នៅក្នុងវីដេអូថ្មីមួយបង្ហាញអំពីស្មាតហ្វូន iPhone ដែលមានការរចនារូបរាងកាន់តែប្លែកសម្រាប់ឆ្នាំ 2018 នេះ។ និយាយថា ស្មាតហ្វូននេះ iPhone ចំនួន 3 ម៉ូដែលនេះ ដែលក្រុមហ៊ុន Apple បានត្រៀមខ្លួនក្នុងការប្រកាសបង្ហាញខ្លួននៅខែកញ្ញាខាងមុខនេះ ដែលនឹងមានប្រភេទអេក្រង់ OLED ទំហំ 5.8-inch និង OLED ទំហំ 6.5-inch ហើយនិងអេក្រង់ LCD ទំហំ 6.1-inch ផងដែរ។
Apple នៅមិនទាន់បញ្ជាក់អំពីព័ត៌មានរបស់ iPhone 2018 នៅឡើយទេ។ ទោះជាយ៉ាងណាក៏ដោយ ប្រភពជាច្រើនទម្លាយអំពីផ្នែកខាងមុខរបស់វា និងសម្បកទូរស័ព្ទរបស់វាផងដែរ។ ពេលនេះ លោក Marques Brownlee ក៏បង្ហោះនូវវីដេអូកម្រិតខ្ពស់របស់ iPhones ទាំង 3 ស៊េរីឆ្នាំ 2018 នេះ។
លោក Brownlee បាននិយាយថា វីដេអូនេះគឺចេញពីប្រភពតែមួយដែលទទួលបានកាលពីឆ្នាំមុននេះដែលព័ត៌មានគឺច្បាស់លាស់។ ផ្អែកទៅលើប្រភពនេះ សម្រាប់ការអាប់ឌែតទៅលើស្មាតហ្វូនម៉ូដែល 5.8-inch iPhone X នឹងមានពណ៌ស ពណ៌ខ្មៅ និងពណ៌មាសថ្មី និងម៉ូដែល 6.5-inch OLED “iPhone X Plus” ក៏មានពណ៌ដូចគ្នាផងដែរ។
សម្រាប់ម៉ូដែល 2018 iPhone OLED គឺដូចគ្នាទៅនឹងម៉ូដែល 5.8-inch ។ សម្រាប់ស្មាតហ្វូនម៉ូដែល 6.1-inch iPhone ដែលអ្នកទម្លាយនិយាយថា វានឹងប្រើប្រាស់នូវអេក្រង់ LCD នោះគឺមានកាមេរ៉ាតែមួយគ្រាប់ប៉ុណ្ណោះ មិនមែនភ្លោះនោះទេ។
ប្រភពដែលជឿជាក់បានបញ្ជាក់ទៅកាន់លោក Brownlee ថា សម្រាប់ម៉ូដែល LCD នេះនឹងមានពណ៌ច្រើនសម្រាប់ធ្វើការជ្រើសរើស។ ស្មាតហ្វូនម៉ូដែល LCD 2018 iPhone នេះមានកញ្ចក់នៅខាងក្រោយ ហើយលោក Brownlee អះអាងថា វានឹងមានបច្ចេកវិទ្យា FaceID ផងដែរសម្រាប់ប្រើប្រាស់។
សម្រាប់ Notch គឺមាននៅលើស្មាតហ្វូនទាំង 3 ម៉ូដែលនេះដូចគ្នាទៅនឹង iPhone X ដែរ។ ជាចុងក្រោយ វានៅមិនទាន់មានព័ត៌មានលម្អិតណាមួយបញ្ជាក់នៅឡើយទេ ប៉ុន្តែយើងនឹងទទួលបាននូវព័ត៌មានទាំងអស់នោះនៅខែក្រោយនេះនៅពេលដែលក្រុមហ៊ុន Apple រៀបចំនូវព្រឹត្តិការណ៍សម្ភោធន៍ប្រចាំឆ្នាំរបស់ខ្លួននោះ៕