យោងតាមការចេញផ្សាយរបស់សារព័ត៍នានា បានអោយនិយាយថា នាយកប្រតិបត្តិក្រុមហ៊ុន Meizu លោក Jack Wong នឹងប្រកាសស្មាតហ្វូនជំនាន់ថ្មី ដែលហៅថា Meizu 16 នៅថ្ងៃទី 26 ខែសីហាហើយ។ គិតចាប់ពីថ្ងៃនេះ គឺមានរយៈពេលជាងមួយខែ នឹងមានការបង្ហាញស៊េរីនេះ ប៉ុន្តែអ្នកប្រើបណ្តាញ Weibo បានបង្ហាញផ្នែកខាងមុខ នៃ Plus-Sized នៃស្មាតហ្វូននេះហើយ។ ស្មាតហ្វូនជំនាន់ថ្មីនេះ នឹងមិនមានហ្គេម bezels នៅលើចំហៀងឡើយ និងស្តើងខ្លាំងណាស់ នៅចុងខាងលើ និងខាងក្រោម។
បន្ទះកញ្ចក់របស់ Meizu 16 Plus ដែលបែកធ្លាយនេះ ត្រូវបានគេដឹងថា អាចចេញមកពីរោងចក្រផលិតគ្រឿងបន្លាស់មួយនៅក្នុងប្រទេសចិន។ ទំហំអេក្រង់នេះ ត្រូវបានគេប្រៀបធៀបជាមួយនឹង Oppo Find X។ ស្មាតហ្វូននេះ ត្រូវបានគេតំឡើងជាមួយនឹងកាមេរ៉ា ដែលអាចដកចេញមានកម្ពស់ 156,7 មម និងទទឹង 74,2 ម។ ប៉ុន្តែ បើពិនិត្យមើលរូបភាព Meizu 16 Plus នឹងទំនងជាមិនមានកំពស់ខ្ពស់ជាង 160 មីលីម៉ែត្រ និងមិនលើសពី 76 មីលីម៉ែត្រទេ។
Meizu 16 Plus នឹងមានអេក្រង់ 6.5 អ៊ីង ហើយបើយោងតាមលេចធ្លាយនេះ បង្ហាញថា អេក្រង់បនេះ គឺជាបន្ទះអេក្រង់ OLED Panel ដែលមានរន្ធតែមួយគត់ នៅចុងខាងលើ ដែលជាកាមេរ៉ាសម្រាប់ថត Selfie បើទោះបីជារូបថត នៃផ្នែកកញ្ចក់ ផ្ទុយគ្នាយ៉ាងណាក៏ដោយ ក៏គេនៅតែមើលឃើញថា ស្មាតហ្វូននេះ មានសែនស័រចាប់សញ្ញាពន្លឺ និងអំពូល LED ផងដែរ។
Meizu 16 Series ត្រូវបានគេរំពឹងថា នឹងមានការកំណែប្រែ ដែលបំពាក់មកជាមួយមុខងារស្កេនស្នាមក្រយ៉ៅដៃ នៅជាប់អេក្រង់ផ្នែកខាងក្រោម ឬនៅលើ ប៊ូតុងចុច mBack ផ្ទាល់តែម្តង។ Meizu 16 ក៏នឹងមានបន្ទះ Snapdragon 845 Chipset និងត្រូវបានបំពាក់មកជាមួយបំពង់ Vapor chamber សម្រាប់ចំហាយត្រជាក់ផងដែរ។ រីឯតម្លៃ ត្រូវបានគេរំពឹងថា នឹងមានកម្រិតទាបជាង 4.000 យន់ ដែលបច្ចុប្បន្នមានតំលៃស្មើនឹង 600 ដុល្លារ ឬប្រហាក់ប្រហែល 510 អឺរ៉ូ ប៉ុណ្ណោះ៕
