នៅក្នុងកំឡុងពេលដែក ទីផ្សារកំពុងតែមានការពេញនិយមទៅលើការរចនាស្ទាយ៍កាន់តែថ្មី សម្រាប់រថយន្តស៊េរីទំនើបនោះ ពេលនេះ រថយន្តស៊េរីថ្មី Mini John Cooper បានចាប់ផ្តើមបង្ហាញខ្លួនជាមួយនឹងពណ៌ទឹកក្រូច(Orange Edition) សម្រាប់ការលក់ជាលក្ខណៈអន្តរជាតិ។ នៅក្នុងការបង្ហាញខ្លួននៅក្នុងការចាប់ផ្តើមនៃរថយន្ត Mini Takes the States Rally នេះ គឺមានម៉ូដែលដ៏ពិសេសមួយ ដែលផ្អែកទៅលើរថយន្ត JCW ដែលប្រើប្រាស់នូវកម្លាំងម៉ាស៊ីន 2.0-liter turbo ជាមួយនឹងកម្លាំង 228 សេះ។
តាមរយៈរូបរាងដ៏ល្អឥតខ្ចោះរបស់រថយន្តនេះ មានការប្រើប្រាស់នូវពណ៌ខ្មៅសម្រាប់ដៃកាន់ទ្វារបើករថយន្តផងដែរ។ Mini John Cooper ប្រើប្រាស់នូវកង់រថយន្តទំហំ 19 អ៊ីង នេះគឺមានពណ៌ប្រផេះ ហើយសម្រាប់កញ្ចក់របស់វាគឺជាប្រភេទ Carbon Fiber ហើយនឹងមានប្រើប្រាស់នូវដំបូល Panoramic Roof រួមជាមួយនឹងប្រព័ន្ធសំលេង Harman Kardon Audio Ssystem ព្រមទាំងមានអេក្រង់ Head-Up Display ថែមទៀតផង។
លោក Randy Clements ដែលជាប្រធានផ្នែកផលិតផលអន្តរជាតិរបស់ក្រុមហ៊ុន Mini នៅសហរដ្ឋអាមេរិក បានបញ្ជាក់ថា “សម្រាប់ពណ៌ទឹកក្រូចលក្ខណៈអន្តរជាតិនេះ គឺជាពណ៌ដ៏អស្ចារ្យដែលក្រុមវិស្វករ និងក្រុមផលិតគ្រឿងរចនាឡើងសម្រាប់រថយន្តនេះ។ ការប្រើប្រាស់ពណ៌នេះ គឺផ្តាច់មុខសម្រាប់រថយន្ត MINI John Cooper ហើយរថយន្តពណ៌ននេះ នឹងបង្ហាញខ្លួននៅក្នុងហ្វូងមនុស្សនៅ MINI Takes the States! ថែមទៀត” នៅឆ្នាំនេះ រថយន្តនេះ ក៏មានការដាក់តាំងបង្ហាញនៅក្នុងទីក្រុង Portland, Oregon និង Miami នៅរដ្ឋ Florida ផងដែរ។
រថយន្តនេះ នឹងបង្ហាញខ្លួននៅក្នុងទីក្រុង Keystone ក្នុងរដ្ឋ Colorado នៅខែក្រោយនេះ ហើយវាអាចរកទិញបាននៅរដូវស្លឹកឈើជ្រុះខាងមុខនេះ។ តើលោកអ្នកចង់ទិញរថយន្តនេះដែរឬទេ? តម្លៃរបស់វាគឹប្រហែល $39,900 ៕