បន្ទាប់ពីសហរដ្ឋអាមេរិក បានធ្វើទុក្ខបុកម្នេញតាមរយៈការយកពន្ធទៅលើទំនិញជាច្រើនរបស់ប្រទេសតួកគី និងការដាក់ទណ្ឌកម្មជាច្រើនទៅលើមន្ត្រីជាច្រើនរបស់ខ្លួននោះ ពេលនេះ រូបិយបណ្ណនៅក្នុងស្រុក មានការធ្លាក់ចុះ ហើយវាមានការបាត់បង់ប្រហែលជា 40% នៃតម្លៃរូបិយប័ណ្ណរបស់ខ្លួនជាមួយនឹងរូបិយបណ្ណដុល្លារចាប់តាំងពីដើមឆ្នាំនេះ។
ប្រធានាធិបតីរបស់តួកគី មិនចាប់អារម្មណ៍ខ្លាំងទៅលើរឿងនេះនោះទេ ហើយលោកក៏ចេញនូវដំបូន្មានទៅកាន់ពលរដ្ឋរបស់ខ្លួន អោយធ្វើការកាន់កាប់ទៅលើរូបិយប័ណ្ណបរទេស ឬលោហៈធាតុ ដ៏មានតម្លៃចូលទៅក្នុងរូបិយប័ណ្ណក្នុងស្រុក។ នៅក្នុងរឿងនេះ លោកបានបញ្ជាក់ថា ពលរដ្ឋតួកគីចំនួន 80 លាននាក់ធ្វើការផ្លាស់ប្តូរពីការប្រើប្រាស់ iPhones ទៅកាន់ Samsung ឬប្រទេសនេះ ត្រៀមផលិតស្មាតហ្វូនម៉ូដែល Venus សម្រាប់ប្រើប្រាស់នៅក្នុងស្រុក។ មានការប៉ាន់ស្មានថា ប្រហែលជាចំណែកទីផ្សារចំនួន 15% គឺប្រើប្រាស់នូវផលិតផល iPhones ហើយក្រុមហ៊ុន Apple ក៏កំពុងតែធ្វើការផ្គត់ផ្គង់ iPads រាប់លានគ្រឿងសម្រាប់សាលារៀនជាច្រើននៅក្នុងប្រទេសតួកគីផងដែរ។
បើយើងមើលទៅ នេះគឺជារឿងមួយ ដែលគួរអោយអស់សំណើចផងដែរ នេះគឺជាអំណាចផ្តាច់ការរបស់សហរដ្ឋអាមេរិក ដែលជាសញ្ញាមួយ ធ្លាប់មាននៅក្នុងសង្គ្រាមត្រជាក់ Cold War។ កាលពីឆ្នាំមុន ប្រទេសចិនក៏ធ្លាប់មានដូចគ្នា ក្នុងប្រទេសយក្សអាស៊ីមួយនេះ ក៏កំទេច iPhones ផងដែរ នៅក្នុងជម្លោះសមុទ្រចិនខាងត្បូងជាមួយនឹងសហរដ្ឋអាមេរិក។ សរុបមក នៅក្នុងរឿងនេះ អ្នកដែលរងគ្រោះថ្នាក់ជាងគេនោះ គឺលោក Tim Cook ដោយសារតែសង្គ្រាមពាណិជ្ជកម្មជាមួយនឹងចិននោះ បានធ្វើអោយ iPhones ក្លាយជាផលិតផល ដែលត្រូវធ្វើការរឹតបន្តឹង និងមានហាមប្រាមផងដែរ៕