Oppo Find X គឺជាស្មាតហ្វូនស៊េរីថ្មីរបស់ក្រុមហ៊ុនបច្ចេកវិទ្យាចិ នដែលមានអេក្រង់ទំហំ 94% បើធៀបទៅនឹងតួខ្លួនរបស់វា។ ស្មាតហ្វូននេះ បានបង្ហាញខ្លួននៅខែមុននេះ នៅក្នុងទីក្រុងប៉ារីសនៃប្រទេសបារាំង។ បន្ទាប់មក ស្មាតហ្វូននេះ ក៏បានបង្ហាញខ្លួននៅក្នុងប្រទេសចិន និងប្រទេសឥណ្ឌា។ ពេលនេះក្រុមហ៊ុន OPPO ក៏បានត្រៀមប្រកាសបង្ហាញស្មាតហ្វូន Oppo Find X នៅក្នុងទីផ្សារនៃចក្រភពអង់គ្លេសផងដែរ។ តាមការបញ្ជាក់នៅក្នុងរបាយការណ៍នេះ ស្មាតហ្វូននេះ នឹងអាចរកទិញបាននៅក្នុងប្រទេសអ៊ីតាលី ប្រទេសអេស្ប៉ាញ ប្រទេសបារាំង និងហូឡង់នោះ ស្របពេលដែលអ្នកនាំពាក្យរបស់ក្រុមហ៊ុន Oppo បានបញ្ជាក់ថា ស្មាត ហ្វូននេះនឹងបង្ហាញខ្លួននៅក្នុងចក្រភពអង់គ្លេស ហើយវានៅមិនទាន់មានព័ត៌មានលម្អិតអំពីកាលបរិច្ឆេទនៃការប្រកាសបង្ហាញស្មាតហ្វូននេះទេ។
នៅក្នុងតំបន់អ៊ឺរ៉ុបនោះ ស្មាតហ្វូននេះ លក់នៅក្នុងតម្លៃ €999 ហើយសម្រាប់ស្មាតហ្វូន Find X Lamborghini Edition នឹងមានតម្លៃ €1699 ។ ខណៈពេលដែលម៉ូដែលស្តង់ដារនេះអាចរកទិញបានជាមួយនឹងពីរពណ៌គឺពណ៌ខៀវ និងពណ៌ក្រហម ខណៈពេលដែលស្មាតហ្វូន Lamborghini Edition គឺមានតែពណ៌ខ្មៅប៉ុណ្ណោះ។ Oppo Find X គឺជាស្មាតហ្វូនដែលមានអេក្រង់ទំហំ 6.5-inch Full-HD+ OLED display ជាមួយនឹងកម្រិតអេក្រង់ 19.5:9 aspect ratio ។ នេះគឺជាអេក្រង់ដំបូងបំផុតនៅក្នុងពិភពលោកដែលមានទំហំ 93.8% បើធៀបទៅនឹងតួខ្លួនរបស់វានោះ។
ស្មាតហ្វូននេះប្រើប្រាស់នូវបន្ទះឈីប Qualcomm Snapdragon 845 processor រួមជាមួយនឹងរ៉េមទំហំ 8GB RAM និងម៉េមូរីក្នុងម៉ាស៊ីនទំហំ 256GB ផងដែរ។ ស្មាតហ្វូននេះមិនមានប្រព័ន្ធស្កេនក្រយ៉ៅដៃនោះទេ ប៉ុន្តែវាមានប្រព័ន្ធ O-Face (3D face unlock) ដែលក្រុមហ៊ុន Oppo បញ្ជាក់ថា វាមានសមត្ថភាពក្នុងការស្កេនខុសនៅក្នុងកម្រិត 1/1,000,000 នោះ ស្មាតហ្វូន Oppo Find X ប្រើប្រាស់នូវកាមេរ៉ាខាងមុខដែលមានភ្ជាប់ជាមួយនឹង 3D face scanning sensors សម្រាប់ការដោះសោរ ហើយវាក៏មានការប្រើប្រាស់នូវប្រព័ន្ធកាមេរ៉ាភ្លោះ និងភ្លើង LED flash ផងដែរ។
ក្រុមហ៊ុន OPPO ហៅកាមេរ៉ានេះថា “Stealth 3D cameras” ។ មុខងារដោះសោរ 3D face unlock នេះត្រូវក្រុមហ៊ុន Oppo ហៅថា O-Face Recognition ដែលប្រើប្រាស់នូវមុខងារ 3D Structured Light Technology ដែលអាចធ្វើការស្កេនទៅលើចំនុចចំនួន 15,000 ។ ក្រុមហ៊ុនអះអាងថា បច្ចេកវិទ្យានេះគឺលឿនជាងបច្ចេកវិទ្យា fingerprint recognition ដល់ទៅ 20 ដង។
ស្មាតហ្វូននេះ ប្រើប្រាស់នូវប្រព័ន្ធកាមេរ៉ាភ្លោះទំហំ 16MP+20MP sensors នៅខាងក្រោយជាមួយនឹងមុខងារ OIS និង AI ផងដែរ។ សម្រាប់កាមេរ៉ាខាងមុខរបស់ស្មាតហ្វូននេះមានទំហំ 25MP ហើយនិងមានការប្រើប្រាស់ជាមួយនឹងមុខងារ 3D portrait lighting និង Omoji ផងដែរ។ ស្មាតហ្វូន Oppo Find X ដំណើរការនូវ ColorOS 5.1 AI Smart custom UI នៅលើប្រព័ន្ធប្រតិបត្តិការ Android 8.1 Oreo operating system ។ ស្មាតហ្វូននេះ មានថាមពលថ្ម 3730mAh និងបច្ចេកវិទ្យា VOOC/SuperVOOC fast charging ផងដែរ៕