កាលពីប៉ុន្មានថ្ងៃមុននេះ ក្រុមហ៊ុន Motorola ធ្លាប់បានទម្លាយនូវឈ្មោះដូចជា P30, P30 Note និង P30 Play នៅលើវេបសាយផ្លូវការរបស់ខ្លួននៅក្នុងប្រទេស ចិន ប៉ុន្តែក្រុមហ៊ុន Lenovo មិនបានទម្លាយនូវរូបភាពរបស់ស្មាតហ្វូនទាំងនេះនោះទេ។ យ៉ាងណាមិញ យើងក៏បានដឹងរួចមកហើយថាតើស្មាតហ្វូនទាំងនោះនឹងមានរូបរាងបែបណានោះ។
ស្មាតហ្វូនស៊េរីថ្មីនេះ នឹងបង្ហាញខ្លួនជាផ្លូវការនៅក្នុងប្រទេសចិននៅថ្ងៃទី 15 ខែសីហានេះ នៅក្នុងព្រឹត្តិការណ៍សន្និសីទមួយដែលស្មាតហ្វូនស៊េរីថ្មី Moto Z3 ត្រូវគេរំពឹងថា នឹងពង្រីកនូវទីផ្សារស្មាតហ្វូនរបស់ខ្លួនចេញពីសហរដ្ឋអាមេរិក ហើយស្មាតហ្វូន Motorola P30 ក៏ចាប់ផ្តើមមានការចាប់អារម្មណ៍កាន់តែខ្លាំងផងដែរបន្ទាប់ពីមានការបែកធ្លាយនូវរូបរាងរបស់វារួចមកនោះ។
រូបភាពប៉ាណូ និងរូបភាពផ្សព្វផ្សាយជាច្រើនត្រូវបានចែកចាយនៅលើបណ្តាញសង្គមរបស់ចិន ប៉ុន្តែស្មាតហ្វូន P30 នេះក៏អាចនឹងមានសន្ទុះខ្លាំងផងដែរនៅក្នុងទីផ្សារខាងលិចស្ថិតនៅក្រោមការប្រើប្រាស់ឈ្មោះ Motorola One នោះ។ ស្មាតហ្វូននេះមានការរចនារូបរាងស្រដៀងគ្នាទៅនឹង iPhone X ហើយនៅថ្ងៃនេះវាក៏មានការទម្លាយអំពីលក្ខណៈសម្បត្តិរបស់ស្មាតហ្វូននេះផងដែរ។ ស្មាតហ្វូននេះប្រើប្រាស់នូវប្រព័ន្ធកាមេរ៉ាភ្លោះទំហំ 16 + 5MP ប្រើប្រាស់បច្ចេកវិទ្យា AI ហើយវាមានតម្លៃ 1,999 yuan ឬ $290 ។
ស្មាតហ្វូននេះ ប្រហែលជាមានរ៉េមទំហំ 6GB និងម៉េមូរីក្នុងម៉ាស៊ីនទំហំ 64GB។ នៅមិនទាន់ដឹងនោះទេអំពីវត្តមានរបស់ស្មាតហ្វូន Motorola P30 Note ប៉ុន្តែស្មាតហ្វូននេះ អាចនឹងមានអេក្រង់ធំ និងថាមពលថ្មធំផងដែរ។ ស្មាតហ្វូន P30 មានអេក្រង់ទំហំ 6.2 inches ជាមួយនឹងកម្រិតសមាមាត្រ 19:9 aspect ratio និងកម្រិតភាពច្បាស់ FHD+។ ស្មាតហ្វូននេះមានថាមពលថ្ម 3,000 mAh។ ស្មាតហ្វូន Moto Z3 ក៏ភ្ជាប់ជាមួយនឹងថាមពលថ្ម 3,000 mAh ដូចគ្នាផងដែរ៕
