ជាទូទៅបច្ចេកវិទ្យាត្រូវបានប្រើប្រាស់នៅលើរថយន្តស្ព័រកំពូលៗជាច្រើន នៅលើពិភពលោក ដើម្បីធ្វើការបង្ហាញអំពីសមត្ថភាពរបស់រថយន្តនេះ នៅលើដងផ្លូវ និងការធានាថា អ្វីដែលក្រុមហ៊ុនធ្វើការផលិតរថយន្តនេះ គឺមានលក្ខណៈល្អឥតខ្ចោះ ដូចគ្នានៅក្នុងវិស័យវីដេអូហ្គេមអញ្ចឹង។ បុគ្គលិកជាច្រើននៅក្នុងរោងចក្រ Valencia Engine Assembly Plant របស់ក្រុមហ៊ុន Ford នៅក្នុងប្រទេសអេស្ប៉ាញ បានកំពុងតែប្រើប្រាស់នូវឧបករណ៍ពាក់ដ៏ពិសេសមួយ ដែលប្រើប្រាស់នូវបច្ចេកវិទ្យាកម្រិតខ្ពស់សម្រាប់ធ្វើការតាមដានទៅលើចលនារបស់មនុស្ស (body tracking technology)។
សម្រាប់គម្រោងសាកល្បងធ្វើការបង្កើតឡើងដោយក្រុមហ៊ុន Ford និងវិទ្យាស្ថាន Instituto Biomecánica de Valencia ដែលមានបុគ្គលិកដល់ទៅ 71 នាក់ដេលធ្វើការនៅក្នុងផ្នែកចំនួន 21 នោះ។ បច្ចេកវិទ្យាសម្រាប់ធ្វើការតាមដានទៅលើអ្នកប្រើប្រាស់នេះគឺប្រើប្រាស់សម្រាប់ធ្វើការថតនូវសកម្មភាពនៅក្នុងការហ្វឹកហាត់របស់គ្រូបង្វឹក និងអ្នកចូលរួមប្រកួតនោះ។ ក្រុមហ៊ុនFord កំពុងតែប្រើប្រាស់នូវបច្ចេកវិទ្យានេះសម្រាប់ការពង្រឹងទៅលើគុណភាពនៃការផលិតរបស់ខ្លួននោះ។
លោក Javier Gisbert នាយកគ្រប់គ្រងផ្នែកផលិតរបស់ក្រុមហ៊ុននេះនៅក្នុងរោងចក្រ Ford Valencia Engine Assembly Plant បាននិយាយថា “វាមានការបង្ហាញថា សម្រាប់រថយន្តស្ព័ររបស់យើងក៏មមានការប្រើប្រាស់នូវបច្ចេកវិទ្យាសម្រាប់ធ្វើការតាមដាន motion tracking technology ដែលអ្នកប្រើប្រាស់នឹងទទួលបាននូវគុណសម្បត្តិជាច្រើន។ សម្រាប់បុគ្គលិករបស់យើងនោះ ការផ្លាស់ប្តូរជាច្រើននឹងកើតឡើងនៅក្នុងកន្លែងការងារដោយប្រើប្រាស់នូវបច្ចេកវិទ្យាស្រដៀងគ្នានេះដែលអាចធ្វើការធានាថា ទោះបីជាធ្វើការច្រើនម៉ោង ក៏ពួកគេអាចធ្វើការដោយមានអារម្មណ៍ផាសុកភាពបំផុត។”
សូមធ្វើការទស្សនាវីដេអូនៅទីនេះ៖
ក្រុមវិស្វករជាច្រើនក៏ធ្វើការជម្រុញទៅលើឧបករណ៍ពាក់នេះដែលវាមានការបង្ហាញអំពីរបៀបដែលមនុស្សយន្តត្រូវធ្វើការផ្លាស់ប្តូរសកម្មភាពរបស់មនុស្ស និងប្រើប្រាស់នៅកន្លែងដែលប្រើប្រាស់កម្លាំងពលកម្មនោះ។ មួយវិញទៀត រោងចក្រដែលប្រើប្រាស់នូវបច្ចេកវិទ្យាថ្មីនេះ គឺសម្រាប់ធ្វើការផលិតនូវរថយន្ត Ford Transit Connect និងម៉ាស៊ីន 2.0-litre EcoBoost Duratec នៅក្នុងខែនេះផងដែរ។
នៅពេលនេះ ក្រុមហ៊ុន Ford ពិចារណាក្នុងការបើកនូវរោងចក្រជាច្រើនទៀត នៅក្នុងតំបន់អ៊ឺរ៉ុប។ នេះគឺជាផ្នែកមួយក្នុងការកាត់បន្ថយនូវហានិភ័យគ្រោះថ្នាក់ ដែលអាចកើតឡើងនៅក្នុងពេលផលិតរថយន្តតាមរយៈការប្រើប្រាស់នូវបច្ចេកវិទ្យាជាច្រើន និងការផ្លាស់ប្តូរទៅលើដំណើរការនៃការបើកបរនោះ៕