ថ្មីៗនេះ នៅលើទីផ្សារទូរស័ព្ទនៅលើពិភពលោក គឺមានការបញ្ចេញនូវស្មាតហ្វូនថ្នាក់ប្រណិតជាច្រើនប្រភេទ ជាក់ស្តែងដូជជាក្រុមហ៊ុនបច្ចេកវិទ្យារបស់ចិន Oppo ជាដើម ដែលទើបតែបានប្រកាសចេញលក់នូវស្មាតហ្វូនស៊េរីថ្មីរបស់ខ្លួនសម្រាប់អ្នកប្រើប្រាស់ជាច្រើនរបស់ខ្លួននៅក្នុងប្រទេសចិន។ ក្រុមហ៊ុន Oppo បានលក់ស្មាតហ្វូន Find X អស់ជាច្រើនរាប់ពាន់គ្រឿងក្នុងរយះពេលខ្លីនេះ។ លោកអ្នក ប្រាកដជាបានដឹងរួចមកហើយថា កាមេរ៉ារបស់ស្មាតហ្វូន Find X គឺជាប្រភេទរុញ មកខាងក្រៅដែលប្រើប្រាស់នូវបច្ចេកវិទ្យា 3D សម្រាប់ធ្វើការស្កេនទៅលើផ្ទៃមុខរបស់អ្នកជាមួយនឹងពេលវេលាខ្លីបំផុត។
ពេលនេះ ក្រុមហ៊ុន Oppo មិនត្រឹមតែដាក់លក់នូវស្មាតហ្វូន Find X នោះទេ ប៉ុន្តែក្រុមហ៊ុននេះ ក៏ត្រៀមនឹង បង្ហាញនូវម៉ូដែលថ្នាក់ប្រណិតរបស់ខ្លួនគឺប្រភេទ Lamborghini edition ដែលមានល្បឿនលឿនភ្ជាប់ជាមួយនឹងបច្ចេកវិទ្យា 5A VOOC charging ទៀតផងដែលម៉េមូរីទំហំ 512GB ជាមួយនឹងតម្លៃ $1500 ឯណោះ។ អ្វីដែលកាន់តែភ្ញាក់ផ្អើលទៀតនោះ សម្រាប់ពេលនេះស្មាតហ្វូនដែលប្រើប្រាស់នូវម៉េមូរីទំហំ 512GB គឺមានដូចជា Huawei's Mate RS, Oppo's Find X Lamborghini និង Galaxy Note 9 ជាដើម។
ភាពផ្សេងគ្នានៅក្នុងស្មាតហ្វូនទំហំម៉េមូរី 512GB នេះ គឺតម្លៃ និងទំហំរ៉េម ហើយលោកអ្នកក៏អាចធ្វើការកម្មង់ទិញស្មាតហ្វូន Galaxy note 9 នៅក្នុងរយៈពេលពីរសប្តាហ៍ខាងមុខនេះ។ ស្មាតហ្វូន Mate RS នេះ អាចរកទិញបានជាមួយនឹងទំហំ 256GB និង 512GB ដែលនឹងដាក់លក់នៅក្នុងប្រទេសចិន ស្របពេលដែលស្មាតហ្វូន Oppo Find X Lamborghini ត្រៀមខ្លួនក្នុងការដាក់លក់នៅអាស៊ីផងដែរ។ ចំនែកស្មាតហ្វូន Asus ROG Phone 512GB នៅមិនទាន់បញ្ជាក់អំពីតម្លៃ និងកាលបរិច្ឆេទនៃការដាក់លក់នៅឡើយទេ។
អ្វីដែលគួរអោយចាប់អារម្មណ៍នៅក្នុងអត្ថបទេនេះ គឺថាអ្នកវិភាគបានចាត់ទុកថា ស្មាតហ្វូនស៊េរីថ្មី Note 9 គឺមានតម្លៃថោកជាងគេបំផុត នៅក្នុងចំណោមស្មាតហ្វូនជាច្រើនដែលមានម៉េមូរីទំហំ 512GB ហើយសម្រាប់ microSD កាតទំហំគ្នានេះ តើលោកអ្នកយល់ឃើញដូចម្តេចដែរ?