួននោះ។ ស្មាតហ្វូននេះ អាចនឹងធ្វើការជំនួសទៅលើស្មាតហ្វូន Galaxy Note 10 នៅឆ្នាំក្រោយនេះ ហើយស្មាតហ្វូន Galaxy S10+ និងប្រើប្រាស់ជាមួយនឹងប៊ិក S Pen ផងដែរ។
វត្តមាននៃអាវុធថ្មីនេះ នឹងអាចធ្វើឱ្យក្រុមហ៊ុនចំណេញទឹកប្រាក់បានច្រើនរាប់លានដុល្លារអាមេរិកនៅក្នុងការអភិវឌ្ឍន៍ និងការផលិត រួមនិងការធ្វើទីផ្សារ។ ថ្មីៗនេះ មានរបាយការណ៍ជាច្រើន បានបញ្ជាក់អំពីស្មាតហ្វូន Galaxy S10 series ដែលនឹងមាន 3 ស៊េរីម៉ូដែល គឺដោយសារតែវាមានការច្របាច់បញ្ចូលគ្នារវាងត្រកូល Note ចូលទៅក្នុងប្រភេទ S-series។ ប៉ុន្តែទោះជាយ៉ាងណាក៏ដោយ ក៏មានម៉ូដែលប្រភេទ anniversary edition សម្រាប់ស្មាតហ្វូន S10 ផងដែរ។ ក្រុមហ៊ុនបច្ចេកវិទ្យារបស់ប្រទេសកូរ៉េខាងត្បូងនេះ នឹងប្រកាសចេញនូវស្មាតហ្វូន Galaxy Note 9 នៅខែក្រោយនេះ នៅក្នុងទីក្រុងញ៉ូវយ៉កនៅថ្ងៃទី 9 ខែសីហានេះ។
ស្មាតហ្វូននេះ មានអេក្រង់ទំហំ 6.3-inch S-AMOLED Infinity Display និងបន្ទះឈីប Snapdragon 845 នៅក្នុងសហរដ្ឋអាមេរិក កាណាដា អាមេរិកឡាទីន ចិន ហុងកុង និងជប៉ុន ស្របពេលដែលទីផ្សារនៅពិភពលោកនឹងប្រើប្រាស់នូវបន្ទះឈីប Exynos 9810។ ស្មាតហ្វូននេះ នឹងប្រើប្រាស់នូវរ៉េមទំហំ 6GB និងម៉េមូរីក្នុងម៉ាស៊ីនទំហំ 128GB ផងដែរ។ ស្មាតហ្វូននេះនឹងប្រើប្រាស់នូវប្រព័ន្ធកាមេរ៉ាភ្លោះជាមួយនឹង Aperture ផ្សេងគ្នា និងការប្រើប្រាស់ថាមពលថ្ម 4,000mAh។ ស្មាតហ្វូននេះមាន RAM ទំហំ 8GB និងម៉េមូរីក្នុងម៉ាស៊ីនទំហំ 256GB/512GB ផងដែរ។
តាមការបញ្ជាក់នៅក្នុងរបាយការណ៍នេះ អោយដឹងទៀតថា ក្រុមហ៊ុន Samsung គ្រោងនឹងផលិតនូវស្មាតហ្វូន Galaxy Note 9 ចំនួន 7.5 លានគ្រឿងផងដែរ។ ក្រុមហ៊ុននឹងធ្វើការផលិតនូវស្មាតហ្វូនចំនួន 2.5 លានគ្រឿងនៅក្នុងមួយខែសម្រាប់រយៈពេល 3 ខែដំបូងចេញពីខែកក្កដាដល់ខែកញ្ញា។ ចាប់ពីខែតុលាទៅដល់ខែធ្នូនោះ ក្រុមហ៊ុននេះក៏មានគម្រោងក្នុងការនាំចេញស្មាតហ្វូនចំនួន 4.5 លានគ្រឿង(ប្រហែលជា 1.5 លានគ្រឿងក្នុងមួយខែ)។ នៅក្នុងរបាយការណ៍នេះក៏មានការបន្ថែមថា គម្រោងក្នុងការនាំចេញសម្រាប់ខែតុលាទៅកាន់ខែធ្នូនេះប្រហែលជាផ្អែកទៅលើចំនួននៃការលក់ដំបូងរបស់ខ្លួន៕