ស្របពេលដែលយើងកំពុងតែរង់ចាំយ៉ាងអន្ទះសារទៅលើថ្ងៃប្រកាសបង្ហាញខ្លួន និងកាលបរិច្ឆេទនៃស្មាតហ្វូន Galaxy Note 9 នៅក្នុងរយៈពេលប៉ុន្មានសប្តាហ៍ខាងមុខនេះ នៅពេលនេះ មានព័ត៌មានជាច្រើនរបស់ស្មាតហ្វូនេះ បានបែកធ្លាយជាបន្តបន្ទាប់ ហើយកន្លងមកនេះ យើងបានដឹងនូវអ្វីៗស្ទើរតែគ្រប់យ៉ាងទៅហើយនៅលើសមាតហ្វូននេះ ជាពិសេសបន្ទះឈីបដែលប្រើប្រាស់នៅលើស្មាតហ្វូននេះតែម្តង។
នៅក្នុង Benchmark បានបែកធ្លាយចេញនូវអនុភាពនៃបន្ទះឈីបនេះ បង្ហាញថា គឺមានពិន្ទុខ្ពស់ ហើយលទ្ធផលនោះ គឺអស្ចារ្យមែនទែន។ សម្រាប់ម៉ូដែល SM-N960X នេះ បញ្ជាក់ថា ក្រុមហ៊ុន Samsung តែងតែដាក់លក់ស្មាតហ្វូននេះ នៅលើវេបសាយរបស់ខ្លួននៅក្នុងសហរដ្ឋអាមេរិក ដែលទទួលបានពិន្ទុ 12246 points នៅក្នុងការធ្វើតេស្ត៍ multi-core test និងពិន្ទុ 4089 សម្រាប់ការធ្វើតេស្ត single-core។ ប្រៀបធៀប ម៉ូដែលបច្ចុប្បន្ន Galaxy S9+ ប្រើប្រាស់នូវបន្ទះឈីប Exynos 9810 គឺមានពិន្ទុ 8679 និង 3372 ផងដែរ។ សម្រាប់ពិន្ទុនៃដំណើរការរបស់ iPhone single-core វិញ គឺលើសពិន្ទុនៅក្នុងការធ្វើតេស្ត៍ multi-core ។
កន្លងមកនេះ បន្ទះឈីប Exynos 9820 chipset ត្រូវបានគេរំពឹងថា នឹងប្រើប្រាស់នៅលើស្មាតហ្វូន S10 ដោយមិនមែនប្រើប្រាស់នៅលើស្មាតហ្វូន Note 9 នោះទេ ប៉ុន្តែដោយសារស្មាតហ្វូននេះ មានរ៉េមទំហំ 4GB។ ប៉ុន្តែព័ត៌មានជាច្រើន បានបញ្ជាក់ថា ស្មាតហ្វូន Note 9 នឹងមានរ៉េមទំហំ 6GB។ យើង សង្ឃឹមថា ព័ត៌មាននេះ គឺជាការពិត នឹងមានគំរូជាច្រើនរបស់ស្មាតហ្វូននេះ។ បើតាមដឹងនោះ ក្រុមហ៊ុន Samsung ក៏ទំនងប្រហែលជាប្រើប្រាស់នូវបន្ទះឈីបថ្មី 7nm chipsets ទៀតផង។ សម្រាប់បន្ទះឈីប 7nm processor នេះ ត្រូវបានគេជ្រើសប្រើប្រាស់សំរាប់ប្រកួតប្រជែងជាមួយនឹងស្មាតហ្វូន iPhones 2018 ដែលនឹងប្រើប្រាស់ជាមួយនឹងបន្ទះឈីប A12 chipset នោះ៕