OPPO Find X ដែលជាកំពូលទូរស័ព្ទឆ្លាតវៃរបស់ OPPO បានមកដល់ប្រទេសកម្ពុជាហើយ។ គ្រាន់តែ តែលេចមុខជាផ្លូវការលើទីផ្សារប្រទេសកម្ពុជានៅថ្ងៃទី 5 ខែសីហានេះភ្លាម OPPO Find X បានផ្ដល់ភាពភ្ញាក់ផ្អើល និងភាពទាក់ទាញគួរឲ្យកត់សម្គាល់ ដោយសង្កេតឃើញថា ចំនួនលក់ចេញមានការកើនជាលំដាប់ លើសពីការំពឹងទុករបស់ក្រុមហ៊ុន។ មានអតិថិជនជាច្រើនបានមករងចាំទទួលយកFind Xដែលខ្លួនបានធ្វើការកម្ម៉ង់នៅតាមហាងទូរស័ព្ទនានា ហើយមកទល់ពេលនេះគឺមានហាងលក់ទូរស័ព្ទជាច្រើនដ៏បានដាច់ស្តុកផងដែរ ក៏កំពុងតែធ្វើការកម្ម៉ង់បន្ថែមពីខាងក្រុមហ៊ុន OPPO ផងដែរ។
ដូចពាក្យដែលគេធ្លាប់បាននិយាយអីចឹង! របស់ដែលមើលឃើញលើអ៊ីនធឺណិតជាច្រើនរយដង មិនស្មើនឹងបានកាន់ក្នុងដៃដោយផ្ទាល់ម្ដងឡើយ។ ពេលដែលអ្នកកាន់ OPPO Find X ក្នុងដៃ អ្នកនឹងមានអារម្មណ៍ហាក់បីដូចជាកាន់គ្រាប់ពេជ្រខៀវដ៏ធំមួយនៅក្នុងដៃអីចឹង ព្រោះថា រូបរាងរបស់ទូរសព្ទកំពូលមួយនេះ រចនាឡើងយ៉ាងប្រណិត ពន្លឺចែងចាំងស្ទើរគ្រប់ជ្រុងនៃទូរស័ព្ទ។ នេះជាចំណុចទាក់ភ្នែកមួយដែលទូរសព្ទដទៃទៀត មិនទាន់មានដូចនៅឡើយទេ គិតត្រឹមផ្នែករចនានៃរូបរាង។
ចំណុចពិសេសរបស់កំពូលស្មាតហ្វូនចុងនេះ គឺមានត្រង់ផ្ទៃអេក្រង់ពេញ រួមជាមួយមុខងារកាមេរ៉ា Pop-up បង្កប់នៅខាងក្នុងតួម៉ាស៊ីន។ Find X ក៏នឹងប្រែក្លាយជាស្មាតហ្វូនរចនាបថអេក្រង់កោង ហើយមានកាមេរ៉ាភ្លោះក្រោយ ទំហំ 20MP+16MP។ Find X មានថាមពលថ្ម 3730 mAh។ កាមេរ៉ាមុខទំហំ 25MP លាយឡំអេក្រង់ធំដល់ 6.4 អ៊ីញ ប្រភេទ AMOLED។ ទូរសព្ទដែលបញ្ជាក់ពីភាពទាន់សម័យរបស់អ្នកមួយនេះ មាន 2 ពណ៌គឺ Bordeaux Red និងGlacier Blue ហើយត្រូវបានលក់ក្នុងតម្លៃ 899 ដុល្លានៅទីផ្សារប្រទេសកម្ពុជា៕